ത്രില്ലടിച്ച് യാത്ര ചെയ്യാൻ കേരളത്തിലെ റോഡുകൾ

ദേവികുളം - മൂന്നാർ റോഡ്

തേയിലത്തോട്ടങ്ങൾക്കിടയിലൂടെ വളവുകൾ തിരിഞ്ഞ് കയറ്റം കയറി ഒരു യാത്ര. ദേവികുളം - മൂന്നാർ റോഡിന്റെ പ്രത്യേകതയാണ് ഇത്. 16 കിലോമീറ്റർ ദൂരമുള്ള ഈ റോഡിലൂടെയുള്ള യാത്ര നിങ്ങൾക്ക് സുന്ദരമായ അനുഭവമായിരിക്കും നൽകുക. തേയിലത്തോട്ടങ്ങൾ കൂടാതെ പള്ളിവാസൽ വെള്ളച്ചാട്ടം പോലുള്ള വെള്ളച്ചാട്ടങ്ങളും ഇത് വഴിയുള്ള യാത്രയിൽ നിങ്ങൾക്ക് ആസ്വദിക്കാം.

Photo: Ben3john

ഈരാറ്റുപേട്ട - വാഗമൺ റോഡ്

കരിമ്പാറക്കൂട്ടങ്ങളുടെ ഓരം ചേർന്ന് സുന്ദരമായ ഒരു റോഡ് യാത്രയ്ക്ക് കൊതിക്കുന്നവർക്ക് പോകാവുന്ന സ്ഥലമാണ് വാഗമൺ. ഈരാറ്റ്പേട്ടയിൽ നിന്ന് വാഗമണിലേക്കുള്ള യാത്ര സഞ്ചാരികളെ ത്രില്ലടിപ്പിക്കുന്ന ഒന്നാണ്

Photo: Visakh wiki

അടിമാലി - നേര്യമംഗലം റോഡ്

മുപ്പത് കിലോമീറ്ററോളം, ത്രില്ലടിപ്പിക്കുന്ന വനയാത്രയാണ് അടിമാലി - നേര്യമംഗലം റോഡ് സഞ്ചാരികൾക്ക് നൽകുന്നത്. എപ്പോഴും കോടമഞ്ഞ് മൂടിക്കിടക്കുന്ന റോഡിൽ, നിങ്ങൾക്ക് ഭാഗ്യമുണ്ടെങ്കിൽ കാട്ടാനകളെ കാണാം.

Photo: Bipinkdas

മുണ്ടക്കയം - കുട്ടിക്കാനം റോഡ്

ദേശീയപാത 220ന്റെ ഭാഗമായ ഈ റോഡ് യാത്ര ത്രില്ലടിപ്പിക്കുന്ന ഒന്നാണ്. കൊടുംവളവുകളും തിരിവകളും താണ്ടിയുള്ള ഹൈറേഞ്ച് കയറ്റം തന്നെയാണ് ഇതിന്റെ ത്രില്ല്. വഴിയരികിൽ നിരവധി കാഴ്ചകളും നിങ്ങൾക്ക് കാണാം.

Photo: Rameshng

താമരശ്ശേരി ചുരം

കോഴിക്കോട് ജില്ലയിൽ നിന്ന് വയനാട്ടിലേക്ക് പ്രവേശിക്കുന്ന ഹിൽഹൈവേയിലാണ് താമരശ്ശേരിചുരം. 14 കിലോമീറ്റർ ത്രില്ലടിച്ച് യാത്ര ചെയ്യാവുന്ന ഈ വഴിയിൽ ഒൻപതോളം ഹെയർപിൻ വളവുകൾ ഉണ്ട്. നിരവധി സുന്ദരമായ കാഴ്ചകളും ഈ റോഡ് യാത്രയിൽ സഞ്ചാരികൾക്ക് അനുഭവിക്കാം
Photo: Svg3414

പാൽചുരം റോഡ്

വയനാട് ജില്ലയെ കണ്ണൂർ ജില്ലയുമായി ബന്ധിപ്പിക്കുന്ന റോഡാണ് പാൽചുരം റോഡ്. കണ്ണൂർ ജില്ലയിലെ കൊട്ടിയൂരിന് അടുത്തുള്ള പാൽചുരം മുതൽ. വയനാട് ജില്ലയിലെ ബോയ്സ് ടൗൺ വരെയുള്ള ഈ റോഡിലൂടെയുള്ള യാത്ര അവിസ്മരണീയമായ ഒന്നായിരിക്കും.

Photo: Vinayaraj