രത്തൻഗഡ് ‌- കോണികയറി ചെന്നാൽ കോട്ട കാണാം

കോണികയറി കോട്ട കയറാം

പാറക്കെട്ടുകൾക്ക് ഇടയിൽ സ്ഥാപിച്ച രണ്ട് കോണിപ്പടികളിൽ കൂടിയാണ് നമ്മൾ കോട്ടയ്ക്കുള്ളിൽ പ്രവേശിക്കുന്നത്. കോണിപ്പടി കയറുന്നത് അത്ര സുഖകരമായ കാര്യമല്ല. ഒരു കോണിയുടെ കൈവരി അപകടകരമായ അവസ്ഥയിലാണ്. രണ്ടാമത്തെ കോണിക്കാകട്ടെ കൈവരിയില്ല. ഇത്തരത്തിലുള്ള യാത്രയാണ് ഇവിടെ ത്രില്ലടിപ്പിക്കുന്ന കാര്യം.

Photo:Elroy Serrao

പ്രവേശന കവാടം

കോണികയറി നമ്മൾ എത്തിച്ചേരുന്നത് കോട്ടയുടെ പ്രവേശനകവാടത്തിലാണ്. വസന്തകാലത്താണ് നിങ്ങളുടെ യാത്രയെങ്കിൽ പ്രവേശനകവാടത്തിൽ സുന്ദരമായ മഞ്ഞപൂക്കൾ നിങ്ങൾക്ക് കാണാം.

Photo:Elroy Serrao

രഹസ്യ കവാടം

കോട്ടയുടെ ചുവരുകൾക്ക് അടിയിലൂടെ പുറത്തേക്ക് പോകാൻ ഒരു രഹസ്യകവാടമുണ്ട്. ചോർ ദർവാസ എന്നാണ് ഇത് അറിയപ്പെടുന്നത്.

Photo:Elroy Serrao

ആയുധശേഖരം

മുഗൾഭരണകാലത്താണ് ഈ കോട്ട നിർമ്മിക്കപ്പെട്ടതെന്നാണ് കരുതപ്പെടുന്നത്. തുടർന്ന് മുഗള‌ന്മാരിൽ നിന്ന് ശിവാജി ഈ കോട്ട
പിടിച്ചടക്കുകയായിരുന്നു. ശത്രുക്കളെ തുരത്തിയോടിക്കാൻ ഈ കോട്ടയിൽ വലിയ ഒരു പീരങ്കി സ്ഥാപിച്ചിട്ടുണ്ട്.
Photo: Elroy Serrao

കാവൽപ്പുര

പീരങ്കി സ്ഥാപിക്കാനും കാവൽഭടൻ‌മാർക്ക് നിൽക്കാനുമായുള്ള ഒരു നിരീക്ഷണ ഗോപുരം ഈ കോട്ടയിൽ നമുക്ക് കാണാം.

Photo:Sriharsha.totakura

സൂചിക്കുഴൽ

കോട്ടയുടെ മുകളിൽ എത്തുമ്പോൾ പ്രകൃത്യ ഉണ്ടായ ഒരു ദ്വാരം കാണാം നേദേ എന്നാണ് ഇത് അറിയപ്പെടുന്നത്. സൂചിക്കുഴൽ എന്നാണ് ഈ വാക്കിന്റെ അർത്ഥം.

Photo: Elroy Serrao

ആ കാഴ്ച

ട്രെക്കിംഗ് അവസാനിക്കുന്നിടത്ത് നിന്നുള്ള സുന്ദരമായ കാഴ്ചയാണ് ഇത്. ഇവിടെ നിന്ന് നോക്കിയാൽ നേദേ കാണാം

Photo: Elroy Serrao

ജലശേഖരം

ഏത് കാലാവസ്ഥയിലും ഇവിടെ ശുദ്ധജലം സുലഭമാണ്. നിരവധി മഴവെള്ള സംഭരണികൾ ഈ മലമുകളിൽ നമുക്ക് കാണാൻ കഴിയും.
Photo: Elroy Serrao

അമൃതേശ്വര ക്ഷേത്രം

രത്തൻവാഡിയിൽ എത്തുമ്പോൾ ഇവിടുത്തെ അതിപ്രാചീനമായ അമൃതേശ്വർ ക്ഷേത്രം സന്ദർശിക്കാൻ മറക്കരുത്. എട്ടാം നൂറ്റാണ്ടിൽ
നിർമ്മിച്ചതാണ് ഈ ക്ഷേത്രം.

Photo: www.win7wallpapers.com