ഒറ്റക്കല്ലിൽ തീർത്ത ബാഹുബലി ശില്പങ്ങൾ

ശ്രാവണബലഗോളെ

ശ്രാവണ ബലഗോളയിലേ ഏറ്റവും പ്രധാനപ്പെട്ട ആകർഷണം ഒറ്റക്കല്ലിൽ തീർത്ത ബാഹുബലി പ്രതിമയാണ്. ലോകത്തിലേ തന്നെ ഒറ്റക്കല്ലിൽ തീർത്ത ഏറ്റവും വലിയ ബാഹുബലി പ്രതിമയാണ് ഇത്. 17.5 മീറ്റർ ആണ് ഈ പ്രതിമയുടെ നീളം. പ്രചീന കാലം മുതലെ ശ്രവണബലഗോളെ ജൈനരുടെ പ്രമുഖ തീർത്ഥാടന കേന്ദ്രമെന്ന നിലയിൽ പ്രശസ്തമാണ്. എ ഡി 978 ലാണ് ഈ പ്രതിമ സ്ഥാപിച്ചത്. ഇവിടുത്തെ ബാഹുബലി ഗോമേതേശ്വരൻ എന്നാണ് അറിയപ്പെടുന്നത്. ഇവിടുത്തെ ക്ഷേത്രം അറിയപ്പെടുന്നതും ഗോമേതേശ്വര ക്ഷേത്രം എന്നാണ്. കൂടുതൽ വായിക്കാം

ചിത്രത്തിന് കടപ്പാട്: Sughoshdivanji

കർക്കാള

ശ്രാവണ ബലഗോളയിലെ ബാഹുബലി പ്രതിമ കഴിഞ്ഞാൽ, ഒറ്റക്കല്ലിൽ തീർത്ത ലോകത്തിലേ ഏറ്റവും വലിയ ബാഹുബലി പ്രതിമ സ്ഥിതി ചെയ്യുന്നത് കർക്കാളയിലാണ്. 42 അടി ഉയരമാണ് ഇതിന്റെ നീളം. കർക്കാള എന്ന സ്ഥലത്തേക്കുറിച്ചും അവിടുത്തെ ടൂറിസ്റ്റ് കേന്ദ്രങ്ങളേക്കുറിച്ചും അറിയാൻ ഇവിടെ ക്ലിക്ക് ചെയ്യുക

ചിത്രത്തിന് കടപ്പാട്: Vaikoovery

ധർമ്മസ്ഥല

കർണാടകയിലെ പ്രശസ്തമായ മറ്റൊരു ബാഹുബലി പ്രതിമ സ്ഥിതി ചെയ്യുന്നത് ധർമ്മസ്ഥലയിലാണ്. മഞ്ജനാഥക്ഷേത്രം പോലെതന്നെ ധര്‍മ്മസ്ഥലയിലെ പ്രത്യേകതകളില്‍ ഒന്നാണിത്. രത്‌നഗിരി മലയുടെ മുകളിലായിട്ടാണ് ബാഹുബലിയുടെ പ്രതിമ സ്ഥിതിചെയ്യുന്നത്. ഇതിന് ഏതാണ്ട് 39 അടി ഉയരമുണ്ട്. 1973ല്‍ രെഞ്ജന ഗോപാല്‍ കൃഷ്ണ ഷേണായിയാണ് ഇത് പണികഴിപ്പിച്ചത്. ധർമ്മസ്ഥലയേക്കുരിച്ച് കൂടുതൽ അറിയാം

ചിത്രത്തിന് കടപ്പാട്: Mithun Raju

വെനൂർ

കര്‍ണാടകത്തിലെ നാല് പ്രധാന ബാഹുബലി പ്രതിമകളില്‍ ഉള്‍പ്പെടുന്ന പ്രതിമകളിൽ ഏറ്റവും ചെറിയ പ്രതിമ വെനൂരിലാണ് ഉള്ളത്. ഒറ്റക്കല്ലില്‍ തീര്‍ത്തതാണ് 35 അടി ഉയരമുള്ള ഈ പ്രതമ. അജില രാജാവായ തിമ്മണ്ണയുടെ നിര്‍ദ്ദേശപ്രകാരം അമരശില്‍പി ജകനാചാരിയാണ് ഈ ശില്‍പം പണിതതെന്നാണ് വിശ്വസിക്കപ്പെടുന്നത്. ഫാല്‍ഗുനി നദിയുടെ തീരത്താണ് ഈ പ്രതിമ സ്ഥാപിച്ചിരിക്കുന്നത്. വെനൂർ എന്ന സ്ഥലത്തേക്കുറിച്ച് കൂടുതൽ അറിയാം

ഗോമാതഗിരി

മൈസൂരിൽ നിന്ന് 20 കിലോമീറ്റർ അകലെയായിട്ടണ്ണ് ഗോമാതഗിരി സ്ഥിതി ചെയ്യുന്നത്. മൈസൂർ ജില്ലയിലെ ഹുൻസൂർ താലൂക്കിൽ ബിലിക്കെരെ ഹോബ്ലി എന്ന സ്ഥലത്താണ് ഈ ക്ഷേത്രം സ്ഥിതി ചെയ്യുന്നത്.

ചിത്രത്തിന് കടപ്പാട്: Rajan Thambehalli