ഊട്ടി-കൊടൈക്കനാല്‍ ഇ-പാസ് , ഓൺലൈൻ ആയി അപേക്ഷിക്കാം, അറിയേണ്ടതെല്ലാം

വേനൽക്കാലങ്ങളിൽ മലയാളികൾ നാട്ടിൽ ചൂട് സഹിക്കാതാകുമ്പോൾ ആദ്യം പോകുന്ന സ്ഥലങ്ങളാണ് ഊട്ടിയും കൊടൈക്കനാലും. വേനലെത്ര കടുത്താലും ഇവിടെ ചൂടു കാണില്ല എന്നതാണ് പ്രധാന ആശ്വാസം പിന്നെ പുലരികളിലെ മഞ്ഞും വൈകുന്നേരങ്ങളിലെ കുളിരും നാടിനെയപേക്ഷിച്ച് ചൂടുകുറഞ്ഞ പകലും ആണ് ഇവിടുത്തെ പ്രത്യേകത. കേരളത്തിൽ നിന്നുമാത്രമല്ല, ഉത്തരേന്ത്യൻ സംസ്ഥാനങ്ങളിൽ നിന്നുപോലും സഞ്ചാരികള്‍ ഊട്ടിയിലേക്കും കൊടൈക്കനാലിലേക്കും വരുന്നു.

എന്നാൽ ഈ സീസണിലെ സഞ്ചാരികളുടെ ബാഹുല്യം കണക്കിലെടുത്ത് ഊട്ടി, കൊടൈക്കനാൽ യാത്രകൾക്ക് ഇ- പാസ് ഏർപ്പെടുത്തിയിരിക്കുകയാണ്. വിനോദസഞ്ചാരമേഖലയിലേക്ക് കൂടുതൽ ആളുകൾ എത്തുന്നത് മൂലം പാരിസ്ഥിതിക പ്രശ്നങ്ങൾ ഉണ്ടാകുന്നുവെന്ന ഹർജിയിലാണ് മദ്രാസ് ഹൈക്കോടതി ഇ-പാസ് ഏർപ്പെടുത്തിയത്.
പരിസ്ഥിതി പ്രാധാന്യമുള്ള ഈ പ്രദേശങ്ങളിൽ കൂടുതൽ വാഹനങ്ങൾ എത്തുന്നത് നിയന്ത്രിക്കുകയാണ് ലക്ഷ്യം, മേയ് ഏഴ് മുതൽ ജൂൺ 30 വരെയാണ് നിയന്ത്രണം.

അതുകൊണ്ടുതന്നെ ഈ സമയത്ത് ഊട്ടി, കൊടാക്കനാൽ യാത്ര നടത്തുന്നവർ ഇ-പാസ് എടുത്തിരിക്കണം. പൊതുഗതാഗത മാർഗ്ഗം ഉപയോഗിച്ച് ഈ സ്ഥലങ്ങളിലേക്ക് പോകുന്നവർക്ക് ഇ-പാസ് ബാധകമല്ല. എന്താണ് ഇ-പാസ് എന്നും ഓൺലൈൻ ആയി എങ്ങനെ ഇ-പാസ് എടുക്കാം, ഏതൊക്കെ രേഖകൾ ഇതിനായി വേണം തുടങ്ങിയ കാര്യങ്ങൾ വിശദമായി അറിയാം.

എന്താണ് ഇ-പാസ്

ഊട്ടി, കൊടാക്കനാൽ യാത്രകളിലെ ഇ-പാസ് എന്നത് നിങ്ങളുടെ ലക്ഷ്യസ്ഥാനത്തേയ്ക്ക് വാഹനത്തിൽ പ്രവേശിക്കുവാൻ ആവശ്യമായ രേഖയാണ്. സർക്കാര് വെബ്സൈറ്റ് വഴി എടുക്കുന്ന ഈ പാസിൽ നിങ്ങളുടെ വ്യക്തിഗത വിവരങ്ങൾ, ക്യാബ് / ഡ്രൈവർ വിവരങ്ങൾ, അവശ്യ രേഖകൾ എന്നിവ നൽകണം.

എന്തുകൊണ്ട് ഇ-പാസ്

ഊട്ടി, കൊടൈക്കനാൽ എന്നിവിടങ്ങളിൽ വേനൽക്കാലത്തുണ്ടാകുന്ന തിരക്ക് കണക്കിലെടുത്താണ് ഇ-പാസ് നിർബന്ധമാക്കിയിരിക്കുന്നത്. സന്ദർശകരുടെയും വാഹനങ്ങളുടെയും വരവ് ഇത് നിയന്ത്രിക്കും. ഊട്ടിയിലും കൊടൈക്കനാലിലും താമസിക്കാത്ത വ്യക്തികൾക്ക് ഈ പട്ടണങ്ങളിൽ പ്രവേശനം നേടുന്നതിന് ഇ-പാസുകൾ ആവശ്യമായി വരും.

എങ്ങനെ ഇ-പാസ് നേടാം

serviceonline. gov.in/tamilnadu, കൂടാതെ tnega.tn.gov.in എന്നീ വെബ്‌സൈറ്റുകള്‍വഴി ഇ-പാസിന് അപേക്ഷിക്കാം.

തമിഴ്നാട് ഗവൺമെന്‍റിന്‍റെ tnega.tn.gov.in. എന്ന സൈറ്റ് വഴി ഇ-പാസ് എടുക്കാൻ സൈറ്റിൽ Newly Launched Services എന്ന ഓപ്ഷനിൽ ക്ലിക്ക് ചെയ്ത് തമിഴ്നാട് തിരഞ്ഞെടുത്ത് അതിൽ ePass_TN എന്ന ഓപ്ഷൻ എടുക്കുക. തുടർന്നു വരുന്ന TN ePass ആപ്ലിക്കേഷൻ ഫോം പൂരിപ്പിച്ച് , ഡിക്ലറേഷൻ നല്കി പൂർത്തിയാക്കാം

ഇ-പാസ് അപേക്ഷിക്കാൻ ആവശ്യമായ രേഖകൾ

തമിഴ്നാട് നര്ക്കാരിന്റെ ഒരു ഇപാസിന് അപേക്ഷിക്കാൻ, നിങ്ങൾ ഇനിപ്പറയുന്ന ഐഡി പ്രൂഫുകളിൽ ഒന്ന് നൽകേണ്ടതുണ്ട്:
റേഷൻ കാർഡ്
ആധാർ കാർഡ്
വാഹനം ഓടിക്കാനുള്ള അനുമതിപത്രം
പാൻ കാർഡ്
പാസ്പോർട്ട്.
നിങ്ങളുടെ വാഹനത്തെക്കുറിച്ചുള്ള വിശദാംശങ്ങൾ- വാഹനത്തിന്‍റെ തരം
വാഹന നമ്പർ എന്നിവയും നല്കണം.

ഊട്ടി, കൊടൈക്കനാൽ ഇ-പാസ് എങ്ങനെ അപേക്ഷിക്കാം

ഊട്ടി, കൊടൈക്കനാൽ യാത്രകൾക്കുള്ള ഇ-പാസിന് അപേക്ഷിക്കാൻ ചെയ്യേണ്ട കാര്യങ്ങൾ എന്തൊക്കെയെന്ന് നോക്കാം

1. ഔദ്യോഗിക വെബ്‌സൈറ്റ് സന്ദർശിക്കുക. : ഇ-പാസ് അപേക്ഷകൾക്കായി തമിഴ്‌നാട് സർക്കാർ നിയോഗിച്ചിട്ടുള്ള ഔദ്യോഗിക വെബ്‌സൈറ്റായ tnepass.tnega.org സന്ദർശിക്കുക.
2. രജിസ്‌റ്റർ ചെയ്‌ത് പരിശോധിച്ചുറപ്പിക്കുക: ിതിനായി സ്വയം രജിസ്റ്റർ ചെയ്‌ത് നിങ്ങളുടെ മൊബൈൽ നമ്പർ നൽകുക. ലഭിച്ച OTP നൽകി നിങ്ങളുടെ ഐഡന്‍റിറ്റി സ്ഥിരീകരിച്ച ശേഷം തുടരാം.

3. ഇ-പാസ് തരം തിരഞ്ഞെടുക്കുക : നിങ്ങളുടെ യാത്രാ ആവശ്യകതകളെ അടിസ്ഥാനമാക്കി അനുയോജ്യമായ ഇ-പാസ് വിഭാഗം തിരഞ്ഞെടുക്കുക. വ്യക്തികൾക്കും ഗ്രൂപ്പുകൾക്കുമായി റോഡ് വഴിയുള്ള യാത്ര (സ്വകാര്യ വാഹനങ്ങൾ), ബിസിനസ് റൗണ്ട് ട്രിപ്പുകൾ, മറ്റ് സംസ്ഥാനങ്ങളിൽ നിന്നുള്ള അതിഥി തൊഴിലാളികൾ, വാണിജ്യ സ്ഥാപനങ്ങൾ എന്നിവ ഓപ്‌ഷനുകളിൽ ഉൾപ്പെടുന്നു.

ഊട്ടി/ കൊടൈക്കനാല്‌ ഇ-പാസിനുള്ള ആവശ്യകതകൾ

A. വിശദാംശങ്ങൾ പൂരിപ്പിക്കുക: നിങ്ങളുടെ പേര്, വീട്, ലക്ഷ്യസ്ഥാന വിലാസങ്ങൾ, യാത്രയുടെ തരം (അന്തർ ജില്ല/അന്തർ-സംസ്ഥാനം), യാത്രാ തീയതിയും സമയവും, യാത്രക്കാരുടെ എണ്ണം, വാഹന വിവരങ്ങൾ, തിരിച്ചറിയൽ തെളിവ്, യാത്രയുടെ ഉദ്ദേശ്യം മുതലായവ പോലുള്ള അവശ്യ വിശദാംശങ്ങൾ നൽകുക.

B. സ്ഥിരീകരണ പ്രക്രിയ: ആവശ്യമായ വിവരങ്ങൾ നൽകിയ ശേഷം, സ്ഥിരീകരണത്തിനായി കാത്തിരിക്കുക. ഓരോ ഡോക്യുമെന്‍റും ഐഡി പ്രൂഫും കൃത്യമായി സമർപ്പിച്ചിട്ടുണ്ടെന്ന് ഉറപ്പാക്കുക. ഒരിക്കൽ സാധൂകരിച്ചാൽ, ഇ-പാസ് പ്രോസസ്സിംഗിനായി തുടരും.

C. ഐഡി പ്രൂഫിന്‍റെ സമർപ്പണം: സ്ഥിരീകരണത്തിന് ആവശ്യമായ ആധാർ കാർഡ്, ഇലക്‌ടർ ഐഡി, പാൻ കാർഡ്, അഡ്രസ് പ്രൂഫ്, വാഹന ലൈസൻസ് അല്ലെങ്കിൽ തൊഴിൽ ഐഡി എന്നീ തിരിച്ചറിയൽ രേഖകളിൽ ഒന്ന് സമർപ്പിക്കുക.