ബെംഗളൂരു കാലാവസ്ഥ: തണുപ്പുള്ള ദിവസങ്ങളെ സ്വീകരിക്കാൻ ഒരുങ്ങി നഗരം, സമീപ വർഷങ്ങളിലെ ഏറ്റവും ശൈത്യമുള്ള സമയം

ബാംഗ്ലൂർ കാലാവസ്ഥ: ബെംഗളൂരു തണുപ്പിലാണ്. വരും ദിവസങ്ങളിിൽ കൂടുതൽ തണുത്ത കാലാവസ്ഥയിലേക്ക് ബാംഗ്ലൂര്‍ കടക്കുമെന്നാണ് കാലാവസ്ഥാ മുന്നറിയിപ്പുകൾ സൂചിപ്പിക്കുന്നത്. വടക്കേ ഇന്ത്യയിൽ നിന്നുള്ള ഒരു ശൈത്യതരംഗത്തിന്‍റെ ഫലമായി നഗരത്തിൽ താപനില 10-12 ഡിഗ്രി സെൽഷ്യസായി കുറയുമെന്നാണ് പ്രതീക്ഷിക്കുന്നു. വരും ദിവസങ്ങളിൽ തണുപ്പിനെ നേരിടാൻ ബെംഗളൂരു നിവാസികൾ ഒരുങ്ങിയിരിക്കണം.

ഇന്ന് ജനുവരി 9 വ്യാഴാഴ്ച മൂടൽ മഞ്ഞോടെയാണ് നഗരം ഉണർന്നത്. പിന്നീട് തെളിഞ്ഞ ആകാശം ഉണ്ടാകുമെന്നാണ് പ്രവചനം. ഇന്ന് നഗരത്തിലെ താപനില 19 ഡിഗ്രി സെൽഷ്യസാണ്. കുറഞ്ഞ താപനില ഡിഗ്രി സെൽഷ്യസും കൂടിയ താപനില 29 ഡിഗ്രി സെൽഷ്യസും അനുഭവപ്പെടുമെന്നാണ് കേന്ദ്ര കാലാവസ്ഥാ വകുപ്പിന്‍റെ നിരീക്ഷണങ്ങൾ സൂചിപ്പിക്കുന്നത്, കാറ്റിന്‍റെ വേഗത മണിക്കൂറിൽ 13 കിലോമീറ്ററാണ്.

അതേസമയം, കഴിഞ്ഞ ദിവസങ്ങളിൽ നിന്ന് വ്യത്യസ്തമായി നഗരത്തിലെ നഗരത്തിലെ വായു നിലവാരം മോശമായി. ഇന്ന് ബാംഗ്ലൂരിലെ എക്യുഐ 146 ആണ്. അതിനാൽ ആസ്ത്മ പോലുള്ള ശ്വാസകോശ സംബന്ധമായ അവസ്ഥകളുള്ള കുട്ടികളും മുതിർന്നവരും പുറത്തിറങ്ങുമ്പോൾ മുൻകരുതലുകൾ സ്വീകരിക്കേണ്ടതാണ്.

ഏറ്റവും തണുപ്പുള്ള വർഷങ്ങളിലൊന്ന്

സമീപ വർഷങ്ങളിലെ കണക്ക് നോക്കിയാൽ ഈ അടുത്ത ഇടയിലെ ഏറ്റവും തണുപ്പുള്ള ശൈത്യകാലങ്ങളിലൊന്നായി മാറുകയാണ് 2025 ജനുവരി. താപനിലയിൽ വലിയ ഇടിവ് തന്നെയാണ് ഈ ദിവസങ്ങളിൽ രേഖപ്പെടുത്തിയിട്ടുള്ളത്. ഉത്തരേന്ത്യയിൽ നിന്നുള്ള തണുപ്പ് വരും ദിവസങ്ങളിൽ താപനില 10-12 ഡിഗ്രി സെൽഷ്യസായി കുറയുമെന്ന് പ്രതീക്ഷിക്കുന്നതിനാൽ നഗരം തണുപ്പിന് തയ്യാറാണ്.

ചൊവ്വാഴ്ച മുതൽ വെള്ളി വരെ കുറഞ്ഞ താപനില 15°C മുതൽ 18°C ​​വരെയാണ് നഗരത്തിൽ ഇന്ത്യൻ മെറ്റീരിയോളജിക്കൽ ഡിപ്പാർട്ട്‌മെൻ്റ് (ഐഎംഡി) പറയുന്നതനുസരിച്ച്, അനുഭവപ്പെടുന്ന താപനില. ബെംഗളൂരുവിൽ പരമാവധി താപനില 27 ഡിഗ്രി സെൽഷ്യസിനും 29 ഡിഗ്രി സെൽഷ്യസിനും ഇടയിലായിരിക്കും.

ഉത്തരേന്ത്യയിൽ നിന്നുള്ള തണുപ്പ് കൂടാതെ കഴിഞ്ഞ വർഷം ലഭിച്ച മികച്ച മഴയും തണുപ്പ് അനുഭവപ്പെടുന്നതിന് പ്രധാന കാരണങ്ങളിലൊന്നാണ്. തടാകങ്ങളും നദികളും അണക്കെട്ടുകളും വെള്ളത്താൽ സമൃദ്ധമാണ്. ഈ ജലാശയങ്ങൾ ചുറ്റുമുള്ള വായുവിനെ തണുപ്പിക്കുന്നതിനാൽ പലയിടങ്ങളിലും തണുപ്പ് അനുഭവപ്പെടുന്നു.

ബെംഗളൂരു കാലാവസ്ഥ- ജനുവരി 10

ജനുവരി 10 വെള്ളിയാഴ്ച, ബാംഗ്ലൂരിൽ ഏറ്റവും കുറഞ്ഞ താപനില 14.93 ഡിഗ്രി സെൽഷ്യസും കൂടിയ താപനില 26.27 ഡിഗ്രി സെൽഷ്യസും ആയിരിക്കുമെന്നാണ് പ്രവചനം.

ആരോഗ്യം ശ്രദ്ധിക്കാം

തണുപ്പു കൂടുന്നതിനനുസരിച്ച് ആരോഗ്യപ്രശ്നങ്ങൾ അനുഭവപ്പെടാനുള്ള സാധ്യതകളും വർധിക്കും. പ്രത്യേകിച്ച് രാവിലെയും വൈകുന്നേരവും താപനില ഏറ്റവും താഴ്ന്ന സമയങ്ങളിൽ ശ്വാസകോശസംബന്ധമായതും പനി, ജലദോഷം പോലുള്ള അസുഖങ്ങളുള്ളവരും പുറത്തിറങ്ങുന്നത് കുറയ്ക്കുക. പുറത്തിറങ്ങേണ്ട സാഹചര്യങ്ങളിൽ ജാക്കറ്റ് ധരിക്കുക. പോഷകസമൃദ്ധമായ ഭക്ഷണക്രമം ഉറപ്പാക്കുക, ജലാംശം നിലനിർത്തുക എന്നിവയും പ്രധാനമാണ്.