Click it and Unblock the Notifications
ചമ്പാനര് ചരിത്രനഗരത്തിന് സമീപത്തുള്ള പാവഗഢ് മഹാകാളിയുടെ ചൈതന്യം കുടികൊള്ളുന്ന സ്ഥലം എന്ന നിലയില് പ്രസിദ്ധമാണ്. കാലത്തിന്റെ നിരവധി പരീക്ഷണങ്ങളെ മറികടന്നാണ് മഹാകാളി ക്ഷേത്രം പാവഗഢ്കുന്നിന് മുകളില് തലയുയര്ത്തി നില്ക്കുന്നത്. മഹമൂദ് ബെഗ്ദ ചമ്പാനര് പിടിച്ചടക്കിയ കാലഘട്ടത്തെ പോലും അതിജീവിക്കാന് സാധിച്ചു എന്നത് ഈ ക്ഷേത്രത്തിന്റെ മഹാത്മ്യത്തെ എടുത്തുകാണിക്കുന്നു.
ഋതുഭേദമന്യേ തീര്ത്ഥാടകര് ഒഴുകിയെത്തുന്ന ക്ഷേത്രമാണ് പാവഗഢിലെ മഹാകാളി ക്ഷേത്രം. റോപ് വേ വഴിയോ കാല്നടയായോ നിങ്ങള്ക്ക് ക്ഷേത്രത്തിലെത്താം. ശ്രീകോവിലിനുള്ളില് മാതാ കാളികയുടെ വിഗ്രഹം കാണാം. ഉടല്ഭാഗമില്ലാത്ത ഈ വിഗ്രഹത്തില് കാണാനാവുക ചുവന്ന നിറത്തിലുള്ള ദേവിയുടെ മുഖമാണ്. മഹാകാളിയുടെ പൂര്ണകായ വിഗ്രഹങ്ങള്, ബഹുചരയുടെ താന്ത്രിക യന്ത്രങ്ങള് എന്നിവയും ക്ഷേത്രത്തിലുണ്ട്.
സോളാങ്കി രജപുത്രര് പണികഴിപ്പിച്ച കോട്ട പാവഗഢിലെ കൗതുകക്കാഴ്ചയാണ്. കാലങ്ങള്ക്ക് മുന്പേ പണിത കോട്ട ഇപ്പോഴും പൂര്ണമായി നശിക്കാതെ ഇവിടെയുണ്ട്. കോട്ടയുടെ ഉള്ഭാഗത്തായി പത്താം നൂറ്റാണ്ടിലേതെന്ന് കരുതപ്പെടുന്ന ഒരു ഹിന്ദു ക്ഷേത്രം കാണാം. ഈ ക്ഷേത്രത്തിനുപുറമെ പതിനഞ്ചാം നൂറ്റാണ്ടിന് മുന്പായി നാഗര മാതൃകയില് പണികഴിപ്പിച്ചിട്ടുള്ള ഹിന്ദു ക്ഷേത്രങ്ങളും, ജൈന ക്ഷേത്രങ്ങളും കോട്ടയിലുണ്ട്.
