Click it and Unblock the Notifications
ഡല്ഹിയുമായി അതിര്ത്തി പങ്കിടുന്ന ഗാസിയാബാദിനെ ഉത്തര്പ്രദേശിന്റെ പ്രവേശനകവാടം എന്നുവേണമെങ്കില് വിളിക്കാം. നഗരത്തിന്റെ ശില്പിയായ ഗാസി ഉദി ദീന്റെ പേരില് നിന്നും ഗാസിയുദ്ദിനഗര് എന്നും പിന്നീട് ഗാസിയാബാദ് എന്നും ഈ സ്ഥലത്തിന് പേര് ലഭിച്ചു.
ഹിന്ദോന് നദിയില് നിന്നും ഒന്നരക്കിലോമീറ്റര് മാത്രം മാറിയാണ് വളരെ മനോഹരമായി പ്ലാന് ചെയ്തിരിക്കുന്ന ഈ വ്യവസായ നഗരം സ്ഥിതിചെയ്യുന്നത്. പെയിന്റ്, വാര്ണിഷ്, ഗ്ലാസ്, മണ്പാത്രങ്ങള് തുടങ്ങിയവയക്ക് പേരുകേട്ട സ്ഥലമാണിത്.
ഡല്ഹിയുടെ സമീപത്തായതിനാല് വികസനത്തിന്റെ കാര്യത്തിലും ഗാസിയാബാദ്പിന്നിലല്ല. വലിയ വലിയ ഷോപ്പിംഗ് മാളുകള് ഇവിടെ കാണാനുണ്ട്. ഗാസിയാബാദ് ജില്ലയുടെ ഭാഗമാണ് ഗാസിയാബാദ് നഗരവും.
ഗാസിയാബാദിലെ ആകര്ഷണങ്ങള്
ഷോപ്പിംഗ് കോംപ്ലക്സുകളും മള്ട്ടിപ്ലക്സുകളും മാത്രമല്ല, നഗരത്തിലും ഗ്രാമങ്ങളിലുമായി നിരവധി കാഴ്ചകള് ഗാസിയാബാദില് കാണാനുണ്ട്. മീററ്റ് ജില്ലയിലെ ഖാര്ഖോഡ മണ്ഡല് ഇത്തരത്തിലുള്ള ഒന്നാണ്. കോട്ടനഗരമായ ദസ്ന, സതി മലിന്ദി ദേവി ക്ഷേത്രം സ്ഥിതിചെയ്യുന്ന ദൗലാനാ, അക്ബര് സ്ഥാപിച്ച ഫരീദ്നഗര്,ജമാ മസ്ജിദ് തുടങ്ങിയവും ഗാസിയാബാദില് കാണേണ്ട കാഴ്ചകളാണ്.
ലക്ഷക്കണക്കിന് തീര്ത്ഥാടകരെ ആകര്ഷിക്കുന്ന ഗര്ഹ്മുഖേശ്വറിന് പേരുകേടട്ട ഹാപൂര്, പുരാതന ഹനുമാന് ക്ഷേത്രം സ്ഥിതിചെയ്യുന്ന ലോനി, പരശുരാമന്റെ ജന്മസ്ഥലമായ ജലാലാബാദ്, മോഡിനഗര്, മോഹന്നഗര്, മുരഡനഗര്,തലസ്ഥാന നഗരമായ ഡല്ഹി തുടങ്ങിയവയും ഗാസിയാബാദിലെത്തിയാല് കാണേണ്ട കാഴ്ചകളാണ്.
സന്ദര്ശനത്തിന് അനുയോജ്യമായ സമയം
ഡല്ഹിയോടോ സമാനമായ കാലാവസ്ഥയാണ് ഗാസിയാബാദിലും. രാജസ്ഥാനിലെ മണല്ക്കാറ്റും ഹിമാലയത്തിലെ മഞ്ഞുവീവ്ചയും ഗാസിയാബാദിലെ കാലാവസ്ഥയെ സ്വാധീനിക്കാറുണ്ട്. നവംബര് മുതല് ഏപ്രില് വരെയുള്ള മാസങ്ങളിലാണ് ഗാസിയാബാദ് സന്ദര്ശിക്കാന് പറ്റിയ സമയം.
