Click it and Unblock the Notifications
തെക്കു പടിഞ്ഞാറന് പഞ്ചാബിലെ ഒരു ചെറുപട്ടണമാണ് ഫരീദ്കോട്ട്. 1972 ല് ബതിന്ദ, ഫിറോസ്പൂര് ജില്ലകളുടെ ചില ഭാഗങ്ങള് കൂട്ടിച്ചേര്ത്താണ് ഈ പട്ടണമുണ്ടായത്. സൂഫിവര്യനായിരുന്ന ബാബ ഷേയ്ക്ക് ഫരീദുദ്ദീന് ഗാന്ച്ഷക്കറിന്റെ പേരില് നിന്നാണ് ഈ പട്ടണത്തിന് ഫരീദ്കോട്ട് എന്ന പേര് ലഭിച്ചത്. സിക്കുമതസ്ഥര് കൂട്ടത്തോടെ താമസിക്കുന്ന ഈ പ്രദേശത്ത് അനവധി സുന്ദരങ്ങളായ ഗുരുദ്വാരകളും കോട്ടകളുമുണ്ട്.
വിനോദസഞ്ചാരകേന്ദ്രങ്ങള്
ഒരു വിനോദസഞ്ചാരകേന്ദ്രം എന്ന നിലയില് രാജ്യത്ത് വളരെയേറെ പ്രസിദ്ധമാണ് ഫരീദ്കോട്ട്.പ്രതിഭ നിറഞ്ഞ പാരമ്പര്യവും പ്രൌഢിയും വിളിച്ചോതുന്ന കോട്ടകളും സുന്ദരമായ ഗുരുദ്വാരകളുമാണ് ഫരീദ്കോട്ടിലെ പ്രധാന കാഴ്ച്ചകള്.
രാജ് മഹല്, ഫെയ്റി കോട്ടേജ്,കില മുബാരക്ക് ,ഗുരുദ്വാര തില്ല ബാബ ഫരീദ് തുടങ്ങിയവയാണ് ഫരീദ്കോട്ടിലെ പ്രധാന കാഴ്ച്ചകള്. ചരിത്രപഠനത്തില് താല്പ്പര്യമുള്ളവര്ക്ക് ഈ സ്ഥലങ്ങള് സന്ദര്ശിക്കുന്നത് ഏറെ പ്രയോജനപ്പെടും.
വിനോദ സഞ്ചാരികളെ ആകര്ഷിക്കാനായി ഫരീദ്കോട്ട് ജില്ലാ സാസ്ക്കാരിക സംഘം ഇവിടെ സ്ഥിരമായി വര്ഷാവര്ഷം ഫരീദ് മേള എന്ന പേരില് മേള സംഘടിപ്പിക്കാറുമുണ്ട്. സെപ്തംബര് 15 മുതല് 23 വരെയാണ് ഈ മേള നടക്കാറുള്ളത്.
യാത്ര
128 കിലോമീറ്റര് അകലെയുള്ള അമൃത്സര് വിമാനത്താവളമാണ് ഫരീദ്കോട്ടിന് ഏറ്റവും അടുത്തുള്ള വിമാനത്താവളം.അതേസമയം സഞ്ചാരികള്ക്ക് റെയില്മാര്ഗ്ഗവും റോഡുമാര്ഗ്ഗവും ഫരാദ്കോട്ടിലെത്താവുന്നതാണ്.ഒക്ടോബറിനും ഡിസംബറിനും ഇടയിലുള്ള കാലമാണ് ഫരീദ്കോട്ട് യാത്രയ്ക്ക് ഏറ്റവും അഭികാമ്യം.
