ബെംഗളുരു കാലാവസ്ഥ: പതിവില്ലാത്ത വരണ്ടു ചൂട് കൂടിയ സെപ്റ്റംബർ, മഴയിൽ വൻ കുറവ്

ബെംഗളുരു കാലാവസ്ഥ ഒട്ടേറെ മാറ്റങ്ങളിലൂടെ കടന്നു പോകുന്ന വർഷമാണ് 2024. പതിവില്ലാത്ത വിധത്തിലുള്ള വേനലും കൊടുംചൂടും ജലക്ഷാമവും ഒക്കെ ബെംഗളുരു കഴിഞ്ഞ കുറച്ചു മാസങ്ങളിൽ നേരിട്ടു. വേനലിലെ പ്രസന്നമായ കാലാവസ്ഥയ്ക്കും തണുപ്പിനും പേരുകേട്ട ബെംഗളുരു ഏപ്രിൽ, മേയ് മാസങ്ങളിലെ ചൂടിൽ വലഞ്ഞു. പിന്നീട് കാലാവസ്ഥ പൂർവ്വസ്ഥിതിയിലേക്ക് വന്നെങ്കിലും വീണ്ടും മാറിയിരിക്കുകയാണ്. ബാംഗ്ലൂരിലെ നനവാർന്ന മാസങ്ങളിലൊന്നായ സെപ്റ്റംബർ ഇത്തവണ വരണ്ട മാസമായി മാറിയെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്‍റെ റിപ്പോർട്ട്.

ചൂടേറിയ വേനൽ മാത്രമല്ല, മഴകുറഞ്ഞ മഴക്കാലവും ഇത്തവണ ബെംഗളുരുവിനെ ചതിച്ചു. സെപ്റ്റംബർ 19 വരെ 105.8 മില്ലിമീറ്റർ മഴ പെയ്യേണ്ടിടത്ത് ഈ മാസം ഇതുവരെ 1.8 മില്ലിമീറ്റർ മാത്രമാണ് ബെംഗളൂരു അർബനിൽ പെയ്തതെന്ന് ബെംഗളൂരുവിലെ കാലാവസ്ഥാ നിരീക്ഷണ കേന്ദ്രം മേധാവി എൻ പുവിയരശൻ പറഞ്ഞു. സെപ്റ്റംബറിലെ ശരാശരി മഴ 208.3 മില്ലിമീറ്ററാണ്.

വരണ്ട കാലാവസ്ഥയ്‌ക്കൊപ്പം അസാധാരണമായ ഉയർന്ന താപനിലയും ഉണ്ടായിട്ടുണ്ട്. കാറ്റ് വേണ്ടത്ര ശക്തമല്ലെന്നും അന്തരീക്ഷത്തിലെ മൊത്തം ജലാംശം കുറഞ്ഞതായും മേഘ രൂപീകരണം തടയുന്നതായും ഐഎംഡി പറഞ്ഞതായി ഡെക്കാൺ ഹെറാൾഡ് റിപ്പോർട്ട് ചെയ്യുന്നു. അതേസമയം, തെക്കൻ കർണ്ണാടകയിൽ ഇടിമിന്നലിന്‍റെ പ്രവർത്തനം കുറവാണ്, എന്നാൽ വടക്കൻ ജില്ലകളിൽ ഈ മൺസൂണിൽ അധിക മഴ ലഭിച്ചിട്ടുണ്ട്. കാലാവസ്ഥാ നിരീക്ഷണ കേന്ദ്രം മേധാവി എൻ പുവിയരശൻ പറഞ്ഞു. മറ്റ് ദക്ഷിണേന്ത്യൻ സംസ്ഥാനങ്ങളിൽ ധാരാളം മഴ ലഭിച്ചിട്ടില്ലാത്ത ഒരു പ്രതിഭാസമാണ് ഇതെന്ന് അദ്ദേഹം അഭിപ്രായപ്പെട്ടു.

ജൂൺ 1 മുതൽ സെപ്റ്റംബർ 19 വരെ കർണ്ണാടകയിൽ 768.3 മില്ലിമീറ്റർ മഴയാണ് ലഭിച്ചത്. ഇതിൽ ജൂലൈ മുതൽ ആഗസ്ത് രണ്ടാം വാരം വരെയാണ് ഭൂരിഭാഗം മഴയും ലഭിച്ചത്. ഇതിനു ശേഷം കർണാടകയുടെ ചില ഭാഗങ്ങളിൽ മഴ കുറയുകയും ചെയ്തു. അതേസമയം എന്നാൽ കർണ്ണാടകയുടെ തീരദേശ മേഖലയിൽ ഈ വർഷം മഴ കൂടുതൽ ലഭിച്ചു. 2,994.9 മില്ലിമീറ്റർ മഴ പ്രതീക്ഷിച്ച സ്ഥാനത്ത് 3,609 മില്ലിമീറ്റർ മഴയാണ് ഈ വര്‍ഷം ഇതുവരെ ലഭിച്ചത്.

ആഗസ്റ്റ് 20 മുതൽ സെപ്റ്റംബർ 5 വരെ, സൂര്യൻ കർണ്ണാടകുടെ മുകളിൽ നേരിട്ട് പ്രകാശിച്ചു, അന്തരീക്ഷത്തിൽ ഈർപ്പം കുറവായതിനാൽ നിഴൽ ഇല്ലാത്ത ദിവസങ്ങളായിരുന്നു ഇതിൽ കൂടുതലും. അതിനാൽ താപനില സാധാരണയുള്ളതിനേക്കാൾ ഈ ദിവസങ്ങളിൽ കൂടുൽ അനുഭവപ്പെടുകയും ചെയ്തു. വടക്കൻ കർണ്ണാടകയിലാണ് ഇത് കൂടുതലായും അനുഭവപ്പെട്ടത്.
കൂടുതലാണ്, അദ്ദേഹം പറഞ്ഞു.

ബെംഗളുരു കാലാവസ്ഥാ പ്രവചനം സെപ്റ്റംബർ 21-27

സെപ്റ്റംബർ 21 - 27.6 °C നേരിയ മഴ
സെപ്റ്റംബർ 22 - 27.31 °C മേഘാവൃതമായ ആകാശം
സെപ്റ്റംബർ 23 - 27.26 °C °C മേഘാവൃതമായ ആകാശം
സെപ്റ്റംബർ 24 - 23.76 °C നേരിയ മഴ
സെപ്റ്റംബർ 25 - 24.86 °C നേരിയ മഴ
സെപ്റ്റംബർ 26 - 24.12 °C നേരിയ മഴ
സെപ്റ്റംബർ 27 - 23.48 °C നേരിയ മഴ

അടുത്ത രണ്ട് ദിവസങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.