ഛത്തീസ്ഗഡിലെ ഡര്ഗ് ജില്ലയിലാണ് ഭിലായി നഗരം സ്ഥിതി ചെയ്യുന്നത്. റായ്പൂരില് നിന്നും 25 കിലോമീറ്റര് അകലെ ദേശീയ പാത 6 ലാണ് ഭിലായി സ്ഥിതി ചെയ്യുന്നത്. ഇന്ത്യയിലെ ഏറ്റവും വലിയ ഉരുക്ക് നിലയമായ ഭിലായി ഉരുക്ക് നിലയം ഇവിടെയാണ് ഉള്ളത്. രാജ്യത്ത് റെയില് നിര്മ്മിക്കുന്നത് ഇവിടെ മാത്രമാണ്.
സംസ്കാരവും ഉത്സവങ്ങളും
ദീപാവലി, ഹോളി, ദുര്ഗ പൂജ, ഈദ് തുടങ്ങി എല്ലാ ഉത്സവങ്ങളും ഇവിടെ ആഘോഷിക്കാറുണ്ട്. ഇവിടുത്തെ സിഖ് ജനതയുടെ എണ്ണം കൂടുതലായതിനാല് സിഖ് ആഘോഷങ്ങളായ ബെയ്സഖി, ഗുരുഗോബിന്ദ സിങിന്റെ ഗുരുപര്ബ പോലുള്ള ഉത്സവങ്ങളും വലിയ രീതിയില് ആഘോഷിക്കാറുണ്ട്. വിവിധ മതത്തിലുള്ള ജനസമൂഹങ്ങള് ഇവിടെ ഉള്ളതിനാല് `മിനി ഇന്ത്യ' എന്നാണ് ഭിലായി അറിയപ്പെടുന്നത്.
ഭിലായിലെ വിനോദ സഞ്ചാര കേന്ദ്രങ്ങള്
മൈത്രി ബാഗ്, സിവിക് സെന്റര്, കാലിബറി എന്നിവയാണ് ഭിലായിലെ പ്രധാന വിനോദ സഞ്ചാര കേന്ദ്രങ്ങള്. മൈത്രി ബാഗ് ഒരു കാഴ്ച ബംഗ്ലാവാണ്. നിരവധി സന്ദര്ശകര് ഇവിടെ എത്താറുണ്ട്. വ്യാവസായിക പ്രദേശമാണ് പ്രധാനമായും ഇവിടം. നിരവധി ക്ഷേത്ര സമുച്ചയങ്ങളും ഇവിടെയുണ്ട്.