അന്താരാഷ്ട്ര വനിതാ ദിനാഘോഷങ്ങളുടെ ഭാഗമായി വ്യത്യസ്തങ്ങളായ ആഘോഷങ്ങളും കിഴിവുകളും യാത്രാ പാക്കേജുകളും ഒക്കെ മിക്ക കമ്പനികളും ഒരുക്കിയിട്ടുണ്ട്. ഇപ്പോഴിതാ, മഹാരാഷ്ട്രാ ടൂറിസം കോര്പ്പറേഷന് വനിതകള്ക്കും അവരുടെ കുടുംബാംഗങ്ങള്ക്കും വിനോദ സഞ്ചാരത്തിന്റെ ഭാഗമായുള്ള താമസ ചെലവിൽ 50 ശതമാനം കിഴിവ് പ്രഖ്യാപിച്ചിരിക്കുകയാണ്.
ടൂറിസം മന്ത്രി ആദിത്യ താക്കറെയാണ് ഈ ഓഫർ പ്രഖ്യാപിച്ചത്. താമസ സൗകര്യങ്ങള്ക്കു മാത്രമാണ് കിഴിവുകള് അനുവദിച്ചിരിക്കുന്നത്. റെസ്റ്റോറന്റുകളിലെ പ്രഭാതഭക്ഷണത്തിനും ഉച്ചഭക്ഷണത്തിനും അത്താഴത്തിനും ഇത് ബാധകമല്ല
മഹാരാഷ്ട്രാ ടൂറിസം കോര്പ്പറേഷനു കീഴിവുലള്ളഹോട്ടലുകളിലും റിസോര്ട്ടുകളിലും മാര്ച്ച് ആറു മുതല് പത്ത് വരെ എത്തുന്ന സ്ത്രീകള് ഉള്പ്പെടുന്ന സംഘത്തിനാണ് പരിഗണനയുള്ളത്.
വനിതാ അതിഥികൾക്കുള്ള 50 ശതമാനം റിസർവേഷൻ കിഴിവിൽ സുതാര്യത ഉറപ്പാക്കാൻ ടൂറിസ്റ്റ് അക്കമഡേഷൻ മാനേജർമാർക്ക് ആവശ്യമായ പ്രൊമോ കോഡുകൾ ടൂറിസം വകുപ്പിന്റെ ഐടി ബ്രാഞ്ച് വെബ്സൈറ്റിൽ നൽകിയിട്ടുണ്ടെന്ന് അധികൃതർ പറഞ്ഞു.
റൂം ബുക്കിങ്ങിന് 50 ശതമാനം കിഴിവും കോംപ്ലിമെന്ററി ഡിന്നറും..വനിതാദിന ഓഫറുകളുമായി കെടിഡിസി
എന്നാല് കോർപ്പറേഷൻ വാടകയ്ക്കെടുത്ത ടൂറിസ്റ്റ് താമസങ്ങൾക്ക് പ്രൊമോ കോഡുകൾ ബാധകമല്ലെന്ന് പൂനെ എംടിഡിസി റീജിയണൽ മാനേജർ ദീപക് ഹരനെ പറഞ്ഞു. കൂടാതെ, ഈ ഇളവുകൾ റൂം റിസർവേഷനുകൾക്ക് മാത്രമേ സാധുതയുള്ളൂ, അധിക കിടക്കകൾക്കും കോൺഫറൻസ് ഹാളുകൾക്കും പുൽത്തകിടികൾക്കും ഇവ ബാധകമല്ലെന്നും ഉദ്യോഗസ്ഥർ അറിയിച്ചു.
സൂര്യരാശിയനുസരിച്ച് മാര്ച്ചില് യാത്ര ചെയ്യേണ്ട ഇടങ്ങള് ഇവയാണ്!!