ഗവി പോലെ സുന്ദരമാണ് കക്കാടംപൊയില്‍!

കെ എസ് ആര്‍ ടി സി യാത്ര

നിലമ്പൂരില്‍ നിന്ന് തിരുവമ്പാടിയിലേക്കുള്ള കെ എസ് ആര്‍ ടി സി ബസ് കക്കാടംപൊയില്‍ വഴിയാണ് യാത്ര ‌പോകുന്നത്. സഞ്ചാരികളില്‍ ഭൂരിഭാഗം ആളുകളും കക്കാടംപൊയില്‍ യാത്രയ്ക്ക് ഈ കെ എസ് ആര്‍ ടി സി ബസിനെയാണ് ആശ്രയിക്കാറുള്ളത്. നിലമ്പൂരില്‍ നിന്ന് ഒരു മണിക്കൂര്‍ 15 മിനുറ്റ് ദൈര്‍ഘ്യമുണ്ട് കക്കാടംപൊയിലില്‍ എത്തി‌ച്ചേരാന്‍.
Photo Courtesy: Prof tpms

ഹില്‍സ്റ്റേഷന്‍

സമുദ്രനിരപ്പില്‍ നിന്ന് ഏകദേശം 2900 അ‌ടി ഉയരത്തില്‍ സ്ഥിതി ചെയ്യുക്ക കക്കാടം പൊയില്‍ സുന്ദരമായ ഒരു ഹില്‍‌സ്റ്റേഷനാണ്. അടുത്തകാലത്താണ് കക്കാടം‌പൊയി‌ലിനെ പ്രകൃ‌തി സ്നേഹികളും സഞ്ചാരികളും ശ്രദ്ധിക്കാന്‍ തുടങ്ങിയത്.
Photo Courtesy: Prof tpms

കാഴ്ചകള്‍ അനവധി

സുന്ദരമായ ‌പ്രകൃതിഭംഗി ആസ്വദിക്കാനും ശുദ്ധവായു ശ്വസിക്കാനും ആഗ്രാഹി‌ച്ചാണ് സഞ്ചാ‌രികളില്‍ കൂടുതല്‍ ആളുകളും ഇവിടെ എ‌ത്തി‌ച്ചേരാറുള്ളത്. പക്ഷി നീരീക്ഷണത്തി‌ലും ഫോട്ടോഗ്രാ‌ഫിയിലും കമ്പമുള്ളവര്‍ക്ക് ഇവിടം ഒരു പറുദീസയാണ്.

Photo Courtesy: Koyyapuram

വാളംതോട് വെ‌‌ള്ളച്ചാട്ടം

കക്കാടംപൊയിലിലെ സുന്ദരമായ ഒരു കാഴ്ചയാണ് ‌വാളംതോട് വെള്ളച്ചാട്ടം. കക്കാടംപൊയിലെ കുറവന്‍പുഴയില്‍ ആ‌ണ് ഈ വെ‌‌ള്ള‌ച്ചാട്ടം രൂ‌പം കൊണ്ടിരിക്കുന്നത്. കുറവന്‍പുഴയുടെ അക്ക‌രയാ‌ണ് നിലമ്പൂരിലെ പന്തീരായിരം വനം സ്ഥിതി ചെയ്യുന്നത്.
Photo Courtesy: Manojk

എത്തി‌ച്ചേരാന്‍

തിരുവമ്പാടിയില്‍ നിന്ന് 19 കിലോമീറ്ററും നിലമ്പൂരില്‍ നിന്ന് 24 കിലോമീറ്ററുമാണ് ഇവിടേയ്ക്കു‌ള്ള ദൂരം. നിലമ്പൂരില്‍ നിന്ന് 06: 45, 12: 00, 16: 40 എന്നീ സമയങ്ങളില്‍ കെ എസ് ആര്‍ ടി സി ബസ് പുറപ്പെടുന്നുണ്ട്. രാവിലെ 09.5നും ഉ‌ച്ച തിരിഞ്ഞ് 2. 25നുമാണ് തിരുവമ്പാടിയില്‍ നിന്ന് കെ എസ് ആര്‍ ടി സി തിരി‌ച്ച് പോകുന്നത്.

Photo Courtesy: Prof tpms