Click it and Unblock the Notifications
ദക്ഷിണ ബീഹാറില് സ്ഥിതി ചെയ്യുന്ന നവാധ മുമ്പ് ഗയ ജില്ലയുടെ ഭാഗമായിരുന്നു. ബൃഹദ്രത, മൗര്യ, കനഹ, ഗുപ്ത രാജവംശങ്ങളുടെ ഭരണത്തിന് കീഴിലൂടെ കടന്ന് പോയ ചരിത്രപ്രാധാന്യമുള്ള ഒരു പ്രദേശമാണ് നവാധ. പാലന്മാരുടെ ഭരണകാലത്ത് ഒരു ഹിന്ദുമത കേന്ദ്രമായിരുന്നു ഇവിടം.
നവാധയിലെ കാഴ്ചകള്
ക്ഷേത്രങ്ങളാല് നിറഞ്ഞ ഗ്രാമങ്ങളും, മനോഹരമായ ഭൂപ്രദേശങ്ങളുമാണ് നവാധയുടെ പ്രധാന ആകര്ഷണം. ശോഭനാഥ്, ഗുണാവ, ജാല് ക്ഷേത്രം, സങ്കട് മോചന് മന്ദിര് എന്നിവയാണ് ഇവിടുത്തെ പ്രധാന മതകേന്ദ്രങ്ങള്. ജൈനമത വിശ്വാസികളെ സംബന്ധിച്ചും നവാധ പ്രധാനപ്പെട്ട ഒരിടമാണ്. ഗുണാവ ക്ഷേത്രം, പവന്പുരി-തീര്ത്ഥങ്കര് ( മഹാവീരന് മോക്ഷം ലഭിച്ച സ്ഥലം) എന്നിവ എന്നീ ജൈനമതവിശ്വാസികളുടെ പ്രധാന കേന്ദ്രങ്ങള് ഇവിടെയാണ് സ്ഥിതി ചെയ്യുന്നത്.
നവാധ ടൂറിസത്തിലെ ഒരു പ്രധാന ആകര്ഷണ ഘടകമാണ് കാകോലാത് കുന്നുകളില് നിന്ന് ഉത്ഭവിക്കുന്ന കാകോലാത് വെള്ളച്ചാട്ടം. പ്രകൃതിമനോഹാരിതയാര്ന്ന ചുറ്റുപാടാണ് ഇവിടെയുള്ളത്. ഐതിഹ്യമനുസരിച്ച് ഭഗവാന് ശ്രീകൃഷ്ണന് പത്നിമാരോടൊത്ത് ഇവിടെ വരികയും, കുളിക്കുകയും ചെയ്തു എന്ന് വിശ്വസിക്കപ്പെടുന്നു. നാരദ് മ്യൂസിയം, പ്രകൃതിഭംഗിയാര്ന്ന രജൗലി എന്നിവയാണ് ഇവിടുത്തെ മറ്റ് പ്രധാന കാഴ്ചകള്. മഹാവീര ജയന്തി, ജന്മാഷ്ടമി, ചാത്ത് പൂജ എന്നിവ ഇവിടെ ഏറെ വര്ണ്ണാഭമായ ആഘോഷിക്കപ്പെടുന്നവയാണ്.
സന്ദര്ശന യോഗ്യമായ കാലം
ശക്തമായ മഴക്കാലവും, നല്ല തണുപ്പുള്ള ശൈത്യകാലവും, കടുത്ത വേനലുമാണ് നവാധയില് അനുഭവപ്പെടുന്നത്. സെപ്തംബര് മുതല് മാര്ച്ച് വരെയുള്ള കാലമാണ് നവാധ സന്ദര്ശനത്തിന് അനുയോജ്യം. എന്നിരുന്നാലും വേനല്ക്കാലത്തും കാകോലാത്ത് കുന്നുകളുടെ ഭംഗി ആസ്വദിക്കാനായി സഞ്ചാരികള് ഇവിടെയത്താറുണ്ട്.
എങ്ങനെ എത്തിച്ചേരാം?
സഞ്ചാരികളുടെ സൗകര്യാര്ത്ഥം റോഡ് മാര്ഗ്ഗത്തിലോ, റെയില്വേ വഴിയോ നവാധയിലെത്തിച്ചേരാം.
