ബെംഗളൂരു കാലാവസ്ഥ: നഗരത്തിൽ മെയ് 6 വരെ യെല്ലോ അലര്‍ട്ട്..മഴ കനക്കുന്നത് ചൊവ്വാഴ്ച രാത്രി

ബാംഗ്ലൂർ കാലാവസ്ഥ: മെയ് മാസം മഴയോടെയാണ് ബെംഗളൂരുവിൽ എത്തിയത്. തുടക്കം മുതൽ തന്നെ മഴ. മഴക്കാലത്തിന് മുൻപുള്ള വേനൽമഴ കഴിഞ്ഞ കുറച്ച് ദിവസങ്ങളായുള്ള ചൂടിന് ചെറിയ ആശ്വാസമൊന്നുമല്ല നല്കിയത്. വെള്ളിയാഴ്ച വൈകിട്ടും ജയനഗർ, സിൽക്ക് ബോർഡ് തുടങ്ങി പലയിടങ്ങളിലും മോശമല്ലാത്ത മഴ ലഭിച്ചിരുന്നു. രണ്ടു മൂന്നു ദിവസങ്ങളായുള്ള മഴ കാരണം വരും ദിവസങ്ങളിലും മഴയുണ്ടാകുമോ എന്ന ആശങ്കയിലാണ് ബെംഗളൂരു നിവാസികൾ.

വെള്ളിയാഴ്ച രാത്രി 8.30 വരെ ബെംഗളൂരു സിറ്റി സ്റ്റേഷനിൽ 6.1 മില്ലീമീറ്ററും എച്ച്എഎൽ സ്റ്റേഷനിൽ 6.4 മില്ലീമീറ്ററും മഴ പെയ്തതായി ഇന്ത്യൻ കാലാവസ്ഥാ വകുപ്പ് (ഐഎംഡി) റിപ്പോർട്ട് ചെയ്തു.

വെള്ളിയാഴ്ച വൈകിട്ട് പെയ്ത മഴയിൽ മരങ്ങൾ കടപുഴകി വീണും ചില്ലകൾ ഒടിഞ്ഞതുമായ നിരവധി സംഭവങ്ങൾ റിപ്പോർട്ട് ചെയ്തു. ബ്രുഹത് ബെംഗളൂരു മഹാനഗര പാലികെ (ബിബിഎംപി) നഗരത്തിലുടനീളം 68 മരങ്ങൾ കടപുഴകി വീണ കേസുകളും 93 ശാഖകൾ തകർന്ന സംഭവങ്ങളും റിപ്പോർട്ട് ചെയ്തു. കമ്മനഹള്ളി മെയിൻ റോഡ്, മാരിയപ്പ റോഡ്, എച്ച്ആർബിആർ ലേഔട്ട്, കല്യാൺ നഗർ, ബനസ്വാഡി പ്രദേശങ്ങളിൽ മഴ ചില നാശനഷ്ടങ്ങൾ വരുത്തി.

കൂടാതെ, ബന്നാർഘട്ട റോഡ്, എം.ജി. റോഡ്, ഹൊസൂർ റോഡ്, ഗൊരഗുണ്ടേപാളയ, മൈസുരു റോഡ്, തുംകുരു റോഡ്, ഓൾഡ് മദ്രാസ് റോഡ് തുടങ്ങിയ ഭാഗങ്ങളിൽ ഗതാഗതക്കുരുക്ക് അനുഭവപ്പെട്ടു. പലയിടങ്ങളിലും റോഡുകളിൽ വെള്ളക്കെട്ടു രൂപപ്പെട്ടു. കാൽനട യാത്രക്കാരെയും ഇരുചക്രവാഹനങ്ങളെയുമാണ് വെള്ളക്കെട്ട് മോശമായി ബാധിച്ചത്.

ബെംഗളുരുവിൽ യെല്ലോ അലര്‍ട്ട്

അതേസമയം, കേന്ദ്ര കാലാവസ്ഥാ വകുപ്പ് ബാംഗ്ലൂർ നഗരത്തിൽ വരുന്ന അഞ്ച് ദിവസത്തേയ്ക്കു കൂടി യെല്ലോ അലര്‍ട്ട് പ്രഖ്യാപിച്ചിരിക്കുകയാണ്. മെയ് 7 വരെയാണ് ബാംഗ്ലൂരിൽ മഞ്ഞ അലർട്ട്. വൈകുന്നേരങ്ങളിൽ മഴയും ഇടിമിന്നലും നഗരത്തിൽ അനുഭവപ്പെടുമെന്നാണ് മുന്നറിയിപ്പുകൾ സൂചിപ്പിക്കുന്നത്.

ബംഗാൾ ഉൾക്കടലിൽ ചുഴലിക്കാറ്റ് രൂപപ്പെട്ട് കർണാടക, തമിഴ്‌നാട് എന്നിവിടങ്ങളിലേക്ക് നീങ്ങുകയാണെന്നും ഇത് ബെംഗളൂരു റൂറൽ, കോലാർ, ചിക്കബെല്ലാപ്പൂർ, രാമനഗര, മൈസൂരു, ചാമരാജനഗർ, ഹാസൻ, തുംകൂർ, ദാവൻഗരെ, ശിവമൊഗ്ഗ, ചിക്കമഗളൂരു, ചിക്കമഗളൂരു, ചിക്കമഗളൂരു, ചിക്കമഗളൂരു തുടങ്ങിയ ജില്ലകളിൽ മഴയ്ക്ക് കാരണമാകുമെന്നും ഇന്ത്യൻ കാലാവസ്ഥാ വകുപ്പ് (ഐഎംഡി) അറിയിച്ചതായി ടൈംസ് നൗ ന്യൂസ് റിപ്പോർട്ട് സൂചിപ്പിക്കുന്നു.

ബെംഗളൂരു ഇന്നത്തെ കാലാവസ്ഥ

ഇന്ന് മെയ് 3 ശനിയാഴ്ച ബെംഗളൂരു അർബൻ ജില്ലയിൽ കൂടിയ താപനില 34 ഡിഗ്രി സെൽഷ്യസും കുറ‍ഞ്ഞ താപനില 21 ഡിഗ്രി സെൽഷ്യസും അനുഭവപ്പെടും.
ബെംഗളൂരു റൂറൽ ജില്ലയിലും ഇതേ താപനില തന്നെയാണ് കാലവസ്ഥാ വകുപ്പ് പ്രവചിച്ചിരിക്കുന്നത്.
ഭാഗികമായി മേഘാവൃതമായ ആകാശം, നേരിയ മഴ, ഇടിമിന്നൽ എന്നിവയും മണിക്കൂറിൽ 50-60 കിമി വേഗതയിലുള്ള കാറ്റ് വീശാനുള്ള സാധ്യതയും ഇന്ന് ബെംഗളൂരുവിലുണ്ട്.

മെയ് 4 ഞായർ
മെയ് നാലിന് നഗരത്തില്‍ ഭാഗികമായി മേഘാവൃതമായ ആകാശം അനുഭവപ്പെടും. ഒന്നോ രണ്ടോ മഴയ്ക്കും ഇടിമിന്നലിനും സാധ്യതയുണ്ട്. മഴയ്ക്കിടയിൽ കുറച്ച് നേരം തെളിഞ്ഞ ആകാശിനു പ്രതീക്ഷയുള്ളത് അല്പം ആശ്വാസം പകരും. കൂടിയ താപനില 33 ഡിഗ്രി സെൽഷ്യസും കുറ‍ഞ്ഞ താപനില 21 ഡിഗ്രി സെൽഷ്യസും അനുഭവപ്പെടും. വാരാന്ത്യ യാത്രകൾ പ്ലാൻ ചെയ്യുന്നവർ കുട കരുതുവാൻ മറക്കരുത്.

മെയ് 5
തിങ്കളാഴ്ചയും ഭാഗികമായി മേഘാവൃതമായ ആകാശം തന്നെയാണ് കാലാവസ്ഥാ വകുപ്പ് പ്രവചിക്കുന്നത്. . ഒന്നോ രണ്ടോ മഴയ്ക്കും ഇടിമിന്നലിനും സാധ്യതയുണ്ട്. കൂടിയ താപനില 33 ഡിഗ്രി സെൽഷ്യസും കുറ‍ഞ്ഞ താപനില 21 ഡിഗ്രി സെൽഷ്യസും അനുഭവപ്പെടും.

മെയ് 6
ചൊവ്വാഴ്ച വൈകുന്നേരത്തോടെയോ അല്ലെങ്കില്‍ രാത്രിയിലോ ഇടിയും മഴയും അനുഭവപ്പെടും. കൂടിയ താപനില 33 ഡിഗ്രി സെൽഷ്യസും കുറ‍ഞ്ഞ താപനില 21 ഡിഗ്രി സെൽഷ്യസും ആയിരിക്കും, ഈർപ്പവും ചൂടും നിറഞ്ഞ അന്തരീക്ഷമായിരിക്കും പകൽ മുഴുവനും.

മെയ് 7
ബുധനാഴ്ച കാര്യമായ മഴ ബെംഗളൂരുവിൽ പ്രതീക്ഷിക്കുന്നില്ല. കൂടിയ താപനില 33 ഡിഗ്രി സെൽഷ്യസും കുറ‍ഞ്ഞ താപനില 21 ഡിഗ്രി സെൽഷ്യസും അനുഭവപ്പെടും. മുൻദിവസങ്ങളെ അപേക്ഷിച്ച് വരണ്ട കാലാവസ്ഥയായിരിക്കും അനുഭവപ്പെടുത.

മെയ് 8
ആകാശം ഭാഗികമായി മേഘാവൃതമായിരിക്കും. വ്യാഴാഴ്ച നഗരത്തിൽ മഴ പ്രതീക്ഷിക്കുന്നില്ല. താപനില 21 ഡിഗ്രി സെൽഷ്യസിനും 33 ഡിഗ്രി സെൽഷ്യസിനും ഇടയിൽ തുടരും.