ബെംഗളൂരു എയ്റോ ഷോ 2025 ഇന്ന് മുതൽ; 900 ലധികം പ്രദർശകര്‍, നൂതനമായ യുദ്ധവിമാനങ്ങൾ കാണാം

ബെംഗളൂരു എയ്റോ ഇന്ത്യ 2025: ബെംഗളൂരു ഏറെ പ്രതീക്ഷയോടെയും ആകാംക്ഷയോടെയും കാത്തിരിക്കുന്ന വ്യോമപ്രദർശനമായ എയ്റോ ഇന്ത്യ 2025 ന് ഇന്ന് തുടക്കമാകും. ഫെബ്രുവരി 10 ന് ആരംഭിച്ച് 14 വരെ യെലഹങ്ക എയർഫോഴ്‌സ് സ്റ്റേഷനിൽ നടക്കുന്ന എയ്റോ ഷോ ഏഷ്യയിലെ തന്നെ ഏറ്റവും വലിയ ഇത്തരത്തിലുള്ള വ്യോമ പ്രദർശനമാണ്.

'ദി റൺവേ ടു എ ബില്യൺ ഓപ്പർച്യുണിറ്റീസ്' എന്ന പ്രമേയത്തോടെ , അഞ്ച് ദിവസത്തെ ഈ ആഘോഷം ആഗോള എയ്‌റോസ്‌പേസ് കമ്പനികളുടെ അത്യാധുനിക ഉൽപ്പന്നങ്ങൾക്കൊപ്പം ഇന്ത്യയുടെ വ്യോമ വൈദഗ്ധ്യവും തദ്ദേശീയമായ അത്യാധുനിക കണ്ടുപിടുത്തങ്ങളും പ്രദർശിപ്പിക്കും. എയ്റോ ഇന്ത്യയുടെ 15 -ാമത് പതിപ്പ് ഇന്ന് യെലഹങ്ക വ്യോമസേനാ സ്റ്റേഷനിൽ പ്രതിരോധ മന്ത്രി രാജ്‌നാഥ് സിംഗ് ഉദ്ഘാടനം ചെയ്യും.

ഫെബ്രുവരി 10 മുതൽ 12 വരെ പ്രവൃത്തി ദിവസങ്ങളാണ്. ഈ ദിവസങ്ങളിൽ പ്രതിരോധ വിദഗ്ദർ, ബിസിനസുകൾ തുടങ്ങിയവർക്കാണ് പ്രവേശനം. 13 -14 ഉം ദിവസങ്ങൾ പൊതുജനങ്ങൾക്ക് പ്രദർശനം കാണാൻ വേണ്ടിയുള്ള പൊതു ദിവസങ്ങളായി നിശ്ചയിച്ചിട്ടുണ്ട്. പ്രതിരോധ മന്ത്രിമാരുടെ കോൺക്ലേവ്,സിഇഒമാരുടെ വട്ടമേശ സമ്മേളനം,ഇന്ത്യ & ഐഡെക്സ് പവലിയനുകളുടെ ഉദ്ഘാടനം, മന്തൻ ഐഡെക്സ് പരിപാടി,സമർത്ഥ്യ തദ്ദേശീയവൽക്കരണ പരിപാടി, സെമിനാറുകൾ; ആവേശകരമായ എയർഷോകൾ, എയ്‌റോസ്‌പേസ് കമ്പനികളുടെ പ്രദർശനം എന്നിവ പരിപാടിയിൽ ഉൾപ്പെടുന്നു.

ഇന്ത്യയുടെ' ശക്തിയും പ്രതിരോധശേഷിയും സ്വാശ്രയത്വവും പ്രദർശിപ്പിക്കുന്ന ഒരു പ്ലാറ്റ്‌ഫോമാണ് എയ്‌റോ ഇന്ത്യ. ഇന്ത്യയുടെ പ്രതിരോധ തയ്യാറെടുപ്പിന് മാത്രമല്ല, നമ്മുടെ രാജ്യത്തിന്‍റെ ഭാവി രൂപപ്പെടുത്തുന്നതിലും ഇത് നിർണായക പങ്ക് വഹിക്കുന്നുണ്ട്. 'ദ റൺവേ ടു എ ബില്യൺ ഓപ്പർച്യുണിറ്റീസ്' എന്ന പ്രമേയത്തിൽ നടക്കുന്ന അഞ്ച് ദിവസത്തെ പരിപാടി ഇന്ത്യയുടെ പ്രതിരോധ ശേഷി പ്രകടമാക്കുക മാത്രമല്ല ആഗോള പങ്കാളിത്തം വളർത്തുകയും ചെയ്യുമെന്നും 'പ്രതിരോധ മന്ത്രി രാജ്‌നാഥ് സിംഗ് പറഞ്ഞു. ബെംഗളൂരുവിൽ ഇന്നലെ നടന്ന പ്രസമ്മേളനത്തിലായിരുന്നു ഇത്.

900 ലധികം പ്രദർശകര്‍

42,000 ചതുരശ്ര മീറ്ററിലധികം വിസ്തൃതിയിൽ സംഘടിപ്പിക്കുന്ന ഈ പരിപാടിയിൽ 150 വിദേശ കമ്പനികൾ ഉൾപ്പെടെ 900 ലധികം പ്രദർശകരുടെ പങ്കാളിത്തം സ്ഥിരീകരിച്ചിട്ടുണ്ട്. ഇതുവരെയുള്ളതിൽ വച്ച് ഏറ്റവും വലിയ എയ്‌റോ ഇന്ത്യയായിരിക്കും ഇത്. ഇന്ത്യയുടെ എയ്‌റോസ്‌പേസ്, പ്രതിരോധ ശേഷികളിൽ ആഗോളതലത്തിൽ വർദ്ധിച്ചുവരുന്ന ആത്മവിശ്വാസത്തിന്റെ തെളിവാണ് 90 ലധികം രാജ്യങ്ങളുടെ പങ്കാളിത്തമെന്ന് ശ്രീ രാജ്‌നാഥ് സിംഗ് വിശേഷിപ്പിച്ചു.

"പ്രതിരോധ മന്ത്രിമാരോ ഏകദേശം 30 രാജ്യങ്ങളിൽ നിന്നുള്ള പ്രതിനിധികളോ ഈ പരിപാടിയിൽ പങ്കെടുക്കാൻ എത്തിയിട്ടുണ്ട്. 43 രാജ്യങ്ങളിൽ നിന്നുള്ള വ്യോമസേനാ മേധാവികളുടെയും സെക്രട്ടറിമാരുടെയും സാന്നിധ്യം ഈ പരിപാടിയുടെ പ്രാധാന്യം കൂടുതൽ എടുത്തുകാണിക്കുന്നു - ഇന്ത്യയ്ക്ക് മാത്രമല്ല, മുഴുവൻ അന്താരാഷ്ട്ര പ്രതിരോധ സമൂഹത്തിനും," അദ്ദേഹം പറഞ്ഞു.

ചരിത്രത്തിലാദ്യമായി, ലോകത്തിലെ ഏറ്റവും നൂതനമായ അഞ്ചാം തലമുറ യുദ്ധവിമാനങ്ങളിൽ രണ്ടെണ്ണമായ റഷ്യൻ Su-57 ഉം അമേരിക്കൻ F-35 ലൈറ്റ്നിംഗ് II ഉം എയ്‌റോ ഇന്ത്യ പ്രദർശനത്തിൽ -ൽ പങ്കെടുക്കും. ആഗോള പ്രതിരോധ സഹകരണത്തിലും സാങ്കേതിക പുരോഗതിയിലും ഇത് ഒരു നാഴികക്കല്ലാണ്, വ്യോമയാന പ്രേമികൾക്കും പ്രതിരോധ വിദഗ്ധർക്കും ഈ അത്യാധുനിക യുദ്ധവിമാനങ്ങൾ കാണാനുള്ള അവസരം കൂടിയാണ് വ്യോമപ്രദർശനം ഒരുക്കുന്നത്.

വ്യോമയാന രംഗത്തെ ഇന്ത്യയുടെ പ്രധാന നേട്ടങ്ങളും കണ്ടുപിടുത്തങ്ങളും കാണിക്കുന്ന പ്രദർശനങ്ങൾ ഇവിടെയുണ്ട്.
അത്യാധുനിക തദ്ദേശീയമായി വികസിപ്പിച്ച ഉൽപ്പന്നങ്ങളും സാങ്കേതികവിദ്യകളും ഇത് പ്രദർശിപ്പിക്കും. എയ്‌റോസ്‌പേസ്, ഡെഫ്‌സ്‌പേസ്, എയ്‌റോ സ്ട്രക്ചറുകൾ, ആന്റി-ഡ്രോൺ സിസ്റ്റങ്ങൾ, ഓട്ടോണമസ് സിസ്റ്റങ്ങൾ, റോബോട്ടിക്‌സ്, കമ്മ്യൂണിക്കേഷൻ, സൈബർ സുരക്ഷ, സർവൈലൻസ് & ട്രാക്കിംഗ്, ആളില്ലാ ഗ്രൗണ്ട് വെഹിക്കിൾസ് തുടങ്ങി വിപുലമായ വിപുലമായ മേഖലകളിലായി തദ്ദേശീയമായി വികസിപ്പിച്ച ഉൽപ്പന്നങ്ങൾ പ്രദർശിപ്പിക്കും.

ഐഡെക്സ് (എഡിഐടിഐ) പദ്ധതിയിലൂടെ നൂതന സാങ്കേതികവിദ്യകളുടെ വികസനത്തിലെ വിജയികളെ ഉയർത്തിക്കാട്ടുന്ന ഒരു പ്രത്യേക വിഭാഗവും പവലിയനിൽ ഉണ്ടായിരിക്കും. നിർണായകവും സവിശേഷവുമായ സാങ്കേതികവിദ്യകളിലെ അവരുടെ നൂതന പ്രവർത്തനങ്ങൾ പ്രദർശിപ്പിക്കും.