Search
  • Follow NativePlanet
Share
» »ഒഴുകുന്ന വീടുകളിലെ താമസവും പര്‍വ്വതങ്ങള്‍ക്കിടയിലെ ഗ്രാമവും... വിയറ്റ്നാം ഒരുക്കുന്ന അതിശയ അനുഭവങ്ങള്‍

ഒഴുകുന്ന വീടുകളിലെ താമസവും പര്‍വ്വതങ്ങള്‍ക്കിടയിലെ ഗ്രാമവും... വിയറ്റ്നാം ഒരുക്കുന്ന അതിശയ അനുഭവങ്ങള്‍

മുന്നോട്ട് നോക്കിക്കാണുവാന്‍ ശോഭനമായ ഒരു ഭാവിയില്ലാതെ, തിരിഞ്ഞു നോക്കുമ്പോള്‍ നിരാശ മാത്രം നല്കുന്ന ഭൂതകാലമുള്ള ജീവിതത്തില്‍ നിന്നും ഉയര്‍ത്തെഴുന്നേറ്റ നാടാണ് വിയറ്റ്നാം. ഇല്ലാതായ ചരിത്രത്തെയും സംസ്കാരത്തെയും തിരികെ പി‌ടിക്കുവാനുള്ള ജീവിതമാണ് ഇന്ന് ഓരോ വിയറ്റ്നാം പൗരന്‍റേതും. പ്രകൃതിയോട് ചേര്‍ന്നു നില്‍ക്കുന്ന ജീവിതരീതികളിലൂടെ മുന്നേറുന്ന വിയറ്റ്നാം ഇന്ന് സഞ്ചാരികളുടെ പ്രിയപ്പെട്ട നാ‌ടാണ്.

തെക്കുപടിഞ്ഞാറന്‍ ഏഷ്യയിലെ ഏറ്റവും ചിലവ് കുറഞ്ഞ രാജ്യം എന്നു വിളിക്കപ്പെടുന്ന ഇവി‌ടേയ്ക്കുള്ള യാത്രയും മറ്റു ചിലവുകളും മറ്റു രാജ്യങ്ങളെ അപേക്ഷിച്ച് വളരെ കുറവായതിനാല്‍ അന്താരാഷ്ട്ര സഞ്ചാരികളുടെ പ്രിയ ഇ‌ടമായി വിയറ്റ്നാം മാറിയിട്ടുണ്ട്. പട്ടണങ്ങളിലെ തിരക്കുകളും കാഴ്ചകളും കാണാനെത്തുന്നവരല്ല, ഗ്രാമീണ ജീവിതവും വിയറ്റ്നാം രീതികളുമാണ് ഇവിടേക്ക് സഞ്ചാരികളെ ആകര്‍ഷിക്കുന്നത്...

കാത്തിരിക്കുന്ന ഗ്രാമങ്ങള്‍

കാത്തിരിക്കുന്ന ഗ്രാമങ്ങള്‍

ആധുനിക വിയറ്റ്നാമിനെ അറിയേണ്ടവര്‍ക്ക് ഹനോയിയും സയ്ഗണും ഒക്കെ പോയാല്‍ മതിയാവും. എന്നാല്‍ വിയറ്റ്്നാം എന്താണെന്നും അവരുടെ ജീവിതരീതികളും പാരമ്പര്യങ്ങളും അറിയണമെങ്കില്‍ യാത്ര പിന്നെയും മുന്നോട്ട് പോകണം... കുറഞ്‍ത് ഒരു പതിറ്റാണ്ടെങ്കിലും പിന്നോട്ട് എത്തിക്കുന്ന കാഴ്ചകളാണ് ഇവിടുത്തെ ഗ്രാമങ്ങളില്‍ സഞ്ചാരികളെ കാത്തിരിക്കുന്നത്.

ഡുവോംഗ് ലാം ഗ്രാമം ഹനോയി

ഡുവോംഗ് ലാം ഗ്രാമം ഹനോയി

ആയിരത്തോളം വര്‍ഷത്തെ ചരിത്രമുള്ള പുരാതനമായ വിയറ്റ്നാമീസ് ഗ്രാമമാണ് ഡുവോംഗ് ലാം . തീര്‍ത്തും സാധാരണമായ വിയറ്റ്നാമീസ് കാഴ്ചകള്‍ നല്കുന്ന ഡുവോംഗ് ലാം ഹനോയിയില്‍ നിന്ന് 45 കിലോമീറ്റർ പടിഞ്ഞാറായി സ്ഥിതിചെയ്യുന്നു. വിയറ്റ്നാമീസ് ചരിത്രത്തെയും സംസ്കാരത്തെയും കുറിച്ച് അറിയാനുള്ള നല്ലൊരു സ്ഥലമാണ് ഡുവോംഗ് ലാം.

കണ്ടറിയണം

കണ്ടറിയണം

കിംഗ് എൻ‌ഗോ ക്വീൻ, കിംഗ് ഫംഗ് ഹംഗ് എന്നീ രണ്ട് ദേശീയ നായകന്മാരുടെ ജന്മസ്ഥലമാണിത്. വിയറ്റ്നാമിന്റെ തനി നാടന്‍ കാഴ്ചകളും ജീവിത രീതികളും പണികളും ഒക്കെ നേരിട്ട് കണ്ട് പരിചയപ്പെടുവാനും ഗ്രാമത്തിലൂടെ നടന്ന് കാഴ്ചകള്‍ കാണുവാനും ആസ്വദിക്കുവാനുമെല്ലാം ഇവിടെ സൗകര്യമുണ്ട്.

ബാൻ പോം കൂംഗ്

ബാൻ പോം കൂംഗ്

ഹാനോയിനു സമീപമുള്ള മായ് ചൗ ജില്ലയിലാണ് ബാൻ പോം കൂംഗ് എന്ന അ‌ടുത്ത ഗ്രാമം സ്ഥിതി ചെയ്യുന്നത്. ഹനോയിയിൽ നിന്ന് 4 മണിക്കൂർ യാത്രയുണ്ട് ഇവിടേക്ക്. വിയറ്റ്നാമിന്റെ വടക്ക് ഭാഗത്തുള്ള പർവതങ്ങൾക്കിടയിലാണ് ഈ ഗ്രാമം സ്ഥിതിചെയ്യുന്നത്, തായ് ജനതയാണ് ഇവിടെ താമസിക്കുന്നത്. സമൃദ്ധമായ ഭൂപ്രകൃതിയും ശാന്തമായ അന്തരീക്ഷവുമുള്ള ഇവി‌‌‌‌ടം വിയറ്റ്നാം യാത്രയില്‍ തീര്‍ച്ചയായും കാണേണ്ട ഇടം തന്നെയാണ്.

സഞ്ചാരികള്‍ക്കായി‌

സഞ്ചാരികള്‍ക്കായി‌

വിയറ്റ്നാമിന്റെ പരമ്പരാഗത കാഴ്ചകളെ വിനോദ സഞ്ചാര തലത്തിലേക്ക് ഉയര്‍ത്തിയ ഗ്രാമമാണിത്. അടുത്തിടെ, നിരവധി ഗ്രാമീണർ ഹോംസ്റ്റേകൾക്കായി വീടുകൾ തുറക്കുകയും കരൗ ശല വസ്തുക്കൾ സുവനീർ, ഗംഭീരമായ എംബ്രോയിഡറി ബാഗുകൾ, ബ്രോക്കേഡ് ഉൽപ്പന്നങ്ങൾ തു‌ടങ്ങിയവ സഞ്ചാരികള്‍ക്കായി ഇവി‌ടെ ഒരുക്കുകയും ചെയ്യുന്നു. പരമ്പരാഗത സംഗീത പ്രകടനങ്ങൾ സഞ്ചാരികള്‍ക്കായി ഇവി‌ടെ നടത്തുന്നു.സിലിണ്ടറുകളിൽ പാകം ചെയ്യുന്ന സ്റ്റിക്കി റൈസ്, പ്രാദേശികമായി മാത്രം ലഭ്യമാകുന്ന ലഹരി പാനീയം, വീഞ്ഞ് എന്നിവയെല്ലാം ഇവി‌ടെ സഞ്ചാരികള്‍ക്കായി തയ്യാറാണ്.

അനുഭവിച്ചറിയാം

അനുഭവിച്ചറിയാം

കൈകൊണ്ട് നിർമ്മിച്ച സ്കാർഫുകൾ, പേഴ്‌സ്, കോയിൻ പഴ്സുകൾ, മറ്റ് തുണിത്തരങ്ങൾ തുടങ്ങിയവ വില പേശാത ഇവിടെ നിന്നും സ്വന്തമാക്കാം. പോം കൂംഗ് ഗ്രാമം സന്ദർശിക്കുന്ന സഞ്ചാരികൾക്ക് പ്രാദേശിക ആതിഥേയ കുടുംബങ്ങളുമൊത്തുള്ള ഹോം സ്റ്റേകളില്‍ താമസിച്ച് അവരോടൊപ്പം വീട്ടിൽ ഭക്ഷണം ആസ്വദിക്കാനും പരമ്പരാഗത ഗാനത്തിലും നൃത്ത പരിപാടികളിലും പങ്കെടുക്കുവാന്‍ അവസരമുണ്ട്.

 കാം തൻ ഇക്കോ വില്ലേജ്

കാം തൻ ഇക്കോ വില്ലേജ്

തു ബോൺ നദിയുടെ തീരത്ത് മഞ്ഞനിറത്തിലുള്ള മതിൽ വേര്‍തിരിക്കുന്ന വീടുകളാൽ സമ്പന്നമായ ഹോയി ആൻ വിയറ്റ്നാമില്‍ കുറച്ച് ദിവസങ്ങൾ ചെലവഴിക്കാനുള്ള ഒരു സ്ഥലമാണ്. പട്ടണത്തിനും ക്യൂ ഡായ് ബീച്ചിനുമിടയിൽ പാതിവഴിയിൽ കാം താനിലെ ഇക്കോ-വില്ലേജ് സ്ഥിതിചെയ്യുന്നു, അവിടെ നിങ്ങൾക്ക് പ്രകൃതിയോടൊപ്പം വിശ്രമിക്കാൻ കഴിയും. വിയറ്റ്നാമിലെ ഗ്രാമപ്രദേശങ്ങളിലെ മറ്റേതൊരു ഗ്രാമീണ ഗ്രാമത്തെയും പോലെ, ശുദ്ധവായു ആസ്വദിക്കാനോ ബൈക്ക് ഓടിക്കാനോ പ്രദേശവാസികളുടെ ദൈനംദിന ജീവിതം കാണാനോ ഉള്ള മികച്ച സ്ഥലമാണിത്. യുദ്ധകാലത്ത്, ഈ പ്രദേശം വിയറ്റ്നാമീസ് സൈനികരുടെ സങ്കേതമായി ഉപയോഗിച്ചു. ഇക്കാലത്ത്, യാത്രക്കാർക്ക് ബോട്ടിൽ ഈന്തപ്പനകളുടെ ഇടയിലൂടെ ജലപാതകൾ കണ്ടെത്താൻ കഴിയും.

വംഗ് വിയംഗ് ഫിഷിംഗ് വില്ലേജ്

വംഗ് വിയംഗ് ഫിഷിംഗ് വില്ലേജ്

വിയറ്റ്നാമിൽ താമസിക്കുമ്പോൾ നിങ്ങൾക്ക് പലതരം ജീവിതരീതികൾ കാണാൻ കഴിയും. ശ്രദ്ധേയമായ ഈ ജീവിതശൈലികളിലൊന്ന് ഫ്ലോട്ടിംഗ് വീട്ടിലെ താമസം. ഹാലോംഗ് ബേയിൽ ഫ്ലോട്ടിംഗ് ഗ്രാമങ്ങളില്‍ മത്സ്യത്തൊഴിലാളികളുടെ സമുദായങ്ങൾ ആണ് താമസിക്കുന്നത്, കടലിനടുത്തോ ദ്വീപിലോ അല്ല, മറിച്ച് അവരുടെ ബോട്ടുകളിലും മുളയുടെയും സ്റ്റൈറോഫോമിന്റെയും റാഫ്റ്റുകളിൽ ഒഴുകിയുള്ള ജീവിതമാണ് ഇവര്‍ക്ക് .

അവയിൽ, വിനോദസഞ്ചാരമേഖല അധികം വളരാത്ത ഇ‌ടമാണ് ബായ് തു ലോംഗ് ബേയി. വംഗ് വിയംഗ് ഗ്രാമത്തിലേക്ക് പോകാൻ, നിങ്ങൾക്ക് മാന്ത്രിക ഉൾക്കടലിലൂടെ സഞ്ചരിക്കാൻ അനുവദിക്കുന്ന നിരവധി ഹാലോംഗ് ബേ ക്രൂയിസ് ടൂറുകളിൽ ഒന്ന് ബുക്ക് ചെയ്യാം.

വെള്ളത്തിലെ ജീവിതം

വെള്ളത്തിലെ ജീവിതം

ആയിരക്കണക്കിന് ചുണ്ണാമ്പുകല്ലുകൾക്ക് പേരുകേട്ട ഹാലോംഗ് ബേ ഗ്രാമീണ അനുഭവം പ്രദാനം ചെയ്യുന്നു. ഫ്ലോട്ടിംഗ് വീടുകളുടെ കൂട്ടങ്ങൾ പ്രദേശത്തെ ഫ്ലോട്ടിങ് ഗ്രാമമാക്കി മാറ്റുന്നു. സമുദ്രത്തെ ആശ്രയിച്ചാണ് ഇവരുടെ ജീവിതം. അവർക്ക് എന്തെങ്കിലും ആവശ്യമുണ്ടെങ്കിൽ, അവർ ക്യാറ്റ് ബാ ദ്വീപിലേക്കോ പ്രധാന ഭൂപ്രദേശത്തിലേക്കോ പോകണം. ഒരു ജനറേറ്ററും ഒരു കിണറും മാത്രമാണ് ഇവിടെയുള്ള ഓരോ വീടികാര്‍ക്കും സ്വന്തമായി ഉള്ളത്.

ഫ്ലോട്ടിങ് വീടുകള്‍

ഫ്ലോട്ടിങ് വീടുകള്‍

ഫ്ലോട്ടിങ് വീടുകള്‍

 കാറ്റ് കാറ്റ് വില്ലേജ്

കാറ്റ് കാറ്റ് വില്ലേജ്

വടക്കൻ വിയറ്റ്നാമിലെ ഏറ്റവും പ്രശസ്തമായ ഗ്രാമമാണ് ക്യാറ്റ് ക്യാറ്റ്. സാപ്പയിലെ ഏറ്റവും വലിയ ഗ്രാമങ്ങളിൽ ഒന്നു കൂടിയായ ഇവിടെ സാപ്പ ടൗണില്‍ നിന്നും രണ്ട് കിലോമീറ്റര്‍ ട്രക്കിങ് നടത്തി വേണം എത്തിച്ചേരുവാന്‍. വിയറ്റ്നാമിലെ 54 വംശീയ ന്യൂനപക്ഷങ്ങളിൽ ഒരാളാണ് ക്യാറ്റ് ക്യാറ്റ് ഗ്രാമത്തിന്റെ ഉടമകൾ. അതിമനോഹരമായി സംരക്ഷിക്കപ്പെടുന്ന ഇ‌ടമാണിത്.

അടുക്കളയ്ക്കു ദൈവമുള്ള, മഞ്ഞുപൊഴിയുന്ന ഊഷ്ണമേഖലാ രാജ്യം! ചിലവു കുറഞ്ഞ യാത്രകള്‍ക്കായി വിയറ്റ്നാം

കാടിനു നടുവിലെ ദൈവത്തിന്റെ കരങ്ങളിലെ പാലം.. അത്ഭുതമായി ഈ നിര്‍മ്മിതി

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X