സഞ്ചാരികൾ തേടുന്ന, കേരളത്തിലെ അണക്കെട്ടുകൾ

ഇടുക്കി ഡാം

കേരളത്തിലെ ഏറ്റവും പ്രശസ്തമായ ഡാമാണ് ഇടുക്കിഡാം. ഇടുക്കി ജില്ലയിൽ പെരിയാറിന് കുറുകേയാണ് ഈ ഡാം നിർമ്മിച്ചിരിക്കുന്നത്. ഏഷ്യയിലെ ആദ്യത്തെ ആർച്ച് ഡാമാണ് ഇത്.

ചിത്രത്തിന് കടപ്പാട് : K S E B‎

ഭൂതത്താൻ കെട്ട് ഡാം

എറണാകുളം ജില്ലയിലാണ് ഈ ഡാം സ്ഥിതി ചെയ്യുന്നത്. പെരിയാർ നദിക്ക് കുറുകെ നിർമ്മിച്ച ഈ ഡാം 1964ൽ ആണ് കമ്മീഷൻ ചെയ്തത്. കോതമംഗലത്ത് നിന്ന് പത്ത് കിലോമീറ്റർ അകലെയായാണ് ഈ ഡാം സ്ഥിതി ചെയ്യുന്നത്.

ചിത്രത്തിന് കടപ്പാട് : കാക്കര

ബാണാസുര സാഗർ ഡാം

വയനാട് ജില്ലയിൽ കൽപ്പറ്റയിൽ നിന്ന് 21 കിലോമീറ്റർ അകലെയായി കരമനത്തോടിന് കുറുകയേണ് ഈ ഡാം നിർമ്മിച്ചിരിക്കുന്നത്. മണ്ണുകൊണ്ടാണ് ഈ ഡാം നിർമ്മിച്ചിരിക്കുന്നത്. ഇത്തരത്തിൽ നിർമ്മിക്കപ്പെട്ട ഡാമുകളിൽ വച്ച് ഇന്ത്യയിൽ ഏറ്റവും നീളം കൂടിയ ഡാമാണ് ഇത്. ഏഷ്യയിൽ നീളത്തിന്റെ കാര്യത്തിൽ രണ്ടാം സ്ഥാനമുണ്ട്. ബാണാസുര മലയടിവാരത്താണ് ഈ ഡാം സ്ഥിതി ചെയ്യുന്നത്.

ചിത്രത്തിന് കടപ്പാട് : Samadolfo

ചിമ്മിണി ഡാം

തൃശൂർ ജില്ലയിലെ മുകുന്ദപുരം താലുക്കിലെ എച്ചിപ്പാറയിലാണ് ഈ അണക്കെട്ട് സ്ഥിതി ചെയ്യുന്നത്. 1996ൽ ആണ് ഈ അണക്കെട്ടിന്റെ നിർമ്മാണം പൂർത്തിയായത്. ചിമ്മിണി നദിക്ക് കുറുകേയാണ് ഈ ഡാം നിർമ്മിച്ചിരിക്കുന്നത്.

ചിത്രത്തിന് കടപ്പാട് :Aruna

ഇടമലയാർ ഡാം

എറണാകുളം ജില്ലയിൽ ഇടമലയാർ നദിക്ക് കുറുകേയാണ് ഈ ഡാം നിർമ്മിച്ചിരിക്കുന്നത്. ഭൂതത്താൻ കെട്ടിന് സമീപത്തായാണ് ഈ ഡാം സ്ഥിതി ചെയ്യുന്നത്. 1957ൽ ആണ് ഈ ഡാം കമ്മീഷൻ ചെയ്തത്.
ചിത്രത്തിന് കടപ്പാട് : Captain

കക്കയം ഡാം

കോഴിക്കോട് ജില്ലയിലെ കക്കയത്താണ് ഈ ഡാം സ്ഥിതി ചെയ്യുന്നത്. കുറ്റ്യാടി ജല വൈദ്യുത പദ്ധതിയുടെ ഭാഗമായിട്ടാണ് ഈ ഡാം നിർമ്മിച്ചത്.

ചിത്രത്തിന് കടപ്പാട് : Mutuluki

കല്ലട ഡാം

കൊല്ലം ജില്ലയിൽ കല്ലടയാറിന് കുറുകേയാണ് ഈ ഡാം നിർമ്മിച്ചിരിക്കുന്നത്. കൊല്ലം, പത്തനംതിട്ട, ആലപ്പുഴ എന്നീ ജില്ലകളിലേക്കുള്ള ജലസേചനത്തിനായാണ് ഈ ഡാം നിർമ്മിച്ചത്.

ചിത്രത്തിന് കടപ്പാട് : Kumar Mullackal

കാഞ്ഞിരപ്പുഴ ഡാം

പാലക്കാട് ജില്ലയിലെ മണർകാടിൽ നിന്ന് 15 കിലോമീറ്റർ അകലെയായി കാഞ്ഞിരപ്പുഴയ്ക്ക് കുറുകേയാണ് ഈ ഡാം നിർമ്മിച്ചിരിക്കുന്നത്. ഭാരതപ്പുഴയുടെ പോഷക നദിയായ തൂതപ്പുഴയുടെ കൈവഴിയാണ് കാഞ്ഞിരപ്പുഴ.

ചിത്രത്തിന് കടപ്പാട് : Shijualex

കാരപ്പുഴ ഡാം

വയനാട് ജില്ലയിലാണ് ഈ ഡാം സ്ഥിതി ചെയ്യുന്നത്. ക‌ല്പറ്റയിൽ നിന്ന് 16 കിലോമീറ്റർ അകലെയാണ് ഈ ഡാം സ്ഥിതി ചെയ്യുന്നത്.

ചിത്രത്തിന് കടപ്പാട് : Primejyothi

കുറ്റ്യാടി ഡാം

കേരളത്തിലെ സുന്ദരമായ ഡാമുകളിലൊന്നായ കുറ്റ്യാടി ഡാം സ്ഥിതി ചെയ്യുന്നത് കുറ്റ്യാടിയിൽ നിന്ന് 45 കിലോമീറ്റർ അകലെയുള്ള പെരുവണ്ണാംമൂഴിയിലാണ്.

ചിത്രത്തിന് കടപ്പാട് : K S E B‎

മലമ്പുഴ ഡാം

പാലക്കാട് ജില്ലയിലെ മലമ്പുഴയിലാണ് ഈ അണക്കെട്ട് സ്ഥിതി ചെയ്യുന്നത്. അണക്കെട്ടിന് അനുബന്ധമായി നിർമ്മിച്ച ഉദ്യാനമാണ് സഞ്ചാരികളെ ആകർഷിപ്പിക്കുന്ന മറ്റൊരു കാര്യം

ചിത്രത്തിന് കടപ്പാട് :Joseph Lazer

മാട്ടുപ്പെട്ടി ഡാം

ഇടുക്കി ജില്ലയിൽ മൂന്നാറിന് സമീപം മാട്ടുപ്പെട്ടിയിലാണ് ഈ ഡാം നിർമ്മിച്ചിരിക്കുന്നത്.

ചിത്രത്തിന് കടപ്പാട് : കാക്കര

മുല്ലപ്പെരിയാർ ഡാം

കേരളത്തിലെ ഏറ്റവും പ്രശസ്തമായ ഡാമായ മുല്ലപ്പെരിയാർ ഡാം സ്ഥിതി ചെയ്യുന്നത് ഇടുക്കിയിലാണ്. പീരുമേട് താലൂക്കിലെ കുമളിയിലാണ് ഈ ഡാം സ്ഥിതി ചെയ്യുന്നത്.

ചിത്രത്തിന് കടപ്പാട് : Jayeshj

നെയ്യാർ ഡാം

തിരുവനന്തപുരത്ത് നെയ്യാർ നദിക്ക് കുറുകെയാണ് ഈ ഡാം നിർമ്മിച്ചിരിക്കുന്നത്. തിരുവനന്തപുരം നഗരത്തിൽ നിന്ന് 30 കിലോമീറ്റർ അകലെയായി പശ്ചിമ ഘട്ടത്തിലാണ് ഈ ഡാം സ്ഥിതി ചെയ്യുന്നത്. വിനോദ സഞ്ചാരികളുടെ ഇഷ്ടകേന്ദ്രമാണ് ഈ ഡാം.

ചിത്രത്തിന് കടപ്പാട് : Jayeshj

പഴശ്ശി ഡാം

കണ്ണൂർ ജില്ലയിലെ വളപട്ടണം പുഴയ്ക്ക് കുറുകേയാണ് ഈ ഡാം നിർമ്മിച്ചിരിക്കുന്നത്. കണ്ണൂരിലെ പ്രധാന ടൂറിസ്റ്റ് കേന്ദ്രമായ ഈ ഡാമിന്റെ നിർമ്മാണം പൂർത്തിയായത് 1979ൽ ആണ്.

ചിത്രത്തിന് കടപ്പാട് : Vinayaraj‎

പീച്ചി ഡാം

തൃശൂർ ജില്ലയിലാണ് പീച്ചി ഡാം സ്ഥിതി ചെയ്യുന്നത്. തൃശൂർ നഗരത്തിൽ നിന്ന് 22 കിലോമീറ്ററാണ് ഈ ഡാമിലേക്കുള്ള ദൂരം

ചിത്രത്തിന് കടപ്പാട് : Rameshng

പൊൻമുടി ഡാം

ഇടുക്കി ജില്ലയിലെ പൊൻമുടിയിലാണ് പൊൻമുടി ഡാം സ്ഥിതി ചെയ്യുന്നത്. അടിമാലിയിൽ നിന്ന് രാജക്കാട് പോകുന്ന വഴിയാണ് ഈ ഡാം സ്ഥിതി ചെയ്യുന്നത്. അടിമാലിയിൽ നിന്ന് 15 കിലോമീറ്റർ ആണ് ഇവിടേയ്ക്കുള്ള ദൂരം.

ചിത്രത്തിന് കടപ്പാട് : K S E B

കുളമാവ് ഡാം

ഇടുക്കി ആർച്ച് ഡാമിനോട് ചേർന്ന് കിടക്കുന്ന രണ്ട് ഡാമുകളിൽ ഒന്നാണ് കുളമാവ് ഡാം. ചെറുതോണിഡാം ആണ് മറ്റൊരു ഡാം.

ചിത്രത്തിന് കടപ്പാട് :Rameshng

ചെറുതോണി ഡാം

ഇടുക്കി ജില്ലയിലെ ചെറുതോണിയിലാണ് ഈ ഡാം സ്ഥിതി ചെയ്യുന്നത്. ഇടുക്കി ഹൈഡ്രോളിക്ക് പ്രൊജക്ടിന്റെ ഭാഗമാണ് ഈ ഡാം. ഇടുക്കി, കുളമാവ് ഡാം ആണ് ഈ പദ്ധതിയിൽപ്പെട്ട മറ്റുഡാമുകൾ.

ചിത്രത്തിന് കടപ്പാട് : K S E B‎

അരുവിക്കര ഡാം

തിരുവനന്തപുരം ജില്ലയിലെ അരുവിക്കര ഗ്രാമത്തിൽ കരമനയാറിന് കുറുകേയാണ് ഈ ഡാം നിർമ്മിച്ചിരിക്കുന്നത്. 1934ൽ ആണ് ഈ ഡാം പണിതത്. നിരവധി വിനോദ സഞ്ചാരികൾ സന്ദർശിക്കുന്ന പ്രധാന വിനോദ സഞ്ചാര കേന്ദ്രമാണ് അരുവിക്കര.

ചിത്രത്തിന് കടപ്പാട് : Tinucherian