തടാകത്തിലൂടെ ഒഴുകി നീങ്ങുന്ന ദ്വീപുകൾ

01. ഇംഫാ‌ലിൽ നിന്ന്

മണിപ്പൂരിന്റെ തലസ്ഥാനമായ ഇംഫാലിൽ നിന്ന് 48 കിലോമീറ്റർ അകലെയായാണ് ലൊക് ടാക് തടാകം സ്ഥിതി ചെയ്യുന്നത്. നോർത്ത് ഈസ്റ്റിലെ ഏറ്റ‌വും വലിയ ശുദ്ധ ജലതടാകമാണ് ഈ തടാകം. ഇംഫാലില്‍ നിന്ന് ബസ്സുകളും ടാക്സികളും ഇവിടെയ്ക്ക് സർവീസ് നടത്തുന്നുണ്ട്.
Photo Courtesy: Harvinder Chandigarh

02. കെയ്ബുള്‍ ലംജാവോ പാര്‍ക്ക്

ജലോപരിതലത്തില്‍ പൊങ്ങിക്കിടക്കുന്ന ലോകത്തിലെ ഏറ്റവും വലിയ പാര്‍ക്കെന്ന് അറിയപ്പെടുന്ന കെയ്ബുള്‍ ലംജാവോ പാര്‍ക്ക് ഈ കായലിന്റെ തെക്കേ തീരത്തായാണ് വിലയിക്കുന്നത്.
Photo Courtesy: Harvinder Chandigarh

03. ഫ്ലോട്ടിംങ് ലേക്ക്

ലോകത്താകെയായി ഈയൊരു തടാകം മാത്രമാണ് ഫ്ലോട്ടിംങ് ലേക്ക് എന്നറിയപ്പെടുന്നത്. ജലോപരിതലത്തില്‍ പൊന്തിക്കിടക്കുന്ന ഇത്തരം ചെറുദ്വീപുകളിലാണ് ഇവിടത്തെ അനേകം ഗ്രാമവാസികളായ മീന്‍ പിടുത്തക്കാര്‍ ഉപജീവനം കണ്ടെത്തുന്നത്.
Photo Courtesy: Kishalaya Namaram

04. ഫുംടി

ഫുംടി എന്നാണ് ഈ ദ്വീപുകള്‍ അറിയപ്പെടുന്നത്. മീന്‍ വളര്‍ത്തുന്നതിനായി ചിലപ്പോള്‍ കൃത്രിമമായും ഇത്തരം ദ്വീപുകള്‍ കെട്ടിയുണ്ടാക്കാറുണ്ട്.
Photo Courtesy: Sudiptorana

05. സെണ്ട്ര ദ്വീപ്

സെണ്ട്ര ദ്വീപ് സന്ദര്‍ശിക്കാതെ ലോക് ടാക് സന്ദര്‍ശനം പൂര്‍ണ്ണമാവില്ല. ഈ തടാകത്തിലെ സന്ദര്‍ശക പ്രാധാന്യമുള്ള ഒരു ചെറുദ്വീപാണിത്. ദേശവാസികള്‍ക്കും സഞ്ചാരികള്‍ക്കും ഒരുപോലെ പ്രിയങ്കരമാണ് പ്രകൃതി സൗന്ദര്യത്തിന്റെ മൂര്‍ത്തീഭാവമായ ഈ കൊച്ചുദ്വീപ്.
Photo Courtesy: Mongyamba

06. ബോട്ടിങ്

ബോട്ടിംങിന് പുറമെ വേറെയും വിനോദോപാധികള്‍ ഇവിടെയുണ്ട്. സെണ്ട്ര ടൂറിസ്റ്റ് ഹോമിലെ കഫത്തേരിയ ഈ ദ്വീപിലെ ഒരു പ്രധാന ആകര്‍ഷണമാണ്.
Photo Courtesy: ch_15march

07. കാഴ്ചകൾ

പൊന്തിക്കിടക്കുന്ന ചതുപ്പ് നിലങ്ങളും നീലജലാശയവും ജലോപരിതലത്തില്‍ പൊങ്ങ്തടികള്‍ പോലെ കിടക്കുന്ന ഡസന്‍ കണക്കിന് വള്ളങ്ങളുടെയും മനോഹരമായ ദൃശ്യം ഇവിടെനിന്ന് നോക്കിക്കാണാം.
Photo Courtesy: ch_15march

08. ദേശാടന പക്ഷികൾ

ഈ കായലിന്റെ മനോജ്ഞമായ സമഗ്രവീക്ഷണവും ഇവിടെ നിന്ന് സാദ്ധ്യമാണ്. സ്വദേശികളും ദേശാടനക്കാരുമായ ഒരുപാട് പക്ഷികളുടെ അഭയാലയം എന്ന നിലയില്‍ വിവിധയിനം പക്ഷികളെയും സന്ദര്‍ശകര്‍ക്ക് ഇവിടെ കാണാനാവും.
Photo Courtesy: ch_15march