കാശ്മീരിലുമുണ്ട് ഒരു മിനി കാശ്മീർ!!

കാശ്മീരിലെ ഒരുവിധം സ്ഥലങ്ങളെല്ലാം സ zwj;ഞ്ചാരികൾക്ക് പരിചിതമാണെങ്കിലും ഇനിയും തീരെ പിടികിട്ടാത്ത കുറച്ചിടങ്ങളുണ്ട്. അതിലൊന്നാണ് മിനി കാശ്മീർ എന്നറിയപ്പെടന്ന ബദേർവാഹ്. ഹിമാലയത്തിന്റെ താഴ്വരയിൽ പുൽമേടുകളും അരുവികളും കാടും ഒക്കെയായി കിടക്കുന്ന ബദേർവാഹ് നഗരത്തിന്റെ എല്ലാ തിരക്കുകളിലും നിന്ന് മാറിക്കിടക്കുന്ന നാടാണ്. സാഹസിക സഞ്ചാരികളെ ഇരുകയ്യും നീട്ടി സ്വാഗതം ചെയ്യുന്ന ബദേർവാഹ് തീർച്ചയായും അറിഞ്ഞിരിക്കേണ്ട ഒരു നാട് തന്നെയാണ്. കാഴ്ചകളിലെ അത്ഭുതങ്ങളുമായി കാത്തിരിക്കുന്ന ബദേർവാഹിനെക്കുറിച്ചറിയാം... കാശ്മീരിലെ അത്ഭുതങ്ങളിലൊന്നായ നഗരമാണ് ബദേർവാഹ്. ഡോഡ ജില്ലയിൽ സ്ഥിതി ചെയ്യുന്ന ബന്ദേർവാഹ് ഹിമാലയൻ പർവ്വത നിരകളുടെ താഴ്വാരത്തിലാണുള്ളത്. ഈ നാടിന് നാഗങ്ങളുടെ നാട് എന്നൊരു പേരുകൂടിയുണ്ട്. നാഗ് കീ ഭൂമി എന്നു വിളിക്കപ്പെടുന്ന ഇവിടെ വ്യത്യസ്ത തരത്തിലുള്ള പാമ്പുകളെ കാണാൻ സാധിക്കുമത്രെ...PC:The Chenab Times കാശ്മീരിൽ സാഹസിക കാര്യങ്ങൾക്ക് പേരുകേട്ടിരിക്കുന്ന ഇവിടെ ഇതിനു മാത്രമായും സഞ്ചാരികൾ എത്തിച്ചേരാറുണ്ട്. എന്നാൽ ജമ്മു സിറ്റിയിൽ നിന്നും 205 കിലോമീറ്റർ അകലെ സ്ഥിതി ചെയ്യുന്നതിനാൽ ഇവിടേക്ക് എത്തുന്ന ആളുകളുടെ എണ്ണം കുറവാണ്.PC:Sap Thakur എപ്പോൾ ഇവിടെ എത്തിയാലും ആസ്വദിക്കുവാനുള്ള കാര്യങ്ങൾ ഒരുപാടുണ്ട്. മഞ്ഞുകാലത്ത് എത്തിയാൽ താഴ്വരകളിലൂടെ അടിപൊളി സ്കീയിങ്ങാണ് ആകർഷണം. ഇനി യാത്ര വേനലിലായാലും വിഷമിക്കേണ്ട. ആ സമയത്ത് പാരാഗ്ലൈഡിങ്ങാണ് താരം. ഇതിലൊന്നും താല്പര്യമില്ലാത്തവർക്ക് കുതിര സവാരിയ്ക്കും അവസരമുണ്ട്. റോക്ക് ക്ലൈംബിങ്, ട്രക്കിങ്ങ്, ഹൈക്കങ്ങ് തുടങ്ങിയ കാര്യങ്ങൾക്കും ഇവിടെ സൗകര്യമുണ്ട്.PC:KaranKapoor1314 ഇവിടുത്തെ മനംമയക്കുന്ന ഭൂപ്രകൃതിയും കാഴ്ചകളും ഒക്കെക്കൊണ്ട് പ്രകൃതി സൗന്ദര്യത്തിന്റെ പര്യായമായാണ് ആളുകൾ ഈ നാടിനെ കാണുന്നത്. കാശ്മീർ യാത്രയിൽ സമയവും സൗകര്യവും അനുവദിക്കുകയാണെങ്കിൽ ഇവിടെ തീർച്ചയായും പോയിരിക്കണം. ചെനാബ് നദിയുടെ ഒഴുക്കിൽ രൂപപ്പെട്ടിരിക്കുന്ന ചിന്&zwj;ടാ വാലിയാണ് ഇവിടെ ബദേർവാഹിൽ എത്തിയാൽ കണ്ടിരിക്കേണ്ട കാഴ്ച. സമുദ്ര നിരപ്പിൽ നിന്നും 6500 അടി ഉയരത്തിൽ സ്ഥിതി ചെയ്യുന്ന ഇവിടം ഒട്ടേറെ കാഴ്ചകൾ കൊണ്ട് സമ്പന്നമാണ്. പുരാതനങ്ങളായ ക്ഷേത്രങ്ങൾ,കുതിര സവാരിയ്ക്കുള്ള ഇടങ്ങൾ, വ്യൂ പോയിന്റുകൾ തുടങ്ങിയവ ഇവിടെയുണ്ട്. ബദേർവാഹിൽ നിന്നും 40 കിലോമീറ്റർ അകലെ സ്ഥിതി ചെയ്യുന്ന പാഡ്രിയാണ് ഇവിടെ സന്ദർശിക്കേണ്ട മറ്റൊരിടം. സമുദ്ര നിരപ്പിൽ നിന്നും 10500 അടി ഉയരത്തിൽ സ്ഥിതി ചെയ്യുന്ന ഇവിടം മഞ്ഞുവീഴ്ചയ്ക്ക് പേരുകേട്ട സ്ഥലമാണ്. ജൂൺ പകുതിയാകുമ്പോഴേയ്ക്കും 5 മീറ്റർ ഉയരത്തിലൊക്കെ മഞ്ഞു വീണു കിടക്കുന്നത് ഇവിടുത്തെ സ്ഥിരം കാഴ്ചയാണ്. സ്കീയിങ്ങിനും പാരാഗ്ലൈഡിങ്ങിനും പാഡ്രി പ്രശസ്തമാണ്. ജൂലൈയിൽ നടക്കുന്ന മണി മഹേഷ് തീർഥാടന യാത്ര കടന്നു പോകുന്ന ഇടമെന്ന നിലയിലും ഇവിടം പ്രശസ്തമാണ് റോക്ക് ക്ലൈംബിങ്ങ്, വെള്ളച്ചാട്ടം തുടങ്ങി കാഴ്ചകൾ കൊണ്ട് സമ്പന്നമാണ് ജയ് വാലി. അവധി ദിവസങ്ങൾ ചിലവഴിക്കവാൻ ആഗ്രഹിക്കുന്നവരാണ് ഇവിടെ എത്തിച്ചേരുന്നവരിൽ അധികവും. ചംബ രാജാക്കന്മാരുടെയും ബദേർവാഹ് രാജാക്കന്മാരുടെയും ഇന്നും നിലനിൽക്കുന്ന അടയാളമാണ് ഇവിടുത്തെ ബദേർവാഹ് കോട്ട. 1733 ൽ നിർമ്മിക്കപ്പെട്ട ഇത് 1919 ൽ ഒരു ജയിലാക്കി മാറ്റുകയായിരുന്നു.