മകരവിളക്ക്,പൊങ്കൽ അവധി കഴിഞ്ഞ് മടങ്ങാം, തിരുവനന്തപുരത്ത് നിന്ന് പ്രത്യേക ട്രെയിൻ നാളെ

പൊങ്കൽ, മകരവിളക്ക് ആഘോഷങ്ങൾക്കായി മറുനാട്ടിൽ നിന്നും മലയാളികൾ നാട്ടിലെത്തിയ സമയമാണിത്. നീണ്ട അവധിയും വാരാന്ത്യവും ഒക്കെ ഇവിടെ ചെലവഴിച്ച് മടങ്ങാനുള്ള പ്ലാനിലാണ് മിക്കവരും. അവധി കഴിയുന്നതോടെ തിരികെ ജോലിസ്ഥലത്തേയ്ക്ക് മടങ്ങാനുള്ള തിരക്കിലാവും എല്ലാവരും. ഈ സമയത്തെ ആളുകളുടെ ആവശ്യകത പരിഗണിച്ച് റെയില്‍വേ കേരളത്തിൽ നിന്നും പ്രത്യേക ട്രെയിൻ സർവീസുകള്‌ നടത്തുന്നു.

ഇപ്പോഴിതാ, ദക്ഷിണ റെയില്‍വേ തിരുവനന്തപുരത്ത് നിന്ന് ആന്ധ്രാ പ്രദേശിലെ വിജയവാഡയിലേക്ക് കുറഞ്ഞ സ്റ്റോപ്പുകളോടെ പ്രത്യേക ട്രെയിൻ സര്‍വീസ് പ്രഖ്യപിച്ചിരിക്കുകയാണ്. അവധി കഴിഞ്ഞ് മടങ്ങുന്നവർക്കായി തിരുവനന്തപുരം- കോട്ടയം- എറണാകുളം- പാലക്കാട് - തിരുപ്പൂർ - സേലം - ആരക്കോണം - ഓംഗോളെ - തെനാലി വഴി വിജയവാഡയിലെത്തുന്ന വിധത്തിലാണ് ക്രമീകരിച്ചിരിക്കുന്നത്.

ട്രെയിൻ നമ്പര്‍ 06152 തിരുവനന്തപുരം നോർത്ത് (കൊച്ചുവേളി) - വിജയവാഡ പൊങ്കൽ 2025 മകരവിളക്ക് പ്രത്യേക ട്രെയിൻ ജനുവരി 15 ബുധനാഴ്ച രാത്രി 1.00 മണിക്ക് പുറപ്പെട്ട് വ്യാഴാഴ്ച പുലർച്ചെ 5.20 ന് വിജയവാഡയിൽ എത്തുന്ന വിധത്തിലാണ് ക്രമീകരണം.

തിരുവന്തപുരം നോർത്ത് - 1.55 AM
കൊല്ലം - 2.55 AM
ചെങ്ങന്നൂർ - 3.25 AM
തിരുവല്ല - 3.40 AM
കായംകുളം - 4.03 AM
എറണാകുളം നോർത്ത് - 5.05 AM
തൃശൂർ - 6.10 AM
പാലക്കാട് - 7.50 AM
പോത്തനൂർ - 8.10 AM
തിരുപ്പൂർ - 8.47 AM
ഈറോഡ് - 9.25 AM
സേലം - 12.15 PM
ജോളാർപേട്ട - 1.35 PM
കൃപാരം - 2.15 PM
അരക്കോണം - 3.17 PM
പെരമ്പൂർ - 4.12 PM
ഗൂഡൂർ - 10.33 PM
നെല്ലൂർ - 10.43 PM
ഓങ്ങോൾ - 12.03 AM
ചിറാല - 2.03 AM
തെനാലി - 2.43 AM
വിജയവാ- - 5.20 AM