കനത്ത മഞ്ഞുവീഴ്ചയും മോശം കാലാവസ്ഥയും: ശ്രീനഗര്‍-ലേ ഹൈവേ അടച്ചു

തുടർച്ചയായ മഞ്ഞുവീഴ്ചയും മേഖലയിലെ തീവ്ര കാലാവസ്ഥയും കണക്കിലെടുത്ത് ശ്രീനഗര്‍-ലേ ഹൈവേ അടച്ചു. ശ്രീനഗർ-ലേ ഹൈവേ ഇനിയൊരു അറിയിപ്പ് ഉണ്ടാകുന്നത് വരെ അടച്ചിട്ടിരിക്കും. ആളുകളുടെ സുരക്ഷ കണക്കിലെടുത്താണ് ഹൈവേ വാഹന ഗതാഗതത്തിനായി അടച്ചിടാൻ ലഡാക്ക് ഭരണകൂടം ഉത്തരവിട്ടത്.

ഇതുകൂടാതെ സോജിലാ പാസിലും കനത്ത മഞ്ഞുവീഴ്ചയാണ് ഇപ്പോഴുള്ളത്. ഹൈവേ ഇപ്പോൾ വാഹന ഗതാഗതത്തിന് യോഗ്യമല്ല. അതിനാലാണ് ശ്രീനഗർ-ലേ ഹൈവേ എല്ലാത്തരം സിവിലിയൻ വാഹന ഗതാഗതത്തിനും അടച്ചിരിക്കും.

സോജി-ലാ പാസ് വഴി ശ്രീനഗർ - ലേ ഹൈവേയിലൂടെയുള്ള യാത്രകൾ പമാവധി ഒഴിവാക്കണമെന്നും അധികൃതര്‍ നിര്‍ദ്ദേശം നല്കിയിട്ടുണ്ട്. ഹിമാചൽ പ്രദേശ്, ജമ്മു കശ്മീർ, ഉത്തരാഖണ്ഡ് തുടങ്ങിയ സ്ഥലങ്ങളിൽ വരുന്ന കുറച്ച് ദിവസങ്ങളിലേയ്ക്ക് കനത്ത മഴയും മഞ്ഞും അനുഭവപ്പെടുവാന്‍ സാധ്യതയുണ്ടെന്ന് ഇന്ത്യൻ കാലാവസ്ഥാ വകുപ്പിന്റെ റിപ്പോർട്ടുകൾ സൂചിപ്പിക്കുന്നു.