Click it and Unblock the Notifications
മഥുരയ്ക്കടുത്താണ് പ്രശസ്തമായ ഹിന്ദു തീര്ത്ഥാടന കേന്ദ്രമായ ഗോവര്ദ്ധന്. ഗോവര്ദ്ധനവുമായി ബന്ധപ്പെട്ട നിരവധി പുരാണകഥകളുണ്ട്. ശ്രീകൃഷ്ണ ലീലകള്ക്കായി സ്വര്ഗത്തില് നിന്നും ഇറങ്ങിവന്ന പര്വ്വതമാണ് ഗോവര്ദ്ധനഗിരി എന്ന് പറയപ്പെടുന്നു. കനത്ത മഴപെയ്യുന്ന കാലത്ത് ശ്രീകൃഷ്ണന് ഏഴുദിവസം ഗോവര്ദ്ധന പര്വ്വതത്തെ കൈകളിലുയര്ത്തി നിര്ത്തി എന്നാണ് ഐതിഹ്യം.ഹൈന്ദവരുടെ പ്രധാനപ്പെട്ട തീര്ത്ഥാടന കേന്ദ്രമാണ് ഗോവര്ദ്ധന്. ഗോവര്ദ്ധന പരിക്രമം മോക്ഷം കിട്ടാനുള്ള മാര്ഗമായാണ് ഭക്തര് കരുതുന്നത്.
ഗോവര്ദ്ധനത്തെ കാഴ്ചകള്
ഭഗവാന് കൃഷ്ണന് വേണ്ടി സമര്പ്പിച്ചിട്ടുള്ള ഹര് ദേവാജി ക്ഷേത്രമാണ് ഗോവര്ദ്ധനത്തെ ഏറ്റവും പ്രധാനപ്പെട്ട ആകര്ഷണം. രാധാകൃഷ്ണന്മാരുടെ മനോഹരമായ പ്രതിമകള് ഇവിടെ കാണാം. രാധയും കൃഷ്ണനും ഗോപികമാരോടൊപ്പം കണ്ടുമുട്ടിയിരുന്ന രാധാകുണ്ട് എന്ന കുളം ഇവിടെയാണ്. കുസുമസരോവര്, മാനസി ഗംഗ എന്നീ ജലാശയങ്ങളും ഇവിടെ കാണാം.
