Search
  • Follow NativePlanet
Share
ഹോം » സ്ഥലങ്ങൾ» ശിവപുരി

ശിവപുരി -  വനഭൂമിയിലെ മാനസതീരം

23

നിബിഢവനങ്ങളാല്‍ സമൃദ്ധമാണ് ശിവപുരി. ഊതിവീര്‍പ്പിച്ച കാല്പനിക കഥകളുടെ പെരുമയില്‍ ഊറ്റംകൊള്ളുന്ന സങ്കല്പതീരമല്ല. മറിച്ച്, ചരിത്രത്തിലും പുരാണത്തിലും ഒരുപോലെ വിളങ്ങിനില്ക്കുന്ന ഭാസുരഭൂമിയാണ് മധ്യപ്രദേശ് സംസ്ഥാനത്തിലുള്ള ശിവപുരി എന്ന പട്ടണം.  പട്ടണത്തിന്റെ ഈ പ്രൌഢനാമത്തിലാണ് ജില്ല തന്നെ അറിയപ്പെടുന്നത്.

അതിവിസ്തൃതമായ മുഗള്‍ സാമ്രാജ്യത്തിലെ ഭരണാധികാരികള്‍ മൃഗയാ വിനോദത്തിനായി വന്നിരുന്നത് ഈ കാടുകളിലാണ്. ശിവപുരിയിലെ വിനോദസഞ്ചാരത്തിന്റെ ഹരിതമുദ്രണങ്ങളാണ് ഈ കാടുകള്‍. കരേര പക്ഷിസങ്കേതവും മാധവ നാഷണല്‍ പാര്‍ക്കും പാര്‍ക്കിനകത്തുള്ള ജോര്‍ജ്ജ് അഞ്ചാമന്‍  രാജാവിന്റെ കോട്ടയും സഞ്ചാരികളുടെ സന്ദര്‍ശനഭൂപടത്തില്‍ അവഗണിയ്ക്കാനാവാത്ത സ്ഥാനം ശിവപുരിക്ക് നേടിക്കൊടുത്തിട്ടുണ്ട്.

മനുഷ്യനും പ്രകൃതിയും രമ്യമായ് സഹവസിക്കുന്ന ഈ മനോഹര തീരം കാണാന്‍  നാടിന്റെ നാനാകോണുകളില്‍ നിന്ന് ആളുകള്‍ പ്രവഹിക്കുന്നതില്‍ അത്ഭുതമൊന്നുമില്ല.

ശിവപുരിയ്ക്കകത്തും സമീപത്തുമുള്ള സഞ്ചാരകേന്ദ്രങ്ങള്‍

നിര്‍മ്മലമായ ഒരു തടാകവും അതിന് ചുറ്റുമായി വളരെ വിസ്തൃതിയില്‍ പരന്ന് കിടക്കുന്ന പുല്‍മേടുകളും അവയ്ക്ക് അതിരിടുന്ന രാകിമിനുക്കിയപോലുള്ള ഉരുളന്‍  മലനിരകളുമുള്ള മാധവ ദേശീയോദ്യാനം മനോഹരമായ ഒരു പെയിന്റിങ്ങ് പോലെ തോന്നിയ്ക്കും. വളരെ വിപുലമായ ജൈവവൈവിദ്ധ്യവും ഈ പാര്‍ക്ക് ഉള്‍ക്കൊള്ളുന്ന വനമേഖലയിലുണ്ട്.

സഖ്യസാഗര്‍ പൊയ്കയും ഭുരാഖോല്‍, പവ എന്നീ വെള്ളച്ചാട്ടങ്ങളും സോന ചിടിയ പക്ഷിസങ്കേതവും പ്രകൃതിസൌന്ദര്യത്തിന്റെ ഉദാത്തമായ പ്രതീകങ്ങളാണ്. പ്രപഞ്ചമെന്ന അനുപമ സൌധത്തിലെ വിനീതവിധേയന്‍  മാത്രമാണ് മനുഷ്യന്‍  എന്ന് ഉള്ളില്‍ തട്ടി ഉണര്‍ത്തും. കോണ്‍ ക്രീറ്റ് വനത്തിലെ വിരസമായ കെട്ട്കാഴ്ചകളില്‍ നിന്ന് മാതൃത്വത്തിന്റെ മടിത്തട്ടിലേയ്ക്കുള്ള സ്നേഹമസൃണമായ ക്ഷണമാണ് ശിവപുരി ടൂറിസം.

വേനല്‍ക്കാല സഞ്ചാരത്തിന്റെ ആസ്ഥാനം

കോട്ടകളും രമ്യഹര്‍മ്മങ്ങളും ക്ഷേത്രങ്ങളും ശിവപുരിയുടെ സുദീര്‍ഘവും വര്‍ണ്ണപ്പകിട്ടാര്‍ന്നതുമായ ഭൂതകാലത്തിന് തെളിവാണ്. നിരവധി രാജകുടുംബങ്ങളുടെ വേനല്‍ക്കാല താവളമായിരുന്നു ഈ പ്രദേശം എന്ന ശിവപുരിയുടെ ഗര്‍വ്വിനെ ശരിവെക്കുന്നതാണ് നര്‍വാര്‍ കോട്ട, മാധവ വിലാസ് കൊട്ടാരം, മഹുവ ശിവക്ഷേത്രം എന്നിവ. കീര്‍ത്തിമുദ്ര പതിഞ്ഞ സ്മാരകങ്ങളും ദേശീയോദ്യാനങ്ങളും പക്ഷിസങ്കേതങ്ങളും നാടിന്റെ വിവിധഭാഗങ്ങളില്‍ നിന്നുമുള്ള സഞ്ചാരികളെ ധാരാളമായ് വരവേല്ക്കുന്നതിനാല്‍ ശിവപുരിയുടെ ടൂറിസവ്യവസായം അഭ്യുന്നതിയിലും സ്വയംപര്യാപ്തതയിലുമാണ്.

ശിവപുരിയില്‍ എത്തുന്നവിധം

അടുത്തുള്ള എയര്‍പോര്‍ട്ടുകളും റെയില്‍വേ സ്റ്റേഷനുകളും ശിവപുരിയിലേക്കുള്ള യാത്ര സഞ്ചാരികള്‍ക്ക് തികച്ചും സുഗമവും സൌകര്യപ്രദവുമാക്കും.

സന്ദര്‍ശിക്കാന്‍  ഏറ്റവും അനുയോജ്യമായ സമയം

വര്‍ഷത്തിലേറിയ കാലവും പ്രസന്നമായ കാലാവസ്ഥയാണ് ശിവപുരി വാഗ്ദാനം ചെയ്യുന്നത്. എന്നിരുന്നാലും ഒക്ടോബറിനും മാര്‍ച്ചിനുമിടയിലെ കാലയളവാണ് കൂടുതല്‍ അഭികാമ്യം.

ശിവപുരി പ്രശസ്തമാക്കുന്നത്

ശിവപുരി കാലാവസ്ഥ

സന്ദര്‍ശിക്കാന്‍ പറ്റിയ സമയം ശിവപുരി

  • Jan
  • Feb
  • Mar
  • Apr
  • May
  • Jun
  • July
  • Aug
  • Sep
  • Oct
  • Nov
  • Dec

എങ്ങിനെ എത്തിച്ചേരാം ശിവപുരി

  • റോഡ് മാര്‍ഗം
    ഗ്രാമങ്ങളിലേക്കും അത്രയേറെ പ്രശസ്തമല്ലാത്ത പട്ടണങ്ങളിലേക്ക് വരെ ബസ്സ് സര്‍വ്വീസുകള്‍ നിലവിലുള്ളതിനാല്‍ ശിവപുരിയിലേക്ക് റോഡ് മാര്‍ഗ്ഗം നിഷ്പ്രയാസം എത്തിച്ചേരാം. ഇവിടെ നിന്ന് 128 കിലോമീറ്റര്‍ അകലെയുള്ള ഗ്വാളിയോറില്‍ നിന്നും 100 കിലോമീറ്റര്‍ ദൂരെയുള്ള ജാന്‍ സിയില്‍ നിന്നും തുടര്‍ച്ചയായി ബസ്സുകളും ടാക്സികളും ശിവപുരിയിലേക്ക് വന്നും പോയുമിരിക്കുന്നുണ്ട്.
    ദിശകള്‍ തിരയാം
  • റെയില്‍ മാര്‍ഗം
    ശിവപുരി പട്ടണപ്രദേശത്ത് നിന്ന് വെറും 3 കിലോമീറ്റര്‍ അടുത്തായിട്ടാണ് ഇവിടത്തെ റെയില്‍വേ സ്റ്റേഷന്‍ . ഒരുപാട് ട്രെയിനുകള്‍ക്കൊന്നും ശിവപുരിയില്‍ സ്റ്റോപ് അനുവദിക്കുന്നില്ലെങ്കിലും 100 കിലോമീറ്റര്‍ അകലെയുള്ള ജാന്‍ സിയും 128 കിലോമീറ്റര്‍ അകലെയുള്ള ഗ്വാളിയോറും ശിവപുരിയിലേക്കുള്ള പാതയിലെ പ്രധാന സ്റ്റേഷനുകളാണ്. ബസ്സുകളും ടാക്സികളും തലങ്ങും വിലങ്ങും സര്‍വ്വീസ് നടത്തുന്നതിനാല്‍ ഇവിടേക്ക് എത്തിച്ചേരുക എന്നത് ഒട്ടും ആയാസകരമല്ല.
    ദിശകള്‍ തിരയാം
  • വിമാനമാര്‍ഗം
    ചരിത്രനഗരമായ ശിവപുരിയിലെത്തിച്ചേരാന്‍ സുനിശ്ചിതവും സുഗമവുമായ ഉപരിതല, വ്യോമ ഗതാഗത മാര്‍ഗ്ഗങ്ങളുണ്ട്. ശിവപുരിയില്‍ നിന്ന് 128 കിലോമീറ്റര്‍ അകലെയുള്ള ഗ്വാളിയോറാണ് സമീപസ്ഥമായ വിമാനത്താവളം. ഇന്ത്യയിലെ പ്രമുഖ നഗരങ്ങളിലേക്കെല്ലാം ഇവിടെ നിന്ന് വിമാന സര്‍വ്വീസുകളുണ്ട്.
    ദിശകള്‍ തിരയാം
One Way
Return
From (Departure City)
To (Destination City)
Depart On
29 Mar,Fri
Return On
30 Mar,Sat
Travellers
1 Traveller(s)

Add Passenger

  • Adults(12+ YEARS)
    1
  • Childrens(2-12 YEARS)
    0
  • Infants(0-2 YEARS)
    0
Cabin Class
Economy

Choose a class

  • Economy
  • Business Class
  • Premium Economy
Check In
29 Mar,Fri
Check Out
30 Mar,Sat
Guests and Rooms
1 Person, 1 Room
Room 1
  • Guests
    2
Pickup Location
Drop Location
Depart On
29 Mar,Fri
Return On
30 Mar,Sat

Near by City