വെ‌ള്ളിത്തിരയിലെ വെള്ളച്ചാട്ടങ്ങൾ!

ജോഗ്ഫാൾസ്

അല്ലിയെ ഓർമ്മയില്ലെ? കുംകിയിലെ ബൊമ്മനെ സ്നേഹിച്ച അല്ലി എന്ന പാവം പെൺകുട്ടി. അവൾ ഒരു ദിവസം ബൊമ്മനേയും കൂട്ടി ഒരു വെള്ളച്ചാട്ടത്തിന് അരികിൽ കൊണ്ടുപോയില്ലെ. ആ വെള്ളച്ചാട്ടമാണ് ജോഗ് ഫാൾസ്.

ശരാവതി നദിയിൽ

ശരാവതി നദിയിലാണ് ഈ വെള്ളച്ചാട്ടം സ്ഥിതി ചെയ്യുന്നത്. 830 അടിയോളം കുത്തനെ താഴേക്ക് പതിക്കുന്ന ഈ വെള്ളച്ചാട്ടം നിരവധി സിനിമകളിൽ നാം കണ്ടിട്ടുണ്ട്. എന്നാൽ കുംകിയിൽ മാത്രമെ അതിന്റെ ഏറ്റവും മുകളിൽ നിന്നുള്ള ദൃശ്യം കാണാൻ സാധിച്ചത്.

സാഗര

ഷിമോഗ ജില്ലയിലുള്ള സാഗരയാണ് ജോഗ് ഫാള്‍സിന് സമീപത്തുള്ള ടൗണ്‍. സാഗരയില്‍നിന്നും ജോഗ് ഫാള്‍സിലേക്ക് നിരവധി ബസ്സുകള്‍ ലഭ്യമാണ്. ജോഗ് ഫാള്‍സിലേക്ക് കാര്‍വ്വാര്‍ നിന്നും ഹൊന്നേവാര്‍ നിന്നും ബസ്സും ടാക്‌സിയുമടക്കമുള്ള വാഹനങ്ങള്‍ ലഭിക്കും.
Photo Courtesy: BostonMA

ഹൊഗനക്കൽ വെള്ളച്ചാട്ടം

ചിന്ന ചിന്ന ആശൈ എന്ന പാട്ടിലെ രംഗത്തിലൂടെയാണ് ഹൊഗനക്കൽ വെള്ളച്ചാട്ടം ഏറെ പ്രശസ്തമായത്. സാമുറായി, റിഥം, തുടങ്ങിയ തമിഴ് സിനിമകളിലും സന്തോഷ് ശിവന്റെ ഷാരുഖ് ഖാൻ ചിത്രമായ അശോകയിലും നമ്മൾ ഈ വെള്ളച്ചാട്ടത്തിന്റെ സൗന്ദര്യം ആസ്വദിച്ചതാണ്.
Photo Courtesy: Ezhuttukari

ഇന്ത്യയിലെ നയാഗ്ര

ഇന്ത്യയിലെ നയാഗ്ര എന്നാണ് ഹൊഗനക്കൽ വെള്ളച്ചാട്ടം അറിയപ്പെടുന്നത്. തമിഴ്നാട്ടിൽ കർണാടക അതിർത്തിയിലാണ് ഈ വെള്ളച്ചാട്ടം സ്ഥിതി ചെയ്യുന്നത്. ധർമ്മപുരിയിൽ നിന്ന് 46 കിലോമീറ്റർ അകലെയായാണ് ഹൊഗനക്കൽ. ബാംഗ്ലൂരിൽ നിന്ന് 151 കിലോമീറ്റർ ആണ് ഇവിടേയ്ക്കുള്ള ദൂരം.
Photo Courtesy: Gowthampavithra

അതിരപ്പള്ളി വെള്ളച്ചാട്ടം

മണിരത്നം സംവിധാനം ചെയ്ത ഗുരു, രാവൺ എന്നീ സിനിമകളിലൂടെയാണ് അതിരപ്പള്ളി ഏറ്റവും ശ്രദ്ധേയമാകുന്നത്. പയ്യാ എന്ന സിനിമയിലെ അടട മഴട എന്ന് തുടങ്ങുന്ന സൂപ്പർഹിറ്റ് ഗാനത്തിലെ ചിലരംഗങ്ങളും ഇവിടെ നിന്നാണ് ചിത്രീകരിച്ചിട്ടുള്ളത്.

മുകുന്ദപുരം താലൂക്കിൽ

തൃശ്ശൂര്‍ ജില്ലയിലെ മുകുന്ദപുരം താലൂക്കിലാണ്‌ അതിരപ്പള്ളി സ്ഥിതി ചെയ്യുന്നത്‌. തൃശ്ശൂരില്‍ നിന്ന്‌ 60 കിലോമീറ്റര്‍ അകലെയുള്ള അതിരപ്പള്ളി ഒരു ഫസ്റ്റ്‌ ഗ്രേഡ്‌ പഞ്ചായത്താണ്‌. കൊച്ചിയില്‍ നിന്ന്‌ 70 കിലോമീറ്റര്‍ അകലെയാണ്‌ ആതിരപ്പള്ളി.

ധൂത് സാഗർ വെള്ളച്ചാട്ടം

രോഹിത് ഷെട്ടിയുടെ സൂപ്പർ പിക്ചറൈസേഷനിലൂടെ ശ്രദ്ധേയമായ വെള്ളച്ചാട്ടമാണ് ധൂത് സാഗർ വാട്ടർ ഫാൾ. ചെന്നൈ എക്സ്പ്രസിൽ സത്യരാജ് അവതരിപ്പിക്കുന്ന ദുർഗേശ്വര അഴക് സുന്ദരത്തിന്റെ നാട്ടിലെ റെയിൽവെ സ്റ്റേഷൻ കാണിക്കുന്നത് ധൂത് സാഗർ വെള്ളച്ചാട്ടത്തിന്റെ പശ്ചാത്തലത്തിലാണ്.

സാഗരത്തിന്‍റെ ക്ഷീരം

സാഗരത്തിന്‍റെ ക്ഷീരം എന്നാണ് ദൂത് സാഗര്‍ എന്ന വാക്കിന്റെ അർത്ഥം. പനാജിയില്‍ നിന്ന് ഏകദേശം 60 കിലോമീറ്റര്‍ അകലെയായി കര്‍ണടക - ഗോവ അതിര്‍ത്തിയിലാണ്‌ വിസ്മയകരമായ ഈ വെള്ളച്ചാട്ടം സ്ഥിതി ചെയ്യുന്നത്.
Photo Courtesy: Samson Joseph

കുട്രാളം വെള്ളച്ചാട്ടം

നിരവധി തമിഴ് സിനികളിൾ കണ്ടിട്ടുള്ള ഒരു വെള്ളച്ചാട്ടമാണ് കുട്രാളം വെള്ളച്ചാട്ടം. നിരവധി ഹെൽത്ത് റിസോർട്ടുകൾ നിറഞ്ഞ കുട്രാളം സൗത്തിന്റെ സ്പാ എന്ന പേരിൽ ആണ് അറിയപ്പെടുന്നത്. സമുദ്ര നിരപ്പിൽ നിന്ന് 170 കിലോമീറ്റർ ഉയരത്തിൽ ആയി തിരുനെൽവേലിയിലെ ശിരുവാണിയിലാണ് ഈ വെള്ളച്ചാട്ടം സ്ഥിതി ചെയ്യുന്നത്.
Photo Courtesy: Mdsuhail at English Wikipedia

ഒൻപത് വെള്ളച്ചാട്ടങ്ങൾ

മധുരയിൽ നിന്ന് 160 കിലോമീറ്റർ അകലെയായി സ്ഥിതി ചെയ്യുന്ന ഈ വെള്ളച്ചാട്ടം ഒൻപത് വെള്ളച്ചാട്ടങ്ങളുടെ സംഗമമാണ്. പേരരുവി, ചിത്ര അരുവി, സെമ്പക ദേവി ഫാൾസ്, തേൻ അരുവി, അയിന്ത് അരുവി, പുലി അരുവി, പഴയ കുട്രാളം, പുതുഅരുവി, പഴത്തോട്ട അരുവി എന്നിവയാണ് ആ ഒൻപത് വെള്ളച്ചാട്ടങ്ങൾ.
Photo Courtesy: PREVRAVANTH at en.wikipedia