പള്ളിപ്പുറത്തെ മഞ്ഞുമാതാവിന്റെ ബസിലിക്ക

എട്ട് ബസിലിക്കളിൽ ഒന്ന്

ക‌ത്തോലിക്ക സഭയ്ക്ക് ഇന്ത്യയിൽ ആകെ 21 ബസിലിക്കളാണുള്ളത് അവയിൽ എട്ടെണ്ണവും കേര‌ളത്തിലാണ്. കേരളത്തിലെ എട്ട് ബസിലിക്കളിൽ ഒന്നാണ് മഞ്ഞുമാത ബസിലിക്ക. പള്ളിപ്പുറം കോട്ടയിൽ നിന്ന് 500 മീറ്റർ അകലെ മാറിയാണ് ഈ ബസിലിക്ക സ്ഥിതി ചെയ്യുന്നത്.
Photo Courtesy: Olattupurath

വല്ലാർപ്പാടം പള്ളി

വല്ലാർപ്പാടം പള്ളിയിൽ നിന്ന് 34 കിലോമീറ്ററും ചേറായി ബീച്ചിൽ നിന്ന് 3 കിലോമീറ്ററും അകലെയായാണ് ഈ ബസിലിക്ക സ്ഥിതി ചെയ്യുന്നത്.
Photo Courtesy: Muzirian

ദേവാലയ നിർമ്മാണം

1507 AD യിൽ പോർച്ചുഗീസുകാരാണ് ഇവിടെ ആദ്യത്തെ പള്ളി പണി‌തത്. 1931ൽ ആണ് ഇപ്പോൾ കാണുന്ന ഗോഥിക് ശൈലിയിൽ ദേവാലയം പുതുക്കി നിർമ്മിച്ചത്.
Photo Courtesy: Matthias Grünewald Link back to Creator infobox template

ബസിലിക്ക

2012 ആഗസ്റ്റ് 27ന് ബനഡിക്റ്റി പതിനാലമൻ മാർപാപ്പയാണ് ഈ ദേ‌വാലയത്തെ ബസലിക്കയായി ഉയർത്തിയത്. 2007ൽ ആണ് ഈ ദേ‌വാലയ നിർമ്മാണത്തിന്റെ 500 വർ‌ഷം ആഘോഷിച്ചത്.
Photo Courtesy: Hflm at Portuguese Wikipedia

ഐതിഹ്യം

ടിപ്പുവിന്റെ അധിനിവേശവുമായി ബന്ധപ്പെട്ട് ഈ ദേവാലയത്തിന് ഒരു ഐ‌തിഹ്യം പറയാണുണ്ട്. 1789ൽ ടിപ്പു ചാലക്കുടി‌പ്പുഴ കടന്ന് തിരുവിതാംകൂർ കീഴടക്കാൻ ഒരുങ്ങിയ സമയം. ഇവിടുത്തെ നാട്ടുകാരെല്ലാം ടിപ്പുവിന്റെ ആക്രമണത്തെ ഭയന്ന് ഈ ദേവാലയത്തിൽ വന്ന് പ്രാർത്ഥിച്ചു.
Photo Courtesy: Eustache Le Sueur

മാതാവിന്റെ അത്ഭുതം

മാതാവിന്റെ അത്ഭുതപ്രവർ‌ത്തിയാൽ ആ സ്ഥലം മുഴുവൻ കോടമഞ്ഞ് നിറഞ്ഞു. കോടമഞ്ഞ് നിറഞ്ഞ ‌പരിസ‌രം അറബിക്കടൽ ആണെന്ന് ‌വിചാരിച്ച് ടിപ്പുവിന്റെ പട‌യാ‌‌ളികൾ പിൻതിരിഞ്ഞു എന്നാണ് വിശ്വാസം. അങ്ങനെയാണ് ഈ മാതാവ് മഞ്ഞുമാത എന്ന പേരിൽ അറിയപ്പെടാൻ തുടങ്ങിയത്.
Photo Courtesy: Giovanni Battista Salvi da Sassoferrato

ആഘോഷം

എല്ലാ വർഷവും ജൂലൈ 30 മുതൽ മാതാവിന്റെ അമലോ‌ത്ഭവ ദിനമായ ആഗസ്റ്റ് 15 വരെയാണ് ഈ പള്ളിയിലെ ആഘോഷം. ആഗസ്റ്റ് 5നാണ് പ്രധാന തിരുനാൾ.

Photo Courtesy: Miguel Palafox