Click it and Unblock the Notifications
സീസണിലെ തിരക്ക് പരിഗണിച്ച് കേരളത്തിലൂടെ സ്പെഷ്യൽ വന്ദേ ഭാരത് സർവീസ് നടത്താൻ ദക്ഷിണ റെയിൽവേ. യാത്രക്കാരുടെ തിരക്ക് കണക്കിലെടുത്ത് കൊച്ചുവേളി- മംഗളുരു റൂട്ടിലാണ് ഈ സർവീസ്. ജൂലൈ ഒന്ന് തിങ്കളാഴ്ച കൊച്ചുവേളിയില് നിന്ന് രാവിലെ പുറപ്പെട്ട് അന്നേ ദിവസം രാത്രിയോടെ മംഗളൂരുവില് എത്തിച്ചേരുന്ന വിധത്തിലാണ് ഓടുക.
കൊച്ചുവേളി- മംഗളുരു സെന്ട്രൽ വൺവേ വന്ദേ ഭാരത് സ്പെഷ്യൽ ട്രെയിൻ നമ്പർ 06001 തിങ്കളാഴ്ച രാവിലെ 10.45 ന് കൊച്ചുവേളി റെയിൽവേ സ്റ്റേഷനിൽ നിന്നും പുറപ്പെടും. കോട്ടയം , എറണാകുളം ടൗൺ, ഷൊർണൂർ, കോഴിക്കോട്, കണ്ണൂർ വഴി അന്നു രാത്രി 10.00 മണിക്ക് മംഗളുരു സെന്ട്രൽ റെയിൽവേ സ്റ്റേഷനിൽ എത്തുന്ന വിധത്തിലാണ് സമയ ക്രമീകരണം.
കൊച്ചുവേളിയും മംഗളുരുവും കൂടാതെ കൊല്ലം, കോട്ടയം, എറണാകുളം ടൗൺ, തൃശൂർ, ഷൊർണൂർ, തിരൂർ, കോഴിക്കോട്, കണ്ണൂർ , കാസർകോഡ് എന്നീ എട്ടു സ്റ്റേഷനുകളിലാണ് നിർത്തുക. എട്ട് കോച്ചുകളുള്ള ട്രെയിനാണ് സർവീസ് നടത്തുക. 11 മണിക്കൂർ 15 മിനിറ്റ് യാത്രയാണ് ആകെയുള്ളത്.
സ്പെഷ്യൽ വന്ദേ ഭാരത് സമയക്രമം:
(എത്തിച്ചേരുന്നത് / പുറപ്പെടുന്നത്)
കൊച്ചുവേളി - 10.45
കൊല്ലം ജംഗ്ഷൻ - 11.40 / 11.43
കോട്ടയം - 12.55 / 12.58
എറണാകുളം ടൗൺ - 14.02 / 14.05
തൃശൂർ - 15.20 / 15.23
ഷൊർണൂർ ജംഗ്ഷൻ - 16.15 / 16.20
തിരൂർ - 16.50 / 16.52
കോഴിക്കോട് - 17.32 / 17.35
കണ്ണൂർ - 18.47 / 18.50
കാസർകോട് - 20.32 / 20.34
മംഗളുരു സെൻട്രൽ - 22.00.
എസി ചെയർ കാറിൽ കൊച്ചുവേളിയിൽ നിന്ന് മംഗളുരു സെൻട്രൽ റെയിൽവേ സ്റ്റേഷനിലേക്ക് 1470 രൂപയാണ് ടിക്കറ്റ് നിരക്ക്. എക്സിക്യൂട്ടീവ് ചെയർ കാറിൽ 2970 രൂപയുമാണ് നിരക്ക്, ഇതിൽ ഭക്ഷണ നിരക്ക് ഉൾപ്പെടുത്തിയിട്ടില്ല.
കൊച്ചുവേളി- മംഗളുരു റൂട്ടിൽ മാത്രമായിരിക്കും സർവീസ് എന്ന കാര്യം ഓർക്കുക. ടിക്കറ്റ് ബുക്കിങ് ഇതിനോടകം ആരംഭിച്ചു. ഐആർസിടിസി വെബ്സൈറ്റ് വഴിയും ആപ്ലിക്കേഷനുകൾ വഴിയും കൗണ്ടറുകളിൽ നിന്ന് നേരിട്ടും ടിക്കറ്റ് ബുക്ക് ചെയ്യാം.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
