Click it and Unblock the Notifications
ആനന്ദ് എന്ന പേര് ഇന്ത്യയിലൊട്ടാകെ ഏറെ പ്രശസ്തമാണ്. അമുല് എന്ന പേരില് ക്ഷീരോദ്പാദക സഹകരണ സംഘം ആദ്യമായി രൂപികരിച്ചത് ഇവിടെയാണ്. അമുലിന്റെ പൂര്ണ്ണ രൂപം ആനന്ദ് മില്ക്ക് യൂണിയന് ലിമിറ്റഡ് എന്നാണ്. ഇന്ത്യന് ധവള വിപ്ലവത്തിന്റെ കേന്ദ്രമായിരുന്നു ആനന്ദ്. ഇന്ത്യയിലെ പാലുല്പാദനത്തില് വിപ്ലവകരമായ മാറ്റങ്ങളും, വളര്ച്ചയുമാണ് അനന്ദ് സംഭാവന ചെയ്തത്. ഗാന്ധിനഗറില് നിന്ന് 101 കിലോമീറ്റര് അകലെ വഡോദരക്കും, അഹമ്മദാബാദിനും ഇടയിലാണ് ആനന്ദ് സ്ഥിതി ചെയ്യുന്നത്.
ആനന്ദിലെ പ്രധാന സന്ദര്ശ കേന്ദ്രങ്ങളെന്നത് ശ്രീ റാക്കാഡിയ ഹനുമാന് ക്ഷേത്രം, സര്ദാര് വല്ലഭായ് പട്ടേല് - വീര്വിത്തല് ഭായ് പട്ടേല് സ്മാരകം, സ്വാമി നാരായണ് ക്ഷേത്രം എന്നിവയാണ്. ആനന്ദില് നിന്ന് 43 കിലോമീറ്റര് യാത്ര ചെയ്താല് രഞ്ചോര്ദോരൈ ഡോകോര് ക്ഷേത്രത്തിലെത്താം.
