മൂന്നാറിനേക്കുറിച്ച് നിങ്ങള്‍ അറിയാന്‍ ആഗ്രഹിക്കുന്ന കാര്യങ്ങള്‍

മൂന്ന് ആറുകൾ

മധുരപ്പുഴ, നല്ലത്തന്നി, കണ്ടലി എന്നിങ്ങനെ മൂന്ന് പുഴകളുമായി ബന്ധപ്പെട്ടാണ് ഈ സ്ഥലത്തിന് മൂന്നാര്‍ എന്ന പേരുവീണത്.
Photo Courtesy: { pranav }

വിദേശ സഞ്ചാരികൾ

കേരളത്തിന് പുറത്തും ഏറെ പ്രശസ്തമാണ് മൂന്നാര്‍. രാജ്യത്തിനകത്തുനിന്നും പുറത്തുനിന്നും ആയിരക്കണക്കിനാളുകളാണ് എല്ലാവര്‍ഷവും ഈ മലയോരത്ത് എത്തുന്നത്.
Photo Courtesy: Ramkumar

തമിഴ് ബന്ധം

തമിഴ്‌നാടുമായി വളരെ അടുത്തുകിടക്കുന്ന സ്ഥലമാണിത്. അതിനാല്‍ത്തന്നെ സാംസ്‌കാരികമായ ഒരു സങ്കലനം മൂന്നാറിലെ ജനതയിലും സംസ്‌കാരത്തിലും കാണാന്‍കഴിയും.
Photo Courtesy: Jean-Pierre Dalbéra

ബ്രിട്ടീഷുകാരുടെ സുഖവാസ കേന്ദ്രം

കോളനിവാഴ്ചക്കാലത്തേ തുടങ്ങുന്നതാണ് ഒരു അവധിക്കാലകേന്ദ്രമെന്നനിലയിലുള്ള മൂന്നാറിന്റെ പ്രസക്തി. മൂന്നാറിലെ സുഖമേറിയ കാലാവസ്ഥയുടെയും മനോഹരമായ പ്രകൃതിയുടെയും സാധ്യത ആദ്യം തിരിച്ചഞ്ഞറിഞ്ഞത് ബ്രിട്ടീഷുകാരാണ്.
Photo Courtesy: { pranav }

തേയിലത്തോട്ടങ്ങൾ

തേയിലകൃഷിയ്ക്ക് അനുയോജ്യമായ സ്ഥലമാണെന്ന് കണ്ട ബ്രിട്ടീഷുകാര്‍ ഇവിടെ തേയിലത്തോട്ടങ്ങള്‍ തുടങ്ങി. തോട്ടങ്ങളിലെ പണിയ്ക്കായി വന്ന തൊഴിലാളികളും ബ്രിട്ടീഷ് ഉദ്യോഗസ്ഥരുമായിരുന്നു ആദ്യകാലത്ത് ഇവിടുത്തെ താമസക്കാര്‍.
Photo Courtesy: Koen

പ്രഖ്യാപനം 2000‌ൽ

2000ത്തിലാണ് കേരളസര്‍ക്കാര്‍ മൂന്നാറിനെ വിനോദസഞ്ചാരകേന്ദ്രമായി പ്രഖ്യാപിച്ചത്

Photo Courtesy: syam

സുന്ദരമായ കാലാവസ്ഥ

ഇപ്പോഴും കേരളത്തിലെ വേനല്‍ക്കാല വിനോദകേന്ദ്രങ്ങളില്‍ പ്രമുഖസ്ഥാനത്താണ് മൂന്നാര്‍. കേരളത്തില്‍ അധികം സ്ഥലങ്ങളില്‍ അനുഭവിയ്ക്കാന്‍ കഴിയാത്ത കാലാവസ്ഥയും മനോഹരമായ പ്രകൃതിയും അസംഖ്യം ജീവജാലങ്ങളുമുള്‍പ്പെടുന്ന മൂന്നാര്‍ കേരളത്തിന് ടൂറിസം മേഖലയില്‍ ഏറെ അഭിമാനമുണ്ടാക്കുന്ന ഒന്നാണെന്ന് പറയാതെ തരമില്ല.
Photo Courtesy: { pranav }

പ്രകൃതി സ്നേഹികളുടെ പറുദീസ

വെറുമൊരു വിനോദസഞ്ചാരകേന്ദ്രമെന്നതിലുമുപരി, കാണാനും മനസ്സിലാക്കാനും ഒട്ടേറെ കാര്യങ്ങളുള്ള സ്ഥലമാണിത്. പ്രകൃതിസ്‌നേഹികളെ സംബന്ധിച്ച് ഒരു പറുദീസമാണ് മൂന്നാര്‍.
Photo Courtesy: Ramesh NG

അവധിക്കാലം ആഘോഷിക്കാൻ

അവധിക്കാലം ആഘോഷിയ്ക്കാന്‍ എത്തുന്നവര്‍ക്ക് ഒട്ടേറെ സാധ്യതകളാണ് മൂന്നാറിലുള്ളത്. മൂന്നാറിലെ സൈറ്റ്‌സീയിങ് നന്നായി ആസ്വദിക്കാന്‍ കഴിയുന്ന ഒന്നാണ്. ഇതിനുള്ള പ്രധാനകാരണം ഒട്ടും അലോസരപ്പെടുത്താത്ത കാലാവസ്ഥതന്നെയാണ്.
Photo Courtesy: Marcin Wichary

ബൈക്കിംഗ്

ബൈക്കില്‍ ഉയരമേറിയ സ്ഥലങ്ങളിലേയ്ക്ക് യാത്രചെയ്യുന്നവര്‍ക്കും ട്രക്കിങ് പ്രിയര്‍ക്കുമെല്ലാം മൂന്നാര്‍ ഇഷ്ടലൊക്കേഷനാകുന്നതും ഇതുകൊണ്ടുതന്യൊണ്. അസ്സല്‍ ട്രക്കിങ്, ബൈക്കിങ് ട്രെയിലുകളാണ് ഇവിടുത്തേത്.
Photo Courtesy: Liji Jinaraj

പുൽമേടുകൾ

വിശാലമായിക്കിടക്കുന്ന പുല്‍മേടുകളുടെ സൗന്ദര്യം ആസ്വദിയ്ക്കാനിഷ്ടമുള്ളവര്‍ക്ക് ഇഷ്ടം പോലെ സ്ഥലങ്ങളുണ്ടിവിടെ.
Photo Courtesy: Liji Jinaraj

പക്ഷി നിരീക്ഷണം

പക്ഷിനിരീക്ഷണം മൂന്നാറിലെ പ്രധാന വിനോദങ്ങളില്‍ ഒന്നാണ്. അനേകതരത്തില്‍പ്പെട്ട പക്ഷികളുള്ള സ്ഥലമാണിത്.
Photo Courtesy: Ramanathan Kathiresan

എല്ലാവർക്കും പ്രിയങ്കരം

ഹണിമൂണ്‍ ആഘോഷിക്കാനെത്തുന്നവര്‍ക്കും, സാഹസികതയിലേര്‍പ്പെടാനാഗ്രഹിയ്ക്കുന്ന യുവാക്കള്‍ക്കും ഏകാകികളായി യാത്രചെയ്യുന്നവര്‍ക്കുമെല്ലാം മൂന്നാര്‍ ഒരു സ്വര്‍ഗ്ഗീയാനുഭൂതി തന്നെയാണ് സമ്മാനിയ്ക്കുകയെന്നതില്‍ സംശയം വേണ്ട.
Photo Courtesy: Adams Homestay Cochin

ഇരവികുളം

മൂന്നാറിലെ പ്രധാന ആകര്‍ഷണങ്ങളിലൊന്നാണ് ഇരവികുളം ദേശീയോദ്യാനം. നീലഗിരി മേഖലയില്‍ മാത്രം കാണുന്ന തദ്ദേശീയ ജീവിവര്‍ഗ്ഗമായ വരയാടുകളുടെ(നീലഗിരി താര്‍) വാസസ്ഥാനമെന്നതരത്തില്‍ ശ്രദ്ധേയമാണ് ദേശീയോദ്യാനം.
Photo Courtesy: Jiths

ആനമുടി ട്രെക്കിംഗ്

തെക്കേഇന്ത്യയിലെ ഏറ്റവും ഉയരമേറിയ ഗിരിശിഖരമായ ആനമുടി ഇരവികുളം ദേശീയോദ്യാനത്തിനുള്ളിലാണ്. ആനമുടിയില്‍ 2700 മീറ്ററോളും ഉയരത്തില്‍ ട്രക്കിങ് നടത്താന്‍ സാധിയ്ക്കും, ഇതിന് നേരത്തേ വനംവകുപ്പില്‍ നിന്നും അനുമതി വാങ്ങണമെന്നുമാത്രം.
Photo Courtesy: Vinoth Chandar

മട്ടുപ്പെട്ടി

മൂന്നാറില്‍ നിന്നും 13 കിലോമീറ്റര്‍ അകലെയാണ് മാട്ടുപ്പെട്ടി, ഇതും പ്രധാനമായ ഒരു വിനോദസഞ്ചാരകേന്ദ്രമാണ്. ഒരു അണക്കെട്ടും തടാകവും ഡയറി ഫാമുമാണ് ഇവിടുത്തെ പ്രധാന ആകര്‍ഷണം. ഇന്തോ-സ്വിസ് പ്രൊജക്ടിന് കീഴിലാണ് ഈ ഫാം പ്രവര്‍ത്തിക്കുന്നത്.
Photo Courtesy: Liji Jinaraj

വെള്ളച്ചാട്ടങ്ങൾ

മുന്നാറിലും പരിസരത്തുമുള്ള വെള്ളച്ചാട്ടങ്ങള്‍ ആരെയും കൊതിപ്പിക്കുന്നവയാണ്. പച്ചപ്പിനിടയില്‍ പാലുപോലെ വന്നിറങ്ങുന്ന വെള്ളച്ചാട്ടങ്ങള്‍ കാണേണ്ടകാഴ്ചതന്നെയാണ്. പള്ളിവാസല്‍, ചിന്നക്കനാല്‍(പവര്‍ഹൗസ് വാട്ടര്‍ഫാള്‍സ് എന്നാണ് ഇതിനെ പൊതുവേ പറഞ്ഞുവരുന്നത്) വെള്ളച്ചാട്ടമാണ് ഈ ഭാഗത്തെ ഏറ്റവും വലിയ വെള്ളച്ചാട്ടം.
Photo Courtesy: Adams Homestay Cochin

മറ്റു സ്ഥലങ്ങൾ

ആനയിറങ്കല്‍ റിസര്‍വോയര്‍ മറ്റൊരു പ്രധാനപ്പെട്ട കേന്ദ്രമാണ്. ടാട ടീയുടെ കീഴിലുള്ള ടീ മ്യൂസിയവും സന്ദര്‍ശനയോഗ്യമാണ്. പോത്തന്‍മേട്, ആട്ടുകല്‍, രാജമല, ഇക്കോ പോയിന്റ്, മൂനുളി, നാടുകാണി എന്നിവയാണ് മൂന്നാറിലെ മറ്റു പ്രധാന കേന്ദ്രങ്ങള്‍.
Photo Courtesy: ritesh3

ടോപ്പ് സ്റ്റേഷൻ

ടോപ്-സ്റ്റേഷനിലേയ്ക്ക് പോയാല്‍ മൂന്നാര്‍-കൊടൈക്കനാല്‍ റോഡിലെ ദൃശ്യഭംഗികള്‍ ആസ്വദിക്കാന്‍. പന്ത്രണ്ട് വര്‍ഷത്തിലൊരിക്കല്‍ പൂക്കുന്ന നീലക്കുറിഞ്ഞിയും മൂന്നാറില്‍ മാത്രമുള്ള അപൂര്‍വ്വതകളില്‍ ഒന്നാണ്.
Photo Courtesy: Liji Jinaraj

സന്ദർശനത്തിന് പറ്റിയ സമയം

ഏത് കാലാവസ്ഥയിലും സന്ദര്‍ശിയ്ക്കാന്‍ പറ്റിയ സ്ഥലമാണ് മൂന്നാര്‍. കേരളത്തില്‍ നിന്നും തമിഴ്‌നാട്ടില്‍ നിന്നും മികച്ച ഗതാഗതസൗകര്യമുണ്ട് ഇവിടേയ്ക്ക്.
Photo Courtesy: Liji Jinaraj

ടൂർ പാക്കേജ്

തെക്കേ ഇന്ത്യയിലെ പല ടൂര്‍ ഓപ്പറേറ്റിങ് സ്ഥാപനങ്ങളും ഇങ്ങോട്ട് ടൂര്‍ പാക്കേജുകള്‍ നടത്തുന്നുണ്ട്. ഒട്ടേറെ മികച്ച റിസോര്‍ട്ടുകളും റെസ്റ്റ് ഹൗസുകളും ഹോം സ്‌റ്റേകളുമെല്ലാം താമസസൗകര്യം നല്‍കുന്നുണ്ട്.

Photo Courtesy: Nishanth Jois

നടപ്പാത

മൂന്നാറിലെ തേയിലത്തോട്ടങ്ങൾക്ക് ഇടയിലൂടെയുള്ള ഒരു നടപ്പാത
Photo Courtesy: NSiddhu

ബോട്ടിംഗ്

മട്ടുപ്പെട്ടി ഡാമിലൂടെ ബോട്ടിംഗ് നടത്തുന്ന സഞ്ചാരികൾ

Photo Courtesy: Amrita Bhattacharyya

വഴിയോരകച്ചവടം

മൂന്നാറിൽ വഴിയോര കച്ചവടം നടത്തുന്ന സ്ത്രീകൾ

Photo Courtesy: Koen

തളിര്

നുള്ളിയെടുത്ത തേയിലയുടെ തളിര്
Photo Courtesy: Ashwin Kamath

യാത്ര

മൂന്നാറിലെ തേയിലത്തോട്ടത്തിന് നടുവിലൂടെ നീങ്ങുന്ന കാർ

Photo Courtesy: Mohan Noone

ചെണ്ട

ചെണ്ടയുമായി പോകുന്ന വാദ്യക്കാർ

Photo Courtesy: Marcin Wichary

പാറപ്പുറത്തേയ്ക്ക്

കൂറ്റ‌ൻ പാറയുടെ പുറത്തേയ്ക്ക് കയറുന്ന സഞ്ചാരി

Photo Courtesy: Abhinaba Basu

പാറയുടെ മുകളിൽ

പാറയുടെ മുകളിൽ ഇരിക്കുന്ന സഞ്ചാരികൾ
Photo Courtesy: Abhinaba Basu

തേനീച്ച

മൂന്നാറിലെ തേനിച്ചക്കൂട്ടം

Photo Courtesy: Liji Jinaraj

തോട്ടം തൊഴിലാളി

തേയില നുള്ളുന്ന ഒരു സ്ത്രീ

Photo Courtesy: lvf8

ദേവാലയം

മലമുകളിലെ ഒരു ദേവാലയം

Photo Courtesy: Earth-Bound Misfit, I