ഏത് മദാമ്മയ്ക്കും പശുവിനെ കറക്കാം!

പശുവിനെ കറക്കാൻ അറിയാമോ?

എന്താണ് ഫാമിംഗ് എന്ന് അടുത്തറിയാം. ഫാമിംഗുമായി ബന്ധപ്പെട്ട എല്ലക്കാര്യങ്ങളും നിങ്ങൾക്ക് ഇവിടെ ചെന്നാൽ അറിയാം കഴിയും. തൊഴുത്ത് വൃത്തിയാക്കുന്നത് മുതൽ കന്നുകാലികൾക്ക് തീറ്റകൊടുക്കുന്നത് വരെയുള്ള ഫാമിംഗുമായി ബന്ധപ്പെട്ട കര്യങ്ങളെല്ലാം നിങ്ങൾക്ക് അനുഭവിച്ച് അറിയാം. ഇതുകൂടാതെ പുൽതകിടികളിലൂടെ കന്നുകാലികളേ മേയ്ക്കാം. പശുക്കളെ കറക്കാം. മാത്രമല്ല സീസൺ അനുസരിച്ച്, നിങ്ങൾക്ക് ‌കൃഷി ചെയ്യുന്നതും വിതയ്ക്കുന്നതും കൊയ്യുന്നതുമൊക്കെ നേരിൽകാണാം. ഇതൊന്നും കണ്ടിട്ടില്ലാത്ത നിങ്ങളുടെ മക്കൾക്ക് ഇത് ഒരു പുതിയ അനുഭവം ആയിരിക്കും.

കാളവണ്ടി യുഗം

കാളവണ്ടി യുഗം എന്ന ഒരു പ്രയോഗം നമ്മുടെ നാട്ടിൽ ഇല്ലേ? വികസനങ്ങളോന്നും എത്തി നോക്കാത്തകാലഘട്ടത്തെ സൂചിപ്പിക്കാനാണ് ഇങ്ങനെ ഒരു പ്രയോഗം. പക്ഷെ, മലിനീകരിക്കപ്പെട്ട നഗരജീവിതത്തിനിടയിൽ ചിലർക്കെങ്കിലും കാളവണ്ടി യുഗത്തിലേക്ക് തിരികേ പോകാൻ ആഗ്രഹം കാണും. പക്ഷെ അത് ഒരിക്കലും സാധ്യമാകുന്ന കാര്യമല്ല. എന്നാൽ നിങ്ങൾക്ക് വേണമെങ്കിൽ ഒരു കാളവണ്ടിയിൽ യാത്ര ചെയ്യാം. അതിനും ഈ റിസോർട്ടിൽ അവസരമുണ്ട്.

ഗ്രാമീണമായ ആ പ്രണയം

ദിവ്യമായ നിങ്ങളുടെ ആ പ്രണയം നഗരത്തിരക്കുൾക്കിടയിൽ നിങ്ങൾക്ക് നഷ്ടപ്പെട്ടെന്ന് തോന്നുന്നുണ്ടോ, എങ്കിൽ അത് വീണ്ടെടുക്കാൻ നിങ്ങളുടെ പങ്കാളിയോടൊപ്പം ഇവിടെ വരാം. പ്രണയത്തിന്റെ ഒരു പുതുവസന്തം സൃഷ്ടിക്കാൻ ഇത് ഉപകരിക്കും. കിളികൾ തന്റെ ഇണകളെ ആകർഷിക്കാൻ മധുരമായി ചൂളം വിളിക്കുന്നത് കേട്ടുകൊണ്ട്, നിങ്ങൾക്ക് നിങ്ങളുടെ പങ്കാളിയെ പ്രണയിക്കാം.

ആനന്ദം നിറയട്ടെ

ഈ റിസോർട്ടിൽ എത്തിച്ചേരുന്നവർക്ക് എൻജോയ് ചെയ്യാൻ നിരവധി കാര്യങ്ങൾ ഇവിടെ ഒരുക്കിയിട്ടുണ്ട്, നമ്മൾ മറന്നുപോയ പല ഗ്രാമീണ കളികൾക്കും ഇവിടെ അവരമുണ്ട്. പട്ടം പറത്താൽ, പമ്പരം കറക്കൽ, സൈക്കിൾ ടയർ ഓടിക്കൽ തുടങ്ങി എത്രയെത്ര വിനോദങ്ങൾ ഉണ്ടായിരുന്നു നമ്മുടെ കുട്ടിക്കാലത്ത് അവയൊക്കെ ഈ റിസോർട്ടിൽ വന്ന് ഒരിക്കൽ കൂടി ആസ്വദിക്കാം.

ആയുർവേദിക് സ്പാ

ആനന്ദത്തോടൊപ്പം ആരോഗ്യകാരങ്ങളിലും നിങ്ങൾക്ക് താൽപര്യമുണ്ടെങ്കിൽ ഇവിടെ അതിന് പറ്റിയ ഒരു സ്പായും പ്രവർത്തിക്കുന്നുണ്ട്. നിങ്ങളുടെ സമയത്തിനും ബജറ്റിനും അനുസരിച്ച് നിരവധി പാക്കേജുകൾ ഇവിടെ ലഭ്യമാണ്. എന്താ, ഒരു ഗ്രാമീണ അനുഭവത്തിന് നിങ്ങൾക്ക് ഇവിടെ ഒന്ന് പോയിനോക്കി കൂടേ!

വിവരങ്ങൾക്കും ചിത്രങ്ങൾക്കും കടപ്പാട് - www.ournativevillage.com