Click it and Unblock the Notifications
ഇന്ത്യയിലെ ഏറ്റവും വലിയ ആഘോഷങ്ങളിലൊന്നായ ഹോളിയും നമ്മുടെ രാജ്യത്തിന്റെ വൈവിധ്യങ്ങള് പോലെ തന്നെ ഓരോ ഇടത്തും വ്യത്യാസപ്പെട്ടിരിക്കുന്നു. ഓരോ സ്ഥലങ്ങളിലും അവിടുത്തെ വിശ്വാസങ്ങളും ഭൂമിശാസ്ത്രപരമായ പ്രത്യേകതകളും എല്ലാം കണക്കാക്കി മാറ്റങ്ങള് കാണാന് സാധിക്കും. മിക്ക ഇടങ്ങളിലും ഹോളി വിശ്വാസങ്ങള് കൃഷ്ണ കഥകളുമായി ചേര്ന്നു കിടക്കുന്നു. എന്നാല് ചുരുക്കം ചില ഇടങ്ങളില് ഹിരണ്യകശിപുവും വസന്തത്തിന്റെ ആരംഭവുമെല്ലാം ഹോളി വിശ്വാസങ്ങളുടെ ഭാഗമാണ്. വ്യത്യസ്തമായ രീതിയില് ഹോളി ആഘോഷിക്കുന്ന ഇന്ത്യയിലെ ചില ഇടങ്ങള് പരിചയപ്പെടാം...
ലാത്മാര് ഹോളി, ഉത്തര് പ്രദേശ്
യോഷാങ്, മണിപ്പൂർ
ലാത്മാര് ഹോളി നമുക്ക് പരിചിതമാണ്. എന്നാല്, ഇന്ത്യയിലെ തീര്ത്തും വൈവിധ്യമാര്ന്ന ഹോളി ആഘോഷം മണിപ്പൂരിലാണ്. ആഘോഷം എന്നതിലുപരിയായി പുതിയ ഒരു സംസ്കാരം പരിചയപ്പെടുവാനുള്ള അവസരമാണ് യോഷാങ് ആഘോഷം നമുക്ക് നല്കുക. മണിപ്പൂരിന്റെ ഹോളി ആഘോഷമാണ് യോഷ്ങ് എന്നറിയപ്പെടുന്നത്. ലാംഡയിലെ ആദ്യത്തെ പൗർണ്ണമി ദിനത്തിലാണ് ഇത് ആരംഭിക്കുന്നത്. മണിപ്പൂരി സംസ്കാരത്തെ എളുപ്പത്തില് പരിചയപ്പെടുവാനുള്ള അവസരമാണത് നല്കുന്നത്.
ഡോലാ പൂര്ണ്ണിമ, ഒഡീഷ
ഡോൾ ജാത്ര, പശ്ചിമ ബംഗാൾ
പശ്ചിമ ബംഗാളിൽ ഹോളി അറിയപ്പെടുന്നത് ഡോൾ എന്നാണ്. പരസ്പരം നിറങ്ങള് എറിയുന്നതില് കൂടുതലായി ഒന്നുമില്ലെങ്കില് കൂടിയും തെരുവുകളില് ഇറങ്ങി ആളുകള് ഇത് ആഘോഷിക്കുന്ന കാഴ്ച കാണേണ്ടതു തന്നയാണ്. ശാന്തിനികേതൻ പട്ടണത്തിൽ ഇതില് നിന്നും വ്യത്യസ്തമായി ഒരു ഹോളി ആഘോഷം കാണുവാന് സാധിക്കും, ബസന്ത ഉത്സബ് എന്ന പേരിൽ അറിയപ്പെടുന്ന ഇത് വസന്തത്തിന്റെ വരവ് ആഘോഷിക്കുന്ന ഈ ഉത്സവം ആദ്യമായി ആരംഭിച്ചത് രവീന്ദ്രനാഥ ടാഗോറാണ്.
