Click it and Unblock the Notifications
ജൈനമതസ്ഥരുടെ പ്രധാനപ്പെട്ട ആരാധനാ കേന്ദ്രമാണ് ചന്ദന്‍പൂര്‍ ഗ്രാമത്തില്‍ ഗംഭീര്‍ നദിയുടെ തീരത്ത് സ്ഥിതി ചെയ്യുന്ന ഈ പുരാതന ക്ഷേത്രം. ജൈനമത സ്ഥാപകനായ മഹാവീരന്‍െറ കല്ലില്‍ കൊത്തിയെടുത്ത പത്മാസനത്തിലുള്ള പ്രതിമയാണ് ഇവിടത്തെ മറ്റൊരു ആകര്‍ഷണം. ലോര്‍ഡ് പുഷ്പദന്ത,ലോര്‍ഡ് ശാന്തിനാഥ്, ലോര്‍ഡ് ആദിനാഥ് തുടങ്ങിയവയും ഇവിടത്തെ മറ്റു ആരാധനാ മൂര്‍ത്തികളാണ്.
എല്ലാ വര്‍ഷവും മാര്‍ച്ച് -ഏപ്രില്‍ മാസങ്ങളില്‍ നടക്കുന്ന വാര്‍ഷിക മേളയാണ് ക്ഷേത്രം സന്ദര്‍ശിക്കാന്‍ അനുയോജ്യമായ സമയം. രാജ്യമെമ്പാടുമുള്ള ജൈനമത വിശ്വാസികള്‍ തീര്‍ഥങ്കരന്‍മാരുടെ അനുഗ്രഹം തേടി ഒത്തുചേരുന്ന ഈ മേളയുടെ പ്രധാന ചടങ്ങായ മഹാവീര ഭഗവാന്‍െറ പ്രതിമ ഗംഭീര്‍ നദിയില്‍ മുക്കുന്ന ചടങ്ങും നഷ്ടപ്പെടുത്തരുത്.
