ശിവന്റെ മറ്റൊരു രൂപമായ സോമേശ്വരനാണ് ഈ ക്ഷേത്രത്തിലെ പ്രതിഷ്ഠ. കോലാര് നഗരമധ്യത്തിലായിട്ടാണ് ഈ ക്ഷേത്രം സ്ഥിതിചെയ്യുന്നത്. പതിനാലാം നൂറ്റാണ്ടില് വിജയനഗര ശൈലിയില് പണിത ക്ഷേത്രമാണിത്. ക്ഷേത്രത്തിനുള്ളിലുള്ള കല്യാണ മണ്ഡപത്തില് മനോഹരമായ ചിത്രപ്പണികള് ചെയ്തിട്ടുണ്ട്. ചൈനീസ്, യൂറോപ്യന്, തായ് ശൈലിയിലുള്ള കൊത്തുപണികളാണ് മിക്കതും. കല്യാണ മണ്ഡപത്തിന്റെ മുകള്ഭാഗം ചൈനീസ് ശൈലിയിലാണ് പണിതിരിക്കുന്നത്.