Click it and Unblock the Notifications
ശിവരാത്രി ആഘോഷിക്കാന് ഒരു യാത്ര ചെയ്യണം എന്ന് നിര്ബന്ധമുണ്ടെങ്കില് നിങ്ങള്ക്ക് നേരെ ആലുവയിലേക്ക് പോകാം. ആലുവയിലെ ശിവക്ഷേത്രത്തിന് മുന്നിലുള്ള മണപ്പുറം ശിവരാത്രി ആഘോഷങ്ങള്ക്ക് പേരുകേട്ട സ്ഥലമാണ്. വര്ഷം തോറും ശിവരാത്രി നാളില് ആയിരക്കണക്കിന് ആളുകളാണ് ആലുവ മണപ്പുറത്തേക്ക് ഒഴുകിയെത്തുന്നത്.
എന്താണ് ആലുവ മണപ്പുറത്തിന്റെ പ്രത്യേകത
ആലുവയിലൂടെ ഒഴുകുന്ന പെരിയാര് നദിയുടെ തീരമാണ് ആലുവ മണപ്പുറം എന്ന് അറിയപ്പെടുന്നത്. ശരിക്കു പറഞ്ഞാല് പെരിയാര് നദിയുടെയും മംഗലപ്പുഴയുടേയും ഇടയ്ക്കുള്ള മണല്ത്തിട്ടയാണ് ഇത്. ഈ മണല്തിട്ടയിലാണ് ആലുവയിലെ പ്രശസ്തമായ ആലുവ ശിവക്ഷേത്രം സ്ഥിതി ചെയ്യുന്നത്.
ക്ഷേത്രത്തിന് പുറത്തുള്ള ശിവലിംഗം
ഈ ക്ഷേത്രത്തിന്റെ ഏറ്റവും വലിയ പ്രത്യേകത ഇവിടുത്തെ ശിവലിംഗം തന്നെയാണ്. അത് പ്രതിഷ്ഠിച്ചിരിക്കുന്നത് ക്ഷേത്രത്തിന് പുറത്തുള്ള മണപ്പുറത്താണ്. ഇതിനാലാണ് ആലുവ മണപ്പുറം ഇത്രയും പവിത്രമായി കരുതുന്നതും. പരശുരാമനാണ് ഈ ശിവലിംഗ പ്രതിഷ്ഠിച്ചത് എന്നാണ് പൊതുവേയുള്ള വിശ്വാസം. ഈ ശിവലിംഗത്തെ ശ്രീരാമന് പോലും പൂജിച്ചിട്ടുണ്ട് എന്നും വിശ്വസിക്കപ്പെടുന്നു. ആലുവയിലെ മാര്ത്തണ്ഡവര്മ്മ പാലത്തില് നിന്ന് ഒരു കിലോമീറ്റര് യാത്ര ചെയ്താല് ഈ ക്ഷേത്രത്തില് എത്തിച്ചേരാം കഴിയും.
ആലുവയിലെ ശിവരാത്രി
എല്ലാവര്ഷവും ആലുവ മണപ്പുറത്താണ് ശിവരാത്രി ആഘോഷിക്കപ്പെടുന്നത്. കേരളത്തിന്റെ വിവിധ ഭാഗത്ത് നിന്നുള്ള ആളുകള് ശിവരാത്രി നാളില് ഇവിടെ എത്തിച്ചേരാറുണ്ട്. ഉത്സവത്തിന്റെ രണ്ടാം ദിവസം ആളുകള് ആലുവയിലെത്തി പൂര്വ്വികര്ക്ക് തര്പ്പണം നടത്തുന്നു. പട്ടണം മുഴുവന് വിപണന മേളകള് കൊണ്ട് സജീവമാകും ആ കാലം. മൂന്നും നാലും ദിവസങ്ങളില് ' ദിക്ക് വിജയം' എന്ന പേരിലുള്ള ഘോഷയാത്രയാണ്. അഞ്ചാമത്തെ ദിവസം പള്ളിവേട്ട എന്ന അനുഷ്ഠാനം ആഘോഷിക്കപ്പെടുന്നു. ആറാമത്തെ ദിവസം ആറാട്ടോടു കൂടി മഹാ ഉത്സവം സമാപിക്കുന്നു.
ശിവക്ഷേത്രം
പെരിയാര് നദി
താല്ക്കാലിക പാലം
താല്ക്കാലിക ഷെഡുകള്
Photo Courtesy: Ranjithsiji
ബലിതര്പ്പണം
Photo Courtesy: Ranjithsiji
ഒരുക്കം
Photo Courtesy: Ranjithsiji
