കേരളത്തിൽ ട്രെയിൻ സർവീസുകളിൽ മാറ്റം, ചെന്നൈ- ഗുരുവായൂർ, പരശുറാം എക്സ്പ്രസുകൾ ഭാഗികമായി റദ്ദാക്കി,മാറ്റങ്ങൾ

കേരളത്തിലെ ട്രെയിൻ യാത്രക്കാരുടെ ശ്രദ്ധയ്ക്ക്... സംസ്ഥാനത്തെ പ്രധാന ട്രെയിനുകളായ പരശുറാം ഉൾപ്പെടെയുള്ളവയുടെ സർവീസിൽ മാറ്റം. തിരുവനന്തപുരം ജില്ലയിലെ നെയ്യാറ്റിൻകരയ്ക്കും പാറശ്ശാലയ്ക്കും ഇടയിലുള്ള 74-ാം നമ്പർ പാലത്തിന്റെ റീഗ്രൈഡറിംഗിനായുള്ള ലൈൻ ബ്ലോക്ക് പ്രവർത്തികൾ കണക്കിലെടുത്താണ് മാറ്റം. ഭാഗിക റദ്ദാക്കൽ/ഹ്രസ്വകാല അവസാനിപ്പിക്കൽ/ട്രെയിൻ സർവീസുകളുടെ ആരംഭത്തിൽ മാറ്റം എന്നിങ്ങനെ സർവീസുകളില് മാറ്റുണ്ടാകും.

ചെന്നൈ എഗ്മോർ - ഗുരുവായൂർ എക്സ്പ്രസ്, ഗുരുവായൂര്‍ - ചെന്നൈ എഗ്മോർ എക്സ്പ്രസ്, മംഗളൂരു സെൻട്രൽ - കന്യാകുമാരി പരശുരാം എക്സ്പ്രസ്, കന്യാകുമാരി - മംഗളൂരു സെൻട്രൽ പരശുരാം എക്സ്പ്രസ് എന്നീ ട്രെയിനുകളുടെ സർവീസിലാണ് മാറ്റമെന്ന് ദക്ഷിണ റെയിൽവേ പുറത്തിറക്കിയ കുറിപ്പിൽ അറിയിച്ചു. മാർച്ച് 28, 29 തിയതികളിൽ ട്രെയിൻ ഭാഗികമായി റദ്ദാക്കും. സർവീസിലെ മാറ്റങ്ങള്‌ വിശദമായി അറിയാം.

1. ചെന്നൈ എഗ്മോർ - ഗുരുവായൂർ എക്സ്പ്രസ്
ട്രെയിന്‍ നമ്പർ 16127 ചെന്നൈ എഗ്മോർ - ഗുരുവായൂർ എക്സ്പ്രസ് മാർച്ച് 28 വെള്ളിയാഴ്ച നാഗർകോവില്‌ ടൗൺ റെയിൽവേ സ്റ്റേഷനിൽ സർവീസ് അവസാനിപ്പിക്കും. നാഗർ കോവിൽ ടൗണിനും ഗുരുവായൂരിനും ഇടയിലുള്ള ട്രെയിൻ സർവീസ് ഭാഗികമായി റദ്ദാക്കി.

2. ഗുരുവായൂര്‍ - ചെന്നൈ എഗ്മോർ എക്സ്പ്രസ്,

ട്രെയിന്‍ നമ്പർ 16128 ഗുരുവായൂര്‍ - ചെന്നൈ എഗ്മോർ എക്സ്പ്രസ്
മാർച്ച് 29 ശനിയാഴ്ച നാഗർകോവിൽ നിന്ന് സർവീസ് ആരംഭിക്കും. ഗുരുവായൂരിനും നാഗർകോവിൽ ടൗണിനും ഇടയിലുള്ള ട്രെയിൻ സർവീസ് ഭാഗികമായി റദ്ദാക്കി.

3. മംഗളൂരു സെൻട്രൽ - കന്യാകുമാരി പരശുരാം എക്സ്പ്രസ്
ട്രെയിന്‍ നമ്പർ 16649 മംഗളൂരു സെൻട്രൽ - കന്യാകുമാരി പരശുരാം എക്സ്പ്രസ്
28 വെള്ളിയാഴ്ച തിരുവനന്തപുരം സെൻട്രൽ റെയിൽവേ സ്റ്റേഷനിൽ സർവീസ് അവസാനിപ്പിക്കും. തിരുവനന്തപുരം സെൻട്രലിനും കന്യാകുമാരിക്കും ഇടയിലുള്ള സർവീസ് ഭാഗകമായി റദ്ദാക്കി.

4. കന്യാകുമാരി - മംഗളൂരു സെൻട്രൽ പരശുരാം എക്സ്പ്രസ്
ട്രെയിൻ നമ്പര്‍ 16650 കന്യാകുമാരി - മംഗളൂരു സെൻട്രൽ പരശുരാം എക്സ്പ്രസ് മാർച്ച് 29 ശനിയാഴ്ച തിരുവനന്തപുരം സെൻട്രൽ റെയിൽവേ സ്റ്റേഷനിൽ നിന്ന് സർവീസ് ആരംഭിക്കും. കന്യാകുമാരിക്കും തിരുവനന്തപുരം സെൻട്രലിനും ഇടയിലുള്ള സർവീസ് ഭാഗകമായി റദ്ദാക്കി.