Click it and Unblock the Notifications
വർഷത്തിലൊരിക്കൽ മാത്രം തുറക്കുന്ന പെരിയാർ കടുവാ സങ്കേതത്തിനുള്ളില് സ്ഥിതി ചെയ്യുന്ന മംഗളാ ദേവി ക്ഷേത്രത്തിലെ ചിത്രപൗർണ്ണമി ഉത്സവത്തിന് ഇനി അധികം കാത്തിരിപ്പില്ല. ഏപ്രിൽ 23 ചൊവ്വാഴ്ച നടക്കുന്ന ചിത്രപൗർണ്ണമി ആഘോഷങ്ങൾക്കുള്ള തയ്യാറെടുപ്പുകൾ അവസാന വട്ടത്തിലാണ്. ഇവിടേക്ക് വന്നെത്തുന്ന ആളുകള്ക്ക് സുരക്ഷിതമായ ദർശനം ഉറപ്പു വരുത്തുന്നതിനായുള്ള എല്ലാ സൗകര്യങ്ങളും അധികൃതർ ഏർപ്പെടുത്തും.
ഇക്കൊല്ലത്തെ മംഗളാദേവി ചിത്രാപൗര്ണമി ഉത്സവത്തിൽ പങ്കെടുക്കാനെത്തുന്ന ഭക്ത ജനങ്ങൾക്ക് സുരക്ഷിത ദര്ശനത്തിന് വേണ്ട എല്ലാ സൗകര്യങ്ങളുമൊരുക്കുമെന്ന് ഇടുക്കി ജില്ലാ കളക്ടർ ഷീബ ജോർജ്ജ് അറിയിച്ചു. ഇടുക്കി, തേനി ജില്ലാ ഭരണകൂടങ്ങളുടെ നേതൃത്വത്തില് കുമിളി രാജീവ് ഗാന്ധി ഓഡിറ്റോറിയത്തിൽ ചേർന്ന അന്തർസംസ്ഥാന ജില്ലാതല യോഗത്തിൽ സംസാരിക്കുകയായിരുന്നു കളക്ടർ. ഉത്സവം നടക്കുന്ന ഏപ്രിൽ 23 ന് പുലർച്ചെ 6 മുതൽ ഭക്തജനങ്ങൾക്ക് പ്രവേശനം അനുവദിക്കും.
ഭക്തരുടെ സുരക്ഷയ്ക്കും വനത്തിന്റെയും ക്ഷേത്രത്തിന്റെയും പരിപാവനതയ്ക്കും മുന്തൂക്കം നല്കി പരിസ്ഥിതി സൗഹൃദ ക്ഷേത്ര ദര്ശനത്തിനുള്ള എല്ലാ സംവിധാനങ്ങളും ഒരുക്കുമെന്ന് അധികൃതര് അറിയിച്ചു. മംഗളാദേവി ക്ഷേത്രത്തിലെ പൂജാരികളയും സഹായികളെയും ആദ്യം ക്ഷേത്രത്തിലെത്തിക്കും. പിന്നീടാണ് വിശ്വാസികൾക്ക് പ്രവേശനം അനുവദിക്കുക.
മംഗളാദേവി ചിത്രാപൗര്ണമി ഉത്സവം പ്രവേശനം
23 ന് പുലർച്ചെ 4.00 മണി മുതല് ഇരുസംസ്ഥാനങ്ങളിലെയും പൂജാരിമാര്, സഹായികൾ എന്നിവരെ ക്ഷേത്രത്തിലേക്കു കടത്തിവിടും. അഞ്ചുമണിയോടെ ട്രാക്ടറുകളിൽ ഭക്ഷണവും കയറ്റിവിടും. ഓരോ ട്രാക്ടറുകളിലും ആറു പേരില് കൂടുതല് ഉണ്ടാവാന് പാടില്ല. ട്രാക്ടറുകളില് 18 വയസില് താഴെയുള്ള കുട്ടികളെയും അനുവദിക്കില്ല. തുടർന്ന് രാവിലെ 6.00 മണി മുതലായിരിക്കും പൊതുജനങ്ങളെ പ്രവേശിപ്പിക്കുക.
മംഗളാദേവി ചിത്രാപൗര്ണമി-ശ്രദ്ധിക്കേണ്ട കാര്യങ്ങൾ
ഉച്ചക്ക് 2.30 ന് ശേഷം ആരെയും മലമുകളിലേക്ക് കയറ്റിവിടില്ല. വൈകിട്ട് 5.30 ന് ശേഷം ക്ഷേത്രപരിസരത്ത് ആരെയും തുടരാന് അനുവദിക്കുകയുമില്ല. ക്ഷേത്രത്തിലേക്ക് പോകാനുള്ള വാഹനങ്ങള്ക്ക് ആര്.ടി.ഒ പാസ് നല്കും. കുമളി ബസ്സ്റ്റാന്ഡില് എപ്രിൽ 20, 21, 22 ദിവസങ്ങളിൽ ഇരു സംസ്ഥാനങ്ങളുടെയും ആര്ടിഒ മാരുടെയും പോലീസിന്റെയും നേതൃത്വത്തില് ഫിറ്റ്നസ് പരിശോധിച്ചാകും പാസ് അനുവദിക്കുക. ഫിറ്റ്നസ് സര്ട്ടിഫിക്കറ്റ് സ്റ്റിക്കര് വാഹനത്തില് പതിപ്പിക്കണം.
ഉത്സവ ദിവസം വാഹനങ്ങളില് അമിതമായി ആളെ കയറ്റാന് അനുവദിക്കില്ല. കുമളി ബസ്സ്റ്റാന്ഡ്, അമലാംമ്പിക സ്കൂള്, കൊക്കരകണ്ടം എന്നിവിടങ്ങളില് ചെക്ക് പോസ്റ്റ് ഏര്പ്പെടുത്തി വാഹനങ്ങള് പരിശോധിക്കും. ആര് ടി ഒ നിഷ്കര്ഷിക്കുന്ന തുക മാത്രമേ ട്രിപ്പ് വാഹനങ്ങള് ഭക്തരില് നിന്നും ഈടാക്കാൻ പാടുള്ളൂ. ഇത് സംബന്ധിച്ച നിരക്ക് ഉടൻ പ്രസിദ്ധീകരിക്കും. ഓഫ് റോഡ് യാത്രയ്ക്ക് അനുയോജ്യമായ നാലുചക്ര വാഹനങ്ങള് മാത്രമേ അനുവദിക്കൂ. ഇരുചക്ര വാഹനങ്ങള് അനുവദിക്കില്ല.
വെള്ളവും ഭക്ഷണവും കൊണ്ടുപോകരുത്
മംഗളാ ദേവി ക്ഷേത്രത്തിലേക്ക് പോകുന്നവരെ
ഡിസ്പോസബിള് പാത്രങ്ങളില് കുടിവെള്ളമോ മറ്റു ഭക്ഷണ സാധനങ്ങളോ ക്ഷേത്ര പരിസരത്തേക്ക് കൊണ്ടുപോകാന് അനുവദിക്കില്ല. മദ്യം, മാംസ ഭക്ഷണം എന്നിവയും അനുവദിക്കില്ല. യാത്രയിലുടനീളം കുടിവെള്ളം ലഭ്യമാക്കും. കുടിവെള്ളത്തിന്റെ ശുദ്ധത ഉറപ്പുവരുത്താന് ജലവകുപ്പിന് യോഗം നിര്ദ്ദേശം നല്കി.
സുരക്ഷയുടെ ഭാഗമായി റിക്കവറി വാഹനം, അസ്ക ലൈറ്റ് എന്നീ സൗകര്യങ്ങളോടെ കൊക്കരകണ്ടത്ത് ദുരന്ത ലഘൂകരണ യൂണിറ്റ് പ്രവര്ത്തിക്കും. പ്രഥമശുശ്രൂഷ നല്കാന് മെഡിക്കല് സംഘം, കാര്ഡിയോളജിസ്റ്റ് എന്നിവരുടെ സേവനവും ആംബുലന്സ് സൗകര്യവും മലമുകളില് ഏര്പ്പെടുത്തും. മുന് വര്ഷത്തേക്കാള് കൂടുതല് താല്ക്കാലിക ടോയ്ലറ്റ് സൗകര്യങ്ങൾ സജ്ജമാക്കും. മലയാളത്തിലും തമിഴിലും ദിശാ സൂചന ബോര്ഡുകള് സ്ഥാപിക്കുകയും മൈക്ക് അനൗണ്സ്മെന്റ് നടത്തുകയും ചെയ്യും.
ചൂട് വര്ധിച്ചിരിക്കുന്ന സാഹചര്യത്തില് അടിയന്തിര ഘട്ടത്തില് മുന്കരുതല് സ്വീകരിക്കാന് അഗ്നിരക്ഷാസേനക്ക് നിര്ദേശം നല്കിയിട്ടുണ്ട്. ക്ഷേത്രപാതയില് ആംപ്ലിഫയര്, ലൗഡ് സ്പീക്കര് തുടങ്ങിയവ ഉപയോഗിക്കാന് അനുവദിക്കില്ല. പരസ്യ സാമഗ്രികളും പാടില്ല. ഒരു തരത്തിലുള്ള മാലിന്യവും വനത്തില് നിക്ഷേപിക്കരുത്. വനം ശുചിയായി സൂക്ഷിക്കാന് ശുചിത്വമിഷനുമായി സഹകരിച്ച് നടപടി സ്വീകരിക്കും.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
