Click it and Unblock the Notifications
കര്ണാടകത്തിലെ ഉത്തര കന്നഡ ജില്ലയില് വാഡിരാജ മഠത്തിന് സമീപത്തായുള്ള ചെറു ക്ഷേത്രനഗരമാണ് സോണ്ട അഥവാ സോടെ. ഇതിന് സമീപത്തായാണ് പ്രസിദ്ധമായ സിര്സി നഗരം സ്ഥിതിചെയ്യുന്നത്. പതിനാറാം നൂറ്റാണ്ട് മുതല് പതിനെട്ടാം നൂറ്റാണ്ട് വരെ ഇവിടെ ഭരിച്ചിരുന്നത് സ്വാതി രാജാക്കന്മാരായിരുന്നു. ഇക്കാലഘട്ടത്തിലെ പ്രധാനപ്പെട്ട ഒരു നഗരമായിരുന്നു സോണ്ട. മാധ്വാചാര്യരുടെ ദൈ്വത സിദ്ധാന്തം പ്രചരിപ്പിക്കുന്നതിനായി ശ്രീ വാഡിരാജരാണ് ഇവിടെ മഠം സ്ഥാപിച്ചത്. സമുദ്രനിരപ്പില് നിന്നും ഏതാണ്ട് രണ്ടായിരം മീറ്റര് ഉയരത്തിലാണ് ഈ നഗരം.
സോണ്ടയിലെ കാഴ്ചകള്
സ്ഥിതിയുടെ ദേവനായ മഹാവിഷ്ണുവിന്റെ അവതാരമായ ത്രിവിക്രമന്റെ പേരിലുള്ള അമ്പലമാണ് സോണ്ടയിലെ ഏറ്റവും പ്രധാനപ്പെട്ട ആകര്ഷണം. ഉത്സവാഘോഷ സമയത്ത് മാത്രം ഉപയോഗിച്ചുവരുന്ന ഒരു കരിങ്കല്രഥവും ഇവിടെ കാണാം. ശ്രീകോവിലില് ത്രിവിക്രമന് കുടിയിരിക്കുന്നു. ത്രിവിക്രമന്റെ സഹധര്മിണിയായ ശ്രീ മഹാലക്ഷ്മിയെയും രഥത്തിനുള്ളില് കാണാന് സാധിക്കും. 24 പടികള് കയറിവേണം ഇവിടെയെത്താന്. ഇതിനൊക്കെ പുറമേ അടുക്കളയും സ്റ്റോര് മുറിയും പൂജാമുറിയും ഇവിടെ കാണാന് സാധിക്കും.
ഒരുപാട് പഴക്കം ചെന്ന നിരവധി കോട്ടകള് ഇവിടെയുണ്ട്. ചെറുതും പഴയതുമായ നിരവധി പീരങ്കികളും ഇവിടെ കാണാം. അകലാങ്കമഠം, സ്വര്ണവല്ലി മഠം എന്നിങ്ങനെ രണ്ട് മഠങ്ങള് കൂടി വാഡിരാജമഠത്തിന് സമീപത്തായുണ്ട്. വെങ്കടരമണ ദേവനുവേണ്ടി സമര്പ്പിച്ച ഒരു ക്ഷേത്രവും ഒരു ജൈന ബസ്തിയും ഇവിടെയുണ്ട്. ചരിത്രപരവും മതപരവുമായ പ്രാധാന്യങ്ങളുള്ള സോണ്ടയിലെ ക്ഷേത്രങ്ങളും ജൈന ബസ്തിയും മറ്റ് കാഴ്ചകളും സഞ്ചാരികള്ക്ക് ഏറെ പ്രിയം പകരുമെന്ന കാര്യം ഉറപ്പാണ്.
