Click it and Unblock the Notifications
ഇന്ത്യയിൽ ഏറ്റവും കൂടുതൽ വിശ്വാസികൾ ആകാംക്ഷയോടെയും ഭക്തിയോടെയും കാത്തിരിക്കുന്ന യാത്രകളിലൊന്നാണ് അമര്നാഥ് യാത്ര. സാഹസികതയും ആത്മീയതയും ഒരുപോലെ വേണ്ട ഈ യാത്രവർഷത്തിൽ നിശ്ചിത ദിവസങ്ങൾ മാതമാണ് നടത്താനാവുക. ഒരുവർഷത്തെ കാത്തിരിപ്പിന് ശേഷം ഇതാ ഈ വർഷത്തെ അമര്നാഥ് യാത്രയുടെ തിയതി പ്രഖ്യാപിച്ചിരിക്കുകയാണ്. 2025 ജൂലൈ 3 മുതൽ ഈ വർഷത്തെ അമർനാഥ് യാത്ര ആരംഭിക്കും.
സ്വജീവന് പോലും പണയംവെച്ച് നടത്തേണ്ടി വരുന്ന തരത്തിലുള്ള സാഹസിക യാത്രയായതിനാൽ ആഗ്രഹം മാത്രമല്ല, ആരോഗ്യവും അനുവദിക്കേണ്ട യാത്രയാണിത്. ശ്രാവണ മാസത്തിൽ നടക്കുന്ന അമർനാഥ് യാത്രകളിൽ കേരളത്തിൽ നിന്നടക്കമുള്ള വിശ്വാസികൾ പങ്കെടുക്കുന്നു. ഈ വർഷത്തെ അമർനാഥ് യാത്രാ തീര്ത്ഥാടനത്തെക്കുറിച്ചും പ്രധാന തിയതികളും മറ്റു കാര്യങ്ങളും അറിയാം.
അമര്നാഥ് യാത്ര 2025
2025 ജൂലൈ 3 മുതൽ ഓഗസ്റ്റ് 9 വരെയാണ് ഈ വർഷത്തെ അമര്നാഥ് യാത്രയുടെ തിയതികൾ. ജമ്മു കാശ്മീരിൽ ശ്രീനഗറിൽ നിന്ന് 141 കിലോമീറ്റർ അകലെ യ ലാദർ താഴ്വരയിലാണ് അമര്നാഥ് ഗുഹ സ്ഥിതി ചെയ്യുന്നത്. ഇവിടെ പ്രകൃതി ദത്തമായി മഞ്ഞിൽ രൂപം കൊള്ളുന്ന ശിവലിംഗം കാണുവാനാണ് വിശ്വാസികൾ ജീവൻ പണയംവെച്ചും എത്തുന്നത്.
അമര്നാഥ് യാത്ര 2025 ഓൺലൈൻ ബുക്കിങ്
രണ്ടു മാസത്തോളം നടക്കുന്ന അമര്നാഥ് യാത്രയില് പങ്കെടുക്കുന്നവര് നിർബന്ധമായും മുൻകൂട്ടി രജിസ്ട്രർ ചെയ്തിരിക്കണം. ഓൺലൈൻ ആയും ഓഫ്ലൈൻ ആയും യാത്രാ രജിസ്റ്റർ ചെയ്യാം. ഓൺലൈൻ ബുക്കിങ്ങിന് ശ്രീ അമർനാഥ്ജി ദേവാലയ ബോർഡിന്റെ (SASB) ഔദ്യോഗിക വെബ്സൈറ്റ് വഴി ചെയ്യാം.
യാത്ര പ്ലാൻ ചെയ്യുമ്പോൾ ഓർമിക്കേണ്ടത്
13 വയസില് താഴെയും 75 വയസില് കൂടുതലുമുള്ളവര്ക്ക് റജിസ്ട്രേഷന് അനുമതിയില്ല. കൂടാതെ ആറ് ആഴ്ച്ചയിലധികം ഗർഭിണികളായ സ്ത്രീകൾക്കും അമര്നാഥ് യാത്രയിൽ പങ്കെടുക്കാൻ സാധിക്കില്ല.
ആവശ്യമായ രേഖകൾ
ശരീരം ഫിറ്റ് ആയിരിക്കുക എന്നത് ഈ യാത്രയ്ക്ക ഏറെ പ്രധാനമാണ്. ബുദ്ധിമുട്ടുള്ള വഴികളും കാലാവസ്ഥകളും പിന്നിട്ട് പോകുന്നതിനാൽ ശരീരത്തിന്റെ ആരോഗ്യത്തിൽ ഒട്ടും വീഴ്ച വരുത്തരുത്.
എല്ലാ തീർത്ഥാടകർക്കും നിർബന്ധിത ആരോഗ്യ സർട്ടിഫിക്കറ്റ് (CHC) നിർബന്ധമാണ്. അംഗീകൃത മെഡിക്കൽ സ്ഥാപനങ്ങളിൽ നിന്ന് ലഭിക്കുന്ന ഈ സർട്ടിഫിക്കറ്റ്, ഉയർന്ന ഉയരത്തിലുള്ള ട്രെക്ക് നടത്താൻ തീർത്ഥാടകന്റെ ഫിറ്റ്നസ് ഉറപ്പു വരുത്തുന്നു.
അമര്നാഥ് യാത്ര ഓൺലൈൻ രജിസ്ട്രേഷൻ
അമര്നാഥ് യാത്ര ഓൺലൈൻ ബുക്ക് ചെയ്യാൻ ശ്രീ അമർനാഥ്ജി ദേവാലയ ബോർഡിന്റെ -SASB ഔദ്യോഗിക വെബ്സൈറ്റ് സന്ദർശിച്ച് "ഓൺലൈൻ സേവനങ്ങൾ" ക്ലിക്ക് ചെയ്യുക.
ഡ്രോപ്പ്ഡൗൺ മെനുവിൽ നിന്ന് "യാത്ര പെർമിറ്റ് രജിസ്ട്രേഷൻ" തിരഞ്ഞെടുക്കുക.
എല്ലാ മാർഗ്ഗനിർദ്ദേശങ്ങളും ശ്രദ്ധാപൂർവ്വം വായിക്കുക, നിബന്ധനകൾ അംഗീകരിക്കുക, രജിസ്റ്റർ ചെയ്യാൻ തുടരുക.
പേര്, പരിഗണിക്കുന്ന യാത്രാ തീയതി, ആധാർ നമ്പർ, മൊബൈൽ നമ്പർ എന്നിവയുൾപ്പെടെയുള്ള വ്യക്തിഗത വിവരങ്ങൾ പൂരിപ്പിക്കുക.
ഒരു പാസ്പോർട്ട് സൈസ് ഫോട്ടോയും നിർബന്ധിത ആരോഗ്യ സർട്ടിഫിക്കറ്റിന്റെ (CHC) സ്കാൻ ചെയ്ത പകർപ്പും അപ്ലോഡ് ചെയ്യുക.
നിങ്ങളുടെ രജിസ്റ്റർ ചെയ്ത നമ്പറിലേക്ക് അയച്ച OTP ഉപയോഗിച്ച് നിങ്ങളുടെ മൊബൈൽ നമ്പർ പരിശോധിക്കുക.
രണ്ട് മണിക്കൂറിനുള്ളിൽ ഒരു പേയ്മെന്റ് ലിങ്ക് ലഭിക്കും; രജിസ്ട്രേഷൻ ഫീസ് അടയ്ക്കുക (ഏകദേശം ₹220).
പണമടച്ചതിന് ശേഷം, പോർട്ടലിൽ നിന്ന് നിങ്ങളുടെ യാത്ര രജിസ്ട്രേഷൻ പെർമിറ്റ് ഡൗൺലോഡ് ചെയ്യുക.
അമര്നാഥ് യാത്ര ഓഫ്ലൈൻ രജിസ്ട്രേഷൻ
രാജ്യമെങ്ങുമുള്ള 540 പഞ്ചാബ് നാഷണല് ബാങ്ക്(പിഎന്ബി) ശാഖകള് വഴി തീര്ഥാടകര്ക്ക് ഓഫ്ലൈൻ റജിസ്ട്രേഷൻ നടത്താം. അംഗീകൃത രജിസ്ട്രേഷൻ കേന്ദ്രങ്ങളിലോ നിർദ്ദിഷ്ട ബാങ്ക് ശാഖകളിലോ നേരിട്ട് പോയാൽ സേവനങ്ങൾ ലഭിക്കും.
സാധാരണയായി തിരഞ്ഞെടുത്ത യാത്രാ ദിവസത്തിന് മൂന്ന് ദിവസം മുമ്പ്, വൈഷ്ണവി ധാം, പഞ്ചായത്ത് ഭവൻ, മഹാജൻ ഹാൾ തുടങ്ങിയ സ്ഥലങ്ങളിൽ ടോക്കൺ സ്ലിപ്പുകൾ വിതരണം ചെയ്യും. ഔദ്യോഗിക രജിസ്ട്രേഷനും മെഡിക്കൽ പരിശോധനയ്ക്കുമായി തീർത്ഥാടകർ അടുത്ത ദിവസം സരസ്വതി ധാമിലേക്ക് പോകുന്നു. കൂടാതെ, ജമ്മുവിലെ പ്രത്യേക സ്ഥലങ്ങളിൽ നിന്ന് അവർ അവരുടെ RFID കാർഡുകൾ എടുക്കണം.
അമര്നാഥ് യാത്ര 2025: അവശ്യ രേഖകൾ
മെഡിക്കൽ സർട്ടിഫിക്കറ്റ്: അംഗീകൃത മെഡിക്കൽ സ്ഥാപനങ്ങളിൽ നിന്നുള്ള സാധുവായ സിഎച്ച്സി.
യാത്ര പെർമിറ്റ്: രജിസ്ട്രേഷൻ സമയത്ത് നൽകുന്നു.
ആർഎഫ്ഐഡി കാർഡ്: എല്ലാ തീർത്ഥാടകർക്കും നിർബന്ധമാണ്; ട്രാക്കിംഗിനും സുരക്ഷാ ആവശ്യങ്ങൾക്കും ഉപയോഗിക്കുന്നു.
ആധാർ കാർഡ്: ഇന്ത്യൻ പൗരന്മാർക്ക് ആവശ്യമാണ്; എൻആർഐകൾ പാസ്പോർട്ട് നൽകണം.
ഫോട്ടോഗ്രാഫുകൾ: ഔദ്യോഗിക രേഖകൾക്കായി അടുത്തിടെയുള്ള ആറ് പാസ്പോർട്ട് വലുപ്പത്തിലുള്ള ഫോട്ടോകൾ.
മൊബൈൽ നമ്പർ: ഔദ്യോഗിക ആശയവിനിമയത്തിനുള്ള സാധുവായ നമ്പർ.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
