കാത്തുനിൽപ്പോ താമസമോ ഇല്ലാ, എസ്ബിഐ ഫാസ്ടാഗ് വരുന്നു, യാത്രകൾ ഇനി വേഗത്തിലും എളുപ്പത്തിലും

യാത്രാ സമയം കുറയ്ക്കുവാനും വാഹന തിരിച്ചറിയൽ കൂടുതൽ കാര്യക്ഷമമാക്കുവാനുമായി ഫാസ്ടാഗിൽ പുതിയ ഡിസൈൻ പുറത്തിറക്കി സ്‌റ്റേറ്റ് ബാങ്ക് ഓഫ് ഇന്ത്യ. കാറുകൾ, ജീപ്പുകൾ, വാനുകൾ എന്നിവ ഉൾപ്പെടുന്ന വാഹന ക്ലാസ് 4 ന് പുത്തൻ രൂപത്തിലുള്ള എസ്ബിഐ ഫാസ്ടാഗ് സഹായിക്കും.
യാത്രക്കാരുടെ ബുദ്ധിമുട്ടുകൾ ലഘൂകരിക്കുക എന്നതാണ് ഇതിൻറെ പ്രധാന ലക്ഷ്യം. ഇത് സംബന്ധിച്ച് പുറത്തിറക്കിയ പത്രക്കുറിപ്പിൽ, എസ്ബിഐ ഫാസ്ടാഗിന്‍റെ പുതിയ ഡിസൈൻ കാരണം വാഹനങ്ങൾ തിരിച്ചറിയാനും ടോൾ ടാക്‌സ് പിരിക്കാനും എളുപ്പമാകുമെന്ന് സൂചിപ്പിക്കുന്നു. രാജ്യത്തുടനീളമുള്ള ലക്ഷക്കണക്കിന് യാത്രക്കാർക്ക് ഇത് സമയം ലാഭിക്കാൻ സഹായിക്കും.

റേഡിയോ ഫ്രീക്വൻസി ഐഡന്‍റിഫിക്കേഷൻ ടെക്നോളജി (ആർഎഫ്ഐഡി) അടിസ്ഥാനമാക്കി പ്രവർത്തിക്കുന്ന എസ്ബിഐ ഫാസ്ടാഗ് ഉപയോഗിക്കുമ്പോൾ വാഹനങ്ങൾ ടോൾ ടാക്‌സിൽ നിർത്തി ഫാസ്‌ടാഗ് സ്‌കാൻ ചെയ്യേണ്ടതില്ല, പകരം ഫാസ്‌ടാഗുമായി ബന്ധിപ്പിച്ചിട്ടുള്ള പ്രീപെയ്ഡ് അക്കൗണ്ടിൽ നിന്നോ സേവിംഗ്‌സ് അക്കൗണ്ടിൽ നിന്നോ നേരിട്ട് തുക ഈടാക്കുകയാണ് ചെയ്യുന്നത്.

ഈ ഫാസ്‌ടാഗ് വാഹനങ്ങളുടെ വിൻഡ്‌സ്‌ക്രീനിൽ ഒട്ടിച്ചിരിക്കുന്നതിനാൽ ടോൾ പ്ലാസയിൽ വാഹനങ്ങൾ നിർത്തി പണം നൽകാനുള്ള സമയം ലാഭിക്കുന്നു. ടാഗ് ഇഷ്യൂ ചെയ്യുന്നവരിൽ നിന്ന് ഈ ടാഗുകൾ എളുപ്പത്തിൽ വാങ്ങാം. നിങ്ങൾ ഒരു പ്രീ-പെയ്ഡ് ടാഗ് വാങ്ങിയിട്ടുണ്ടെങ്കിൽ, അത് നിങ്ങളുടെ സൗകര്യത്തിനനുസരിച്ച് റീചാർജ് ചെയ്യുകയോ ടോപ്പ്-അപ്പ് ചെയ്തോ ഉപയോഗിക്കാം.

ആർക്കൊക്കെ പുതിയ എസ്ബിഐ ഫാസ്ടാഗ് ഉപയോഗിക്കാം

എസ്ബിഐ പുറത്തിറക്കിയ പുതുതായി രൂപകല്പന ചെയ്ത ഫാസ്ടാഗ് (VC-04) വിഭാഗത്തിലുള്ള വാഹനങ്ങൾക്ക് മാത്രമാണ് നൽകിയിരിക്കുന്നത്. ഈ വിഭാഗത്തിൽ പെടുന്ന കാറുകൾക്കും ജീപ്പുകൾക്കും വാനുകൾക്കും മാത്രമേ ഈ ടാഗ് ഉപയോഗിക്കാനാകൂ എന്ന് ബാങ്ക് വ്യക്തമാക്കിയിട്ടുണ്ട്. വാഹനങ്ങള്‍ ഏതെന്ന് കൃത്യമായി മനസ്സിലാകുന്ന തരത്തിലാണ് ടാഗ് രൂപകൽപ്പന ചെയ്തിരിക്കുന്നത്, ഇത് ടോൾ പിരിവ് എളുപ്പമാക്കുകയും യാത്രക്കാരുടെ സമയം പാഴാക്കാതിരിക്കുകയും ചെയ്യും.

പുതിയ എസ്ബിഐ ഫാസ്ടാഗ് പ്രത്യേകതകൾ

വാഹനങ്ങൾ തിരിച്ചറിയും

എസ്‌ബിഐ പുറത്തിറക്കിയ പുതിയ ഫാസ്‌ടാഗിന്‌‍‍റെ ഏറ്റവും വലിയ പ്രത്യേകത അത് വാഹനങ്ങൾ തിരിച്ചറിയും എന്നതാണ്. പുതിയ ഹൈടെക് രൂപകൽപ്പന ചെയ്‌ത ഫാസ്‌ടാഗിൻ്റെ സഹായത്തോടെ, ടോൾ പ്ലാസയിൽ വാഹനങ്ങൾ കൃത്യമായി തിരിച്ചറിയാൻ കഴിയും, അതുവഴി ടോൾ നികുതി പിരിവ് നടക്കും. മുമ്പത്തേതിനേക്കാൾ എളുപ്പമാണ്.

തെറ്റായ ടോൾ ചാർജുകൾ

നിലവില്‍ ഫാസ്ടാഗിന് വാഹനങ്ങൾ തിരിച്ചറിയാനുള്ള പ്രയാസം കാരണം തെറ്റായ ടോൾ ടാക്സ് ഈടാക്കുന്നത് പല തവണ സംഭവിക്കാറുണ്ട്, പുതുതായി രൂപകൽപന ചെയ്ത ഫാസ്ടാഗ് ചാർജ്ബാക്കിന്‍റെ സാധ്യതകളെ ഗണ്യമായി കുറയ്ക്കും. ഇത് വാഹന ഉടമകൾക്കും അധികൃതർക്കും ഒരേപോലെ ഗുണകരമാണ്.

സമയം ലാഭിക്കുന്നു

പുതുതായി രൂപകല്പന ചെയ്ത ഫാസ്ടാഗ് കാരണം വാഹനങ്ങൾക്ക് ടോൾ പ്ലാസകളിൽ നിർത്തി നികുതി പിരിക്കാനുള്ള ബുദ്ധിമുട്ട് ഉണ്ടാകില്ല. ഇതോടെ, ടോൾ പേയ്‌മെൻ്റ് വേഗത്തിലും എളുപ്പത്തിലും ആയിരിക്കും, ഇത് യാത്രക്കാർക്ക് ധാരാളം സമയം ലാഭിക്കും.

ഇതോടൊപ്പം മികച്ച പേയ്‌മെന്‍റ് സൊല്യൂഷനുകൾക്കും അക്കൗണ്ട് മാനേജ്‌മെന്‍റിനുമായി MTS RuPay NCMC പ്രീപെയ്ഡ് കാർഡും OneView മൊബൈൽ ആപ്ലിക്കേഷനും എസ്ബിഐഅവതരിപ്പിച്ചു.ഈ കാർഡ് മെട്രോ റെയിലുകൾ, ബസുകൾ, ഫെറികൾ, ടോളുകൾ, പാർക്കിംഗ് എന്നിവയുൾപ്പെടെ വിവിധ ട്രാൻസിറ്റ് പ്രോജക്റ്റുകൾക്ക് തടസ്സമില്ലാത്ത, ഓഫ്‌ലൈൻ പേയ്‌മെൻ്റ് പരിഹാരം നൽകുന്നു. വൺ വ്യൂ മൊബൈൽ ആപ്ലിക്കേഷന് ഉപയോഗിത് ഉപഭോക്താക്കൾക്ക് അവരുടെ കാർഡുകൾ ടോപ്പ്-അപ്പ് ചെയ്യാനും ട്രാക്ക് ചെയ്യാനും നിയന്ത്രിക്കാനും എളുപ്പമാക്കുന്നു.

ഫാസ്ടാഗുമായി ബന്ധപ്പെട്ട പുതിയ നിയമങ്ങൾ ഓഗസ്റ്റ് 1 മുതൽ നടപ്പിലാക്കിക്കഴിഞ്ഞു. ഇപ്പോൾ കാർ എടുത്ത് 90 ദിവസത്തിനുള്ളിൽ വാഹന രജിസ്ട്രേഷൻ നമ്പർ ഫാസ്ടാഗ് നമ്പറിൽ അപ്ലോഡ് ചെയ്യേണ്ടത് നിർബന്ധമാണ്. ഇത് ചെയ്തില്ലെങ്കിൽ, ഫാസ്ടാഗ് ആ നമ്പർ ഹോട്ട്‌ലിസ്റ്റ് ചെയ്യും. ഇതിനുശേഷം 30 ദിവസത്തെ അധിക സമയം നൽകും. ആ 30 ദിവസത്തിനുള്ളിൽ പോലും വാഹന നമ്പർ അപ്ഡേറ്റ് ചെയ്തില്ലെങ്കിൽ, ഫാസ്ടാഗ് കരിമ്പട്ടികയിൽ പെടുത്തപ്പെടും. ഈ ഫാസ്ടാഗ് 2024 ഓഗസ്റ്റ് 30 മുതൽ ലഭ്യമാണ്.