കൊടുംചൂടിൽ യാത്ര ചെയ്യുമ്പോൾ.....!!!

സമ്മർ എസൻഷ്യൽസ്

വേനൽക്കാല യാത്രയിൽ തീർച്ചയായും കരുതിയിരിക്കേണ്ട കാര്യങ്ങള്‍ കുറച്ചധികമുണ്ട്. സമ്മർ എസൻഷ്യൽസ് എന്നാണിത് യാത്രികരുടെ ഇടയിൽ അറിയപ്പെടുന്നത്.
സൺഗ്ലാസുകൾ, ടവ്വൽ, തൊപ്പി, സൺസ്ക്രീൻ, ഹാൻഡ് ഫാൻ തുടങ്ങിയവയാണ് ഈ ലിസ്റ്റിലുള്ളത്.

ബാഗ് പാക്ക് ചെയ്യുമ്പോൾ

ചൂട് കാലത്തുള്ള യാത്രകൾക്കായി ബാഗ് ഒരുക്കുമ്പോൾ ശ്രദ്ധിക്കേണ്ട കാര്യങ്ങൾ പലതുണ്ട്. ഭാരം കുറഞ്ഞതും ഇളം നിറത്തിലുള്ളതുമായ വസ്ത്രങ്ങൾ ധരിക്കുവാൻ ശ്രദ്ധിക്കുക. വായു കടക്കുവാൻ പാകത്തിൽ ഇറുകാത്ത വസ്ത്രങ്ങൾ വേണം തിരഞ്ഞെടുക്കുവാൻ. കോട്ടൺ വസ്ത്രങ്ങളായിരിക്കും യാത്രയിൽ ധരിക്കുവാൻ കൂടുതൽ സുഖകരം.

വയറിനെ ശ്രദ്ധിക്കാം

യാത്രയ്ക്കിടയിൽ ഏറ്റവുമധികം പണി കിട്ടുവാൻ സാധ്യതയുള്ളത് വയറിനാണ്. പണി തരുന്നതാവട്ടെ വെള്ളവും. വഴിയരുകിൽ നിന്നും ഹോട്ടലുകളിൽ നിന്നും അങ്ങനെ എങ്ങനെ എത്തുന്ന വെള്ളവും പണി തരാം, അതിനാൽ യാത്രകളിൽ ക്യാനുകളിൽ വെള്ളം കൊണ്ടുപോകുവാനോ അല്ലെങ്കിൽ പാക്ക് ചെയ്ത വെള്ളം വാങ്ങുവാനോ ശ്രദ്ധിക്കുക.
ഭക്ഷണം കഴിക്കുമ്പോൾ നിലവാരമുള്ള കടകൾ തിരഞ്ഞെടുക്കുക. തുറന്നിരിക്കുന്ന ഭക്ഷണ സാധനങ്ങള്‍ ഒഴിവാക്കുക.

വെള്ളം കുടിക്കുക

യാത്രയിൽ കൃത്യമായ ഇടവേളകളിൽ വെള്ളം കുടിക്കുക. ഇരുചക്ര വാഹനത്തിൽ പോകുമ്പോൾ വണ്ടി നിർത്തി കുടിക്കണം എന്ന കാരണത്താൽ വെള്ളംകുടി ഒഴിവാക്കാതിരിക്കുക. വെയിലിൽ യാത്ര ചെയ്യുമ്പോൾ ഡീ ഹൈഡ്രേഷൻ സംഭവിക്കുവാനുള്ള സാധ്യതകൾ വളരെയധികമുണ്ട്. അതിനിടവരുത്താതെ ശ്രദ്ധിക്കുക.

പ്ലാനിങ്ങ്

ഒരു യാത്രയുടെ ഏറ്റവും വലിയ വിജയം എന്നു പറയുന്നത് അതിന്റെ പ്ലാനിങ്ങ് തന്നെയാണ്, കൃത്യമായ തീരുമാനങ്ങളും കാണേണ്ട സ്ഥലങ്ങളും ഒക്കെ തീരുമാനിച്ച് യാത്ര പുറപ്പെടുക. പകൽ സമയം സ്ഥലം കാണാനും വിശ്രമിക്കുവാനുമായി മാറ്റി വയ്ക്കുക. നല്ല റോഡുകളാണെങ്കിൽ രാത്രിയിൽ യാത്ര ചെയ്യാം.
പുലർച്ചെ യാച്ര തുടങ്ങി വെയിൽ കൂടുമ്പോഴയ്ക്കും അവസാനിപ്പിക്കുന്ന രീതിയിൽ പ്ലാൻ ചെയ്താലും നല്ലതായിരിക്കും.

ഫസ്റ്റ് എയ്ഡ് കിറ്റ്

ഏതു യാത്രയാമെങ്കിലും ഏതു സമയത്താണെങ്കിലും ഒരു ഫസ്റ്റ് എയ്ഡ് കിറ്റ് കരുതുവാൻ ശ്രദ്ധിക്കുക. വെള്ളം കടക്കാത്ത രീതിയിൽ വേണം ഇത് പാക്ക് ചെയ്ത് സൂക്ഷിക്കുവാൻ.

ബൈക്ക് യാത്രികർ ശ്രദ്ധിക്കുവാൻ

വേനൽക്കാലങ്ങളിൽ ബൈക്കിൽ യാത്ര ചെയ്യുന്നവരാണ് കൂടുതൽ ശ്രദ്ധിക്കേണ്ടത്. കൈകൾ സംരക്ഷിക്കുവാൻ ഇളം നിറത്തിലുള്ള പ്രൊട്ടക്ഷൻ ഗ്ലൗസുകൾ ധരിക്കുക.
കണ്ണുകളുടെ സംരക്ഷണത്തിനായി സണ്‍ഗ്ലാസും ചർമ്മസംരക്ഷണത്തിനായി സണ്‍ സ്ക്രീനുകളും ഉപയോഗിക്കുക.
ഹെൽമറ്റ് ധരിക്കുന്നതിനു മുൻപ് ഒരു ുതണി ഉപയോഗിച്ച് തല നന്നായി മൂടിക്കെട്ടിയാൽ വിയർപ്പും ചൂടും തലയിൽ തങ്ങി നിൽക്കാതിരിക്കും.