ചെന്നൈ എഗ്മോർ - മംഗളൂരു എക്സ്പ്രസ് ഇനി നേരത്തേ എത്തും, പുതുക്കിയ സമയക്രമം അറിയാം

ട്രെയിൻ യാത്രക്കാരുടെ ശ്രദ്ധയ്ക്ക്, കേരളത്തിലൂടെ സർവീസ് നടത്തുന്ന രണ്ട് ട്രെയിനുകളുടെ സമയത്തിൽ മാറ്റം വരുത്തി ദക്ഷിണ റെയിൽവേ. ചെന്നൈ എഗ്മോർ - മംഗളൂരു സെൻട്രൽ എക്സപ്രസ്, ലോകമാന്യതിലക് - മംഗളൂരു സെൻട്രൽ മത്സ്യഗന്ധ എക്സ്പ്രസ് എന്നീ രണ്ടു ട്രെയിനുകളുടെ സമയക്രമമാണ് റെയിൽവേ മാറ്റിയത്. ചില സ്റ്റേഷനുകളിൽ എത്തിച്ചേരുന്ന സമയത്തിലാണ് മാറ്റം. പുതിയ സമയക്രമം ജൂൺ 24 തിങ്കളാഴ്ച മുതല്‍ നിലവിൽ വരും.

ട്രെയിൻ നമ്പർ 16159 ചെന്നൈ എഗ്മോർ - മംഗളൂരു സെൻട്രൽ എക്സ്പ്രസ് തിങ്കളാഴ്ച മുതൽ 5.00 മിനിറ്റ് നേരത്തെ വിവിധ സ്റ്റേഷനുകളിലെത്തും. ട്രെയിൻ തിരൂർ, താനൂർ, പരപ്പനങ്ങാടി, കടലുണ്ടി സ്റ്റേഷനുകളിൽ എത്തിച്ചേരുകയും പുറപ്പെടുകയും ചെയ്യുന്ന സമയത്തിലാണ് മാറ്റം വരുത്തിയിരിക്കുന്നത്. യാത്രക്കാർ പുതിയ സമയക്രമമനുസരിച്ച് യാത്ര ക്രമീകരിക്കേണ്ടതാണ്.

16159 ചെന്നൈ എഗ്മോർ - മംഗളൂരു സെൻട്രൽ എക്സ്പ്രസ് പുതുക്കിയ സമയക്രമം

എല്ലാ ദിവസവും രാവിലെ 11:15ന് ചെന്നൈ എഗ്മോറിൽ നിന്ന് പുറപ്പെടുന്ന ട്രെയിൻ പിറ്റേന്ന് രാവിലെ 11:20 ന് പാലക്കാട് എത്തിച്ചേരുന്നത്. ഈ യാത്രയിൽ തിരൂർ, താനൂർ, പരപ്പനങ്ങാടി, കടലുണ്ടി എന്നീ സ്റ്റേഷനുകളിൽ എത്തിച്ചേരുന്നതും യാത്ര തുടരുന്നതമായ സമയത്തിൽ മാത്രമാണ് മാറ്റം. പാലക്കാട് നിന്ന് ഒറ്റപ്പാലം, ഷൊർണൂർ, പട്ടാമ്പി എന്നീ സ്റ്റേഷനുകളിൽ എത്തിച്ചേരുന്ന സമയം പഴയത് തുടരും. തുടർന്ന് തിരൂർ 13:23 ന് എത്തിച്ചേർന്ന് 13:24 ന് സ്റ്റേഷൻ വിടും (പഴയ സമയം 13:28/13:30). താനൂര്‍ സ്റ്റേഷനിൽ 13:33 ന് എത്തി 13:34 ന് യാത്ര തുടരും, പഴയ സമയം (13:39/13:40).

തുടർന്ന് പരപ്പനങ്ങാടിയിൽ 13:42 ന് എത്തി 3:43 ന് സ്റ്റേഷൻ വിടും (പഴയ സമയം 13:49/13:50).
കടലുണ്ടിയിൽ 13:52 ന് എത്തി 13:53 ന് വിടും (പഴയ സമയം13:52/13:53).
ഫറോക്കിൽ 13:59 ന് എത്തി 14:00 ന് വിടും (പഴയ സമയം 14:09/14:10). തുടർന്ന് കോഴിക്കോട് മുൻപ് വരുന്ന അതേ സമയത്ത് തന്നെ ട്രെയിൻ എത്തിച്ചേരും. തുടർന്ന് മംഗളൂരുവിലേക്കും പതിവ് പോലെ സർവീസ് നടത്തും. കണ്ണൂർ, കാസർകോട് വഴി സർവീസ് തുടരുന്ന ട്രെയിൻ കണ്ണൂരിൽ 16:20 നും കാസർകോഡ് 17:48 നും മംഗളരു സെൻട്രൽ സ്റ്റേഷനിൽ 19:15 നും നും എത്തിച്ചേരും.

മത്സ്യഗന്ധ എക്സ്പ്രസ് 12619 പുതുക്കിയ സമയക്രമം

ലോകമാന്യതിലക് ടെർമിനസ് - മംഗളൂര സെൻട്രൽ മത്സ്യഗന്ധ എക്സ്പ്രസ് ട്രെയിന്‍ നമ്പർ 12619 മംഗളൂരു സെൻട്രൽ സ്റ്റേഷനിൽ എത്തിച്ചേരുന്ന സമയത്തിലാണ് മാറ്റം. ലവിൽ 10:10ന് മംഗളൂരു സെൻട്രലിൽ എത്തിച്ചേരുന്ന ട്രെയിൻ ഇനിമുതൽ 10:20ന് മാത്രമേ എത്തുകയുള്ളൂ. ജൂൺ 24 തിങ്കളാഴ്ച മുതലാണ് സമയ മാറ്റം.