ബെംഗളുരു കാലാവസ്ഥ: രണ്ട് ദിവസം കനത്ത മഴ, കുറഞ്ഞ താപനില 20 ഡിഗ്രി സെൽഷ്യസ്

ബെംഗളുരു മഴ ആസ്വദിക്കുന്ന സമയമാണിത്. കനത്ത മഴയോ പൊള്ളുന്ന ചൂടോ ഇല്ലാതെ സുഖകരമായി ജീവിക്കാൻ പറ്റിയ സമയം. മഴ കഴിഞ്ഞ് മൂടൽ മഞ്ഞു നിറഞ്ഞ ആകാശമായിരുന്നു കഴിഞ്ഞ ദിവസത്തെ പ്രത്യേകത. ഇടയ്ക്കിടെ ആഞ്ഞുപെയ്യുമെങ്കിലും പെട്ടന്നു തന്നെ തോരുന്ന മഴയായതിനാൽ ഇവിടുള്ളവർക്കും വലിയ ബുദ്ധിമുട്ടില്ല. വൈകുന്നേങ്ങളിൽ മഴ തോർന്ന് തണുപ്പു നിറഞ്ഞ അന്തരീക്ഷം ആണ് ഇവിടെയിപ്പോൾ ഉള്ളത്.

അതേസമയം ബെംഗളുരുവിൽ ജൂൺ 22 ശനിയാഴ്ച മുതൽ മഴ കനക്കുമെന്നാണ് കാലാവസ്ഥാ പ്രവചന കേന്ദ്രം അറിയിക്കുന്നത്. ബെംഗളൂരുവിൽ കുറച്ചുകാലമായി മഴ പെയ്തിരുന്നുവെങ്കിലും കഴിഞ്ഞ കുറച്ച് ദിവസങ്ങളായി മഴയുടെ അളവ് കുറഞ്ഞിരുന്നു. എന്നാൽ വരും ദിവസങ്ങളിൽ നഗരത്തിൽ മഴ ശക്തമായേക്കും. ഇന്ന്, ശനിയാഴ്ച ബെംഗളുരുവിലെ കൂടിയ താപനില 33 ഡിഗ്രി സെൽഷ്യസ് ആണ് പ്രതീക്ഷിക്കുന്നത്. വരും ദിവസങ്ങളിലും ഇതേ കാലാവസ്ഥ തുടരുമെന്നാണ് റിപ്പോർട്ട്.

താപനില 30 ഡിഗ്രി സെൽഷ്യസിലേക്ക് ഉയരുമെന്നും നാല് ദിവസത്തേക്ക് നിരവധി മഴ തുടരുമെന്നും ഐഎംഡി പറഞ്ഞു. ജൂൺ 26 മുതൽ മഴ ശക്തമാകുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. കൂടിയ താപനില 30 ഡിഗ്രി സെൽഷ്യസായി തുടരുമ്പോൾ കുറഞ്ഞ താപനില 20 ഡിഗ്രി സെൽഷ്യസായി കുറയും. നിലവിൽ 20 ഡിഗ്രി സെൽഷ്യസാണ് കുറഞ്ഞ താപനില. അതേസമയം ഇലക്ട്രോണിക് സിറ്റി ഉള്‍പ്പെടെയുള്ള സ്ഥലങ്ങളിൽ കനത്ത മഴ തുടരുകയാണ്.

തെക്കൻ കർണാടക

ബാംഗ്ലൂർ റൂറൽ, ബാംഗ്ലൂർ, ബെല്ലാരി, ചിക്കമംഗളൂരു, ചിത്രദുർഗ, കുടക്, ഹാസൻ, കോലാർ, മൈസൂർ, മാണ്ഡ്യ, ഷിമോഗ, തുംകൂർ ജില്ലകൾ ഉൾപ്പെടുന്ന തെക്കൻ കർണാടകയിൽ . ജൂൺ 22 മുതൽ ജൂൺ 24 വരെ പ്രദേശത്ത് കനത്തതോ അതിശക്തമായതോ ആയ മഴ പ്രതീക്ഷിക്കുന്നുതായി ഇന്ത്യൻ കാലാവസ്ഥാ വകുപ്പ് അറിയിച്ചു. ഈ കാലയളവിൽ ദക്ഷിണ കർണാടകയിലെ പ്രദേശങ്ങളിൽ 64.5 മില്ലിമീറ്റർ മുതൽ 204.4 മില്ലിമീറ്റർ വരെ മഴ ലഭിക്കുമെന്ന് ഐഎംഡി പ്രവചിക്കുന്നു.

തീരദേശ കർണാടക, മലനാട് മേഖലകൾ

അതേസമയം, തീരദേശ കർണാടക, മലനാട് മേഖലകളും വ്യാപകമായ കനത്ത മുതൽ അതിശക്തമായ മഴയ്ക്ക് സാധ്യതയുള്ളതിനാൽ, ജൂൺ 21 മുതൽ ജൂലൈ ആദ്യവാരം വരെ ഒറ്റപ്പെട്ട അതിശക്തമായ മഴ പ്രതീക്ഷിക്കുന്നു.

ബെംഗളൂരു കാലാവസ്ഥ പ്രവചനം

വരും ദിവസങ്ങളിൽ ഇടയ്ക്കിടെയുള്ള മഴയോ ഇടിമിന്നലോടുകൂടിയ, മേഘാവൃതമായ ആകാശവും തുടരും. താപനില താരതമ്യേന സ്ഥിരമായി തുടരുമെന്ന് പ്രതീക്ഷിക്കുന്നു, ഉയർന്ന താപനില 20 മുതൽ 22 ഡിഗ്രി സെൽഷ്യസ് വരെയും താഴ്ന്നത് 30 മുതൽ 31 ഡിഗ്രി സെൽഷ്യസ് വരെയുമാണ്.
ജൂൺ 22 മുതൽ 24 വരെ നഗരത്തിൽ കനത്ത മഴ പെയ്യാൻ സാധ്യതയുണ്ട്. രണ്ട് ദിവസങ്ങളിലും മഴ പ്രതീക്ഷിക്കുന്നതിനാൽ ജൂൺ 25, ജൂൺ 26 തീയതികളിൽ ഒരു മാറ്റം പ്രതീക്ഷിക്കുന്നു.