Click it and Unblock the Notifications
2022 ലെ അവസാനത്തെ സൂര്യഗ്രഹണത്തിന് സാക്ഷ്യം വഹിക്കുവാൻ ഒരുങ്ങുകയാണ് ലോകം. ഈ വര്ഷത്തെ രണ്ടാമത്തെ ഭാഗിക ഗ്രഹണം കൂടിയായിരിക്കും അന്നു നടക്കുക. ഒക്ടോബർ 25ന് നടക്കുന്ന സൂര്യഗ്രഹണത്തിന് ഒരു ദിവസം മുൻപേയാണ് ഈ വർഷത്തെ ഈ വർഷത്തെ ദീപാവലി നടക്കുക എന്ന പ്രത്യേകതയും ഉണ്ട്. 2022 ലെ അവസാന സൂര്യഗ്രഹണത്തെക്കുറിച്ചും അതിന്റെ സമയം, ഇന്ത്യയിൽ എവിടെയൊക്കെ ദൃശ്യമാകും എന്നതിനെക്കുറിച്ചും വായിക്കാം
2022 ലെ അവസാന സൂര്യഗ്രഹണം
നേരത്തെ പറഞ്ഞതുപോലെ ഈ വർഷത്തെ അവസാന സൂര്യഗ്രഹണം ഒക്ടോബർ 25 ചൊവ്വാഴ്ചയാണ് നടക്കുക. വൈകുന്നേരം 4:29 ന് ആരംഭിച്ച് 5:42 ന് അവസാനിക്കുന്ന രീതിയിലായിരിക്കും ഗ്രഹണം സംഭവിക്കുക. ഭാഗിക സൂര്യഗ്രഹണം ആയിരിക്കും ഇതെന്ന പ്രത്യേകതയും ഉണ്ട്.
ഭാഗിക സൂര്യഗ്രഹണം
നമുക്കറിയാവുന്നതുപോലെ , ഒരു നേർരേഖയിൽ ചന്ദ്രൻ, ഭൂമി, സൂര്യൻ എന്നിവ വരുമ്പോഴാണ് സൂര്യഗ്രഹണം നടക്കുന്നത്. ഈ സമയത്ത് സൂര്യനെ ചന്ദ്രന് മറയ്ക്കുകയും അങ്ങനെ ചന്ദ്രന്റെ നിഴല് ഭൂമിയില് പതിക്കുകയും ചെയ്യുകയാണ് ചെയ്യുന്നത്.
എന്നാൽ ഭാഗിക സൂര്യഗ്രഹണം നടക്കുമ്പോൾ ചന്ദ്രന് സൂര്യനെ പൂർണ്ണമായും മൂടുന്നില്ല, അതുകാരണം പാതി കടിച്ചതു പോലെ തോന്നിക്കുന്ന രൂപത്തിലായിരിക്കും ചന്ദ്രനെ കാണുവാൻ സാധിക്കുക.
ഈ സമയത്ത് ഇന്ത്യയുടെ മിക്ക ഭാഗങ്ങളും ഈ ഗ്രഹണത്തിന്റെ ഏതെങ്കിലും രൂപത്തിന് സാക്ഷ്യം വഹിക്കും, വടക്കുപടിഞ്ഞാറൻ സംസ്ഥാനങ്ങളിൽ മാത്രമേ സൂര്യന്റെ 40% ത്തിലധികം ചന്ദ്രനെ മൂടാൻ സാധ്യതയുള്ളൂ. ഇന്ത്യയിൽ, ഉത്തരേന്ത്യൻ സംസ്ഥാനങ്ങളിൽ വൈകുന്നേരം 4:30 ന് ഗ്രഹണം ആരംഭിക്കും 6:30 വരെ ഗുജറാത്തിലും രാജസ്ഥാനിലും ഇതിന്ഡറെ ദൃശ്യങ്ങൾ കാണാം. യൂറോപ്പിന്റെ ഭൂരിഭാഗം, വടക്കൻ ആഫ്രിക്ക, മിഡിൽ ഈസ്റ്റ്, ഏഷ്യയുടെ പടിഞ്ഞാറൻ ഭാഗങ്ങൾ എന്നിവിടങ്ങളിൽ നിന്നും ഇത് ദൃശ്യമാകും.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
