ഹുസൈന്സാഗര് പോലെയുള്ള കൃത്രിമ തടാകമായ ഉസ്മാന് സാഗര് മൂസി നദിക്ക് കുറുകെ അണക്കെട്ട് നിര്മിച്ചപ്പോള് രൂപപ്പെട്ടതാണ്. 1920 കളില് അവസാനത്തെ നൈസാമായിരുന്ന ഉസ്മാന് അലി ഖാന്െറ ഭരണകാലത്ത് നിര്മിച്ച ഈ തടാകത്തില് നിന്നാണ് ഹൈദരാബാദിലെയും സമീപഗ്രാമങ്ങളിലെയും കുടിവെള്ള വിതരണം നടക്കുന്നത്.
1908 ഹൈദരാബാദ് നഗരത്തെ ഏതാണ്ട് തകര്ത്തെറിഞ്ഞ മൂസി നദിയിലെ വെള്ളപ്പൊക്കവും ഈ കൃത്രിമ തടാകമുണ്ടാക്കാന് നൈസാമിന് പ്രേരണയായി. ഉസ്മാന് സാഗര് തടാകം നിര്മിച്ച ശേഷം ഹൈദരാബാദില് വെള്ളംപൊക്കം ഉണ്ടായിട്ടുമില്ല. തടാകത്തെ അഭിമുഖീകരിച്ചുള്ള രാജകീയ ഗസ്റ്റ്ഹൗസായ സാഗര് മഹല്ലിലാണ് നൈസാം വേനല്ക്കാലം ചെലവിട്ടിരുന്നത്. ഇന്ന് ഈ ഗസ്റ്റ്ഹൗസ് ഒരു ലക്ഷ്വറി ഹോട്ടലാണ്.