കുന്നുകളുടെയും താഴ്വാരങ്ങളുടെയും നാടായ ഖോന്സാ രാജ്യത്തിന്റെ അങ്ങു വടക്കു കിഴക്കേ അറ്റത്ത് അരുണാചല് പ്രദേശിലെ ഒരു നാടാണ്. ഹിമാലയ ട്രക്കിങ്ങുകളുടെ പേരിലു പൗരാണിക സംസ്കൃതിയുള്ള ചില ഗോത്രവിഭാഗങ്ങുടെ സാന്നിധ്യം കൊണ്ടും അനുഗ്രഹീതമായ ഖോന്സാ അതിമനോഹരമായ ഒരു ലക്ഷ്യസ്ഥാനമാണ് എന്ന കാര്യത്തില് സംശയമില്ല. സ്വന്തം വീട്ടിലെന്നതുപോലെ അതിഥികളെ സ്വീകരിക്കുന്ന ഇവിടുത്തെ ഗോത്രക്കാരുടെ ആതിഥ്യ മര്യാദ ഇവിടെ നിന്നും തിരികെ മടങ്ങുന്ന കാര്യം ആലോചിക്കുവാനേ അനുവദിക്കില്ല.
അഭൗമിക സൗന്ദര്യമുള്ള പ്രകൃതി ഭംഗി, സമാധാനപരമായ ചുറ്റുപാടുകൾ, താഴ്വരയിലൂടെ ഒഴുകുന്ന തിളങ്ങുന്ന നദികൾ, ഗോത്രവിഭാഗക്കാരുടെ ഭവനങ്ങള് എന്നിങ്ങനെ ഇവിടുത്തെ ഏതു കാഴ്ചകളും ജീവിതകാലം മുഴുവനും നീണ്ടു നില്ക്കുന്ന അനുഭവങ്ങളാണ് സമ്മാനിക്കുന്നത്.