പൈതൽമലയിലേ‌ക്ക് യാത്ര പോകാം

പശ്ചിമഘട്ടത്തിൽ

പശ്ചിമഘട്ട മലനിരകളുടെ ഭാഗമായ പൈത‌ൽ മല സ്ഥിതി ചെയ്യുന്നത് കണ്ണൂർ ജില്ലയിൽ കർണാടകയുടെ അതിർത്തിയിലാണ്. സമുദ്ര നിരപ്പിൽ നിന്ന് 4500 അടി ഉയരത്തിലായാണ് പൈതൽ മല സ്ഥിതി ചെയ്യുന്നത്.

Photo courtesy: Rawbin

വളപട്ടണം പുഴ

പൈതൽ മലയുടെ നെറുകെ നിന്ന് നോക്കിയാൽ വളപട്ടണം പുഴ വളഞ്ഞ് പുളഞ്ഞ് ഒഴുകുന്നത് കാണാം. കണ്ണൂർ നഗരത്തിന്റെ ചില ഭാഗങ്ങളും ഇവിടെ നിന്ന് നോക്കിയാൽ കാണാം.

Photo courtesy: Sivahari

കൂർഗ്

കൂർഗ് വനനിരകൾക്ക് അടുത്തായാണ് പൈതൽമലയുടെ സ്ഥാനം. പൈതൽ മലയിൽ നിന്ന് 2 കിലോമീറ്റർ അകലെയായാണ് കൂർഗ് സ്ഥിതി ചെയ്യുന്നത്. അതിനാൽ കൂർഗിലെ കാലവസ്ഥ തന്നെയാണ് പൈതൽ മലയിലും അനുഭവപ്പെടുന്നത്.

Photo courtesy: Rawbin

ട്രെക്കിംഗ്

ട്രെക്കിംഗ് നടത്താൻ പറ്റിയ സ്ഥലമാണ് പൈതൽ മല. സാഹസികയാത്ര ഇഷ്ടപെടുന്നവർക്ക് പാത്തൻ പാറ വഴി പൈതൽ മലയിലേക്ക് പോകാം. എന്നാൽ മഴക്കാലത്ത് ഇതുവഴിയുള്ള യാത്ര ദുഷ്കരമാണ്. വൈതൽക്കുണ്ട്, ഏഴരക്കുണ്ട് എന്നീ വെള്ളച്ചാട്ടങ്ങൾ പൈതൽ മലയിലെ ആകർഷണങ്ങളാണ്.

Photo courtesy: Rawbin

വൈതൽകോന്മാർ

വൈതൽമലയെന്നായിരുന്നു പൈതൽ മലയുടെ പേര്. മൂഷിക ഭരണകാലത്തെ നാടുവാഴികളായ വൈതൽകോന്മാരുടെ ആസ്ഥാനമായിരുന്നത്രെ വൈതൽമല. വൈതൽ മല പിന്നീട് പൈതൽ മല എന്ന് അറിയപ്പെടുകയായിരുന്നു. വില്യം ലോഗന്റെ മലബാർ മാന്വലിൽ വൈതൽ മലയെക്കുറിച്ച് പരാമർശം ഉണ്ട്.

Photo courtesy: Rawbin