Click it and Unblock the Notifications
അചുവ മാഗി കുന്നുകളുടെ ചെരുവിലുള്ള നൈസര്ഗ്ഗികമായ തടാകമാണ് കചോഫുംങ്. ഉഖരുല് പട്ടണത്തോട് അടുത്ത് കിടക്കുന്ന ഈ തടാകം ഖയാങ് വെള്ളച്ചാട്ടത്തിന്റെ ഏഴ് കിലോമീറ്റര് അടുത്താണ്. 9 ഏക്കര് വിസ്തൃതിയില് വിലയിക്കുന്ന ഈ തടാകത്തിന് ഇന്ത്യന് ഭൂപടത്തിന്റെ രൂപമാണ്. മഴക്കാലത്ത് ഇതിന്റെ വിസ്തീര്ണ്ണം വര്ദ്ധിക്കും. അടുത്തുള്ള നിലി നദീജലം കരകവിഞ്ഞ് തടാകത്തിലെത്തിയാല് കായലിന്റെ രൂപരേഖ കൂടുതല് പ്രവിശാലമാകും.
ചുറ്റുപാടുമുള്ള മലഞ്ചെരിവുകളാല് ബന്ധിതമാണ് കായല് . ഇതിന്റെ സമാനതകളില്ലാത്ത സൌന്ദര്യം സന്ദര്ശകരെ വശീകരിക്കും. ഒരുപാട് വര്ണ്ണമത്സ്യങ്ങള് വിഹരിക്കുന്നു എന്നതിനാല് മീന് വളര്ത്തുന്നതിനുള്ള സാഹചര്യവും ഈ കായലിനുണ്ട്.
അസോവ ജെനിഫിയു മാഗി തടാകം എന്നും ഇതിന് പേരുണ്ട്. നിര്മ്മലമായ ജലാശയവും മനോഹരമായ മലഞ്ചെരിവുകളും ചേര്ന്ന അപാര സുന്ദരമായ സഞ്ചാരകേന്ദ്രമാണ് കചോഫുംങ് തടാകം. മലഞ്ചെരിവുകളിലെ മൊട്ടക്കുന്നുകളിലേക്കുള്ള കയറ്റം ആനന്ദഭരിതമായ ഒരു വ്യായാമത്തിന്റെ സുഖം സഞ്ചാരികള്ക്ക് നല്കും.
