ചെക്ക് ഔട്ട് ചെയ്യുന്ന ദിവസം ചോദിക്കാം...
ചെക്ക് ഔട്ട് സമയം നീട്ടിക്കിട്ടുമോ എന്ന് ചോദിക്കുവാന് പറ്റിയ ദിവസം ചെക്ക് ഔട്ട് ചെയ്യുവാന് ഉദ്ദേശിക്കുന്ന ദിവസം തന്നെയാണ്. ആ ദിവസം പാവിതെ തന്നെ അവരെ വിളിച്ച് കുറച്ചധികം സമയം കൂടി ആവശ്യപ്പെട്ടു നോക്കാം. തിരക്കില്ലാത്ത ദിവസങ്ങളാണെങ്കില് നിങ്ങള്ക്ക് സമയം അനുവദിക്കുന്നതിന് അവര് മടികാണിക്കുകയില്ല. അല്ലാത്തപക്ഷം ഉത്തരവാദിത്വപ്പെട്ടവരോട് ചോദിച്ച് അവര് അവരുടെ നിലപാട് അറിയിക്കും. ചില ഹോട്ടലുകള് അധികം പണം നല്കുവാന് തയ്യാറായാല് ചെക്ക്-ഔട്ട് സമയം നീട്ടിത്തരുന്നതായി കണ്ടിട്ടുണ്ട്.
PC:Roberto Nickson
കൃത്യമായ കാരണം പറയുക
ചില അവസരങ്ങളില് യാത്രകള് റിലാക്സ് ചെയ്തു പോകുവാനായാണ് നമ്മള് വൈകിയുള്ള ചെക്ക് ഔട്ട് ആഗ്രഹിക്കുന്നത്. എന്നാല് മറ്റുചില സമയങ്ങളില് അത്യാവശ്യ കാര്യങ്ങളായിരിക്കും വൈകിയുള്ള ചെക്ക് ഔട്ടിന് നമ്മെ പ്രേരിപ്പിക്കുന്നത്. ആരോഗ്യസ്ഥിതിയോ, ചെക്ക് ഔട്ട് കഴിഞ്ഞും കുറേ സമയത്തിനു ശേഷമുള്ള ബസ് അല്ലെങ്കില് ട്രെയിനുമെല്ലാം ഇത്തരത്തിലുള്ള കാരണങ്ങളാണ്. ഫ്ലൈറ്റ് അല്ലെങ്കില് ട്രെയിന് വൈകുന്നതും യാത്രയുടെ പ്ലാനിങ് മാറുന്നതുമെല്ലാം അവിചാരിതമായി സംഭവിക്കുന്ന കാര്യങ്ങളാണ്. ഇങ്ങനെയുള്ള അവസരങ്ങളില് അവരോട് നിങ്ങള് വൈകുവാനുള്ള കാരണം എന്താണെന്നു പറയാം. മാനുഷിക പരിഗണനയുടെ പുറത്ത് അവര് നിങ്ങളുടെ ആവശ്യം അംഗീകരിക്കുമെന്ന് പ്രതീക്ഷിക്കാം.
PC:Rhema Kallianpur
കാര്ഡും വെബ്സൈറ്റുകളും
പ്രീമിയം ഡെബിറ്റ് കാര്ഡുകളോ അല്ലെങ്കില് ക്രെഡിറ്റ് കാര്ഡുകളോ ഉപയോഗിച്ച് നിങ്ങള് ഹോട്ടല് ബുക്ക് ചെയ്യുകയാണെങ്കില് വൈകിയുള്ള ചെക്ക് ഔട്ട് എന്ന നിങ്ങളുടെ ആവശ്യം അവര് അനുവദിക്കുവാന് കൂടുതല് സാധ്യതകളുണ്ട്. ചിലപ്പോള് നിങ്ങളുടെ കാര്ഡുകളുടെ ഗുണങ്ങളില് ഇത്തരം കാര്യങ്ങള് ഉള്പ്പെടാറുമുണ്ട്. അല്ലെങ്കില് നേരിട്ടു ചോദിച്ചാലും ആവശ്യം അംഗീകരിക്കപ്പെടാറുണ്ട്.
PC:visualsofdana
ലോയല്റ്റി പ്രോഗ്രാമുകള്
ഹോട്ടലുകളുടെയും റിസോര്ട്ടുകളുടെയും മറ്റും ലോയല്റ്റി പ്രോഗ്രാമുകളില് പങ്കാളികള് ആയിട്ടുള്ള ആളാണ് നിങ്ങളെങ്കില് ചെക്ക്-ഔട്ട് സമയം നീട്ടിത്തരുവാനുള്ള സാധ്യതകള് അധികമാണ്. ഹോട്ടലുകളുമായി ലോയല്റ്റി പ്രോഗ്രാമുകളില് സജീവമായുള്ള ഉപഭോക്താവിന്റെ ഈ ആവശ്യം അവര് സാധാരണരീതിയില് തള്ളിക്കളയാറില്ല. ചില ലോയൽറ്റി പ്രോഗ്രാമുകൾക്ക് നേരത്തെ തന്നെ വൈകി ചെക്ക് ഔട്ട് ചെയ്യാനുള്ള ഓപ്ഷൻ ഉണ്ട്. ഉപഭോക്താവ് അത് കാര്ഡ് വഴിയോ പ്രോഗ്രാം വഴിയോ കിഴിവു ചെയ്തെടുത്താല് മാത്രം മതിയാവും.
PC:Mara Conan Design
നേരിട്ട് സംസാരിക്കാം
വൈകിയുള്ള ചെക്ക് ഔട്ടുകള് ലഭ്യമാകുവാനുള്ള മറ്റൊരു വഴി ഹോട്ടല് മാനേജരുമായോ അല്ലെങ്കില് അവിടുത്തെ ഉയര്ന്ന ഉദ്യോഗസ്ഥരുമായോ നേരിട്ട് സംസാരിക്കുക എന്നതാണ്. ഇത് ചെക്ക് ഇന് ചെയ്യുന്ന സമയത്തു തന്നെ സൂചിപ്പിക്കുന്നതും നല്ല കാര്യമാണ്. എന്നാല് മാന്യമായി വേണം അവരെ കാര്യങ്ങള് ധരിപ്പിക്കുവാനും നിങ്ങളുടെ ആവശ്യം വിശദീകരിക്കുവാനും.
PC:Alexander Kaunas
Click it and Unblock the Notifications
