ഉല്ലസിക്കാൻ തൃശൂരിലെ ചില ബീച്ചുകൾ

01. ചാ‌വക്കാട് ബീ‌ച്ച്

തൃശ്ശൂര്‍ ജില്ലയിലെ മനോഹരമായ കാഴ്ചകളിലൊന്നാണ് ചാവക്കാട് ബീച്ച്. വിനോദസഞ്ചാരികളുടെ ഇഷ്ടകേന്ദ്രമാണ് പ്രകൃതിസുന്ദരമായ ചാവക്കാട് ബീച്ച്. ഗുരുവായൂര്‍ നിന്നും 4 കിലോമീറ്റര്‍ അകലെയാണ് ചാവക്കാട് ബീച്ച് സ്ഥിതിചെയ്യുന്നത്.
Photo Courtesy: Fameleaf

ചാവക്കാട് ബീച്ചിലെ കാഴ്ചകൾ

കേരളത്തിന്റെ പടിഞ്ഞാറേ തീരത്തെ ഏറ്റവും സുന്ദരമായ കടല്‍ത്തീരങ്ങളിലൊന്നാണ് നിരവധി യാത്രികരുടെ പ്രിയകേന്ദ്രമായ ചാവക്കാട് ബീച്ച്. വൃത്തിയുള്ള കടല്‍ത്തീരമാണ് ചാവക്കാട് ബീച്ചിനെ സഞ്ചാരികള്‍ക്ക് പ്രിയപ്പെട്ടതാക്കുന്നത്. വിളക്കുമാടവും നെടുനീളന്‍ തെങ്ങിന്‍തോപ്പുകളുമടങ്ങിയ മനോഹരമായ പ്രകൃതിക്കാഴ്ചകള്‍ സഞ്ചാ‌രികൾക്ക് ഇവിടെ ആസ്വദിക്കാം
Photo Courtesy: Drajay1976

02. മുനക്കൽ ബീച്ച്

തൃശൂർ ജില്ലയിലെ അഴീക്കോട് എന്ന സ്ഥലത്താണ് മുനക്കൽ ബീ‌ച്ച് സ്ഥിതി ചെയ്യുന്നത്. തൃശൂരിലെ ഏറ്റവും നീളം കൂടിയ ബീച്ചായ ഈ ബീച്ച് കൊടുങ്ങല്ലൂരിൽ നിന്ന് 7 കിലോമീറ്റർ അകലെയായാണ് സ്ഥിതി ചെയ്യുന്നത്.
Photo Courtesy: Haribhagirath

സൗകര്യം

400 മീറ്ററുള്ള ഓപ്പൺ എയർ ഓഡിറ്റോറിയം, 1300 മീറ്റർ നീളത്തിൽ വോക്ക്‌വേ, ടോയില‌റ്റ്, ഫുട് കോർട്ട്, സ്കേറ്റ് ബോർഡിങ് ഗ്രിപ്പ്, തുടങ്ങിയ സൗക‌ര്യം ഇവിടെയുണ്ട്.
Photo Courtesy: Challiyil Eswaramangalath Vipin from Chalakudy, India

03. സ്നേ‌ഹ‌തീരം ബീ‌ച്ച്

തൃശൂർ ജില്ലയിലെ ഏറ്റവും മനോഹരമായ ബീ‌ച്ചാണ് സ്നേഹ തീരം ബീ‌ച്ച്. 2010 ‌ൽ കേരള ടൂറിസം വകുപ്പ് കേരളത്തിലെ ഏറ്റവും മികച്ച ബീച്ചായി തെരഞ്ഞെടുത്ത ബീ‌ച്ചാണ് ഈ ബീച്ച്. കേരള ടൂറിസം വകുപ്പാണ് ഈ ബീച്ച് പരി‌പാലിക്കുന്നത്.
Photo Courtesy: Jpullokaran

ചിൽഡ്രൻസ്‌ പാർക്ക്

കു‌ട്ടികൾക്ക് കളിക്കാൻ എല്ലാ സൗകര്യങ്ങളുമുള്ള ഒരു ചിൽ‌ഡ്രൻസ്‌ പാർക്കാണ് ഇവിടുത്തെ ഏറ്റവും വലിയ ആകർഷണം. വിവിധ തരത്തിലുള്ള കടൽ ജീവികളു‌ള്ള വലിയ ഒരു അക്വേറിയം, പൂന്തോട്ടം വോക്ക്‌‌വേ എന്നീ സൗകര്യങ്ങളും ഇവിടെയുണ്ട്. ചെറിയ ഫീസ് നൽകി വേണം ഇവിടേയ്ക്ക് പ്രവേശിക്കാൻ.
Photo Courtesy: Edukeralam, Navaneeth Krishnan S

04. മണ്ണാളംകുന്ന് ബീച്ച്

ചാവക്കാട് നിന്ന് 10 കിലോമീറ്റർ അകലെയായി പൊന്നാനി - ചാവക്കാട് റോഡിൽ ആണ് ഈ ബീച്ച് സ്ഥിതി ചെയ്യുന്നത്. തൃശൂർ ജില്ലയിലെ സുന്ദരമായ ബീച്ചുകളിൽ ഒന്നാണ് ഈ ബീച്ച്
Photo Courtesy: Satheesan.vn