രാമോജി ഫിലിം സിറ്റി, ഹൈദരാബാദ്
ആര്ആര്ആര് ( രൗദ്രം രണം രുദിരം) ചിത്രത്തിന്റെ ഭൂരിഭാഗവും ചിത്രീകരിച്ചത് ഹൈദരാബാദിലും പരിസര പ്രദേശങ്ങളിലുമായാണ്. ഇവിടുത്തെ പ്രധാന ലൊക്കേഷൻ ഗച്ചിബൗളി പ്രദേശത്തെ അലുമിനിയം ഫാക്ടറി ആയിരുന്നു. ഇതോടൊപ്പം രാമോജി ഫിലിം സിറ്റിയിലും സിനിമയിലെ പല ഭാഗങ്ങളും ചിത്രീകരിച്ചിരുന്നു. സിനിമയുടെ തുടക്കവും ക്ലൈമാക്സും ഉൾപ്പെടെയുള്ള ഒരുപാട് സീനുകൾ ഇവിടെ ഷൂട്ട് ചെയ്തു. ലോകത്തിലെ ഏറ്റവും വലിയ ഫിലിം സ്റ്റുഡിയോ കോംപ്ലക്സ് ആയ രാമോജി ഫിലിം സിറ്റി1666 ഏക്കർ സ്ഥലത്തായാണ് വ്യാപിച്ചു കിടക്കുന്നത്.
PC:Shillika
കീവ്, യുക്രെയിൻ
ഒറിജിനൽ സോങിനുള്ള ഓസ്കാർ പുരസ്കാരം നേടിയ 'നാട്ടു നാട്ടു' ഗാനം ചിത്രീകരിച്ച ഇടം ഏതാണെന്ന് ആലോചിച്ചിട്ടില്ലേ? ഉക്രെയ്നിന്റെ തലസ്ഥാനമായ കൈവിലാണ് ഈ പാട്ട് ചിത്രീകരിച്ചത്.യുക്രെയ്ൻ പ്രസിഡന്റിന്റെ ഔദ്യോഗിക വസതിയായ മരിൻസ്കി കൊട്ടാരമാണ് ഈ പാട്ടിന്റെ ദൃശ്യങ്ങളിലുള്ളത്. ചരിത്രപ്രാധാന്യമുള്ള ഇവിടെ 2021 ഓഗസ്റ്റ് മാസത്തിലാണ് ചിത്രീകരണം നടത്തിയത്. റഷ്യ-യുക്രെയ്ൻ യുദ്ധത്തിന് കുറച്ചു മാസങ്ങൾക്കു മുൻപായിരുന്നു ഇവിടെ ചിത്രീകരണം നടത്തിയത്.
PC:Roman Naumov
ആംസ്റ്റര്ഡാം, നെതര്ലൻഡ്
നെതർലൻഡിന്റെ തലസ്ഥാനമായ ആംസ്റ്റർഡാമിലും ആർ ആര് ആറിന്റെ ചില ഭാഗങ്ങള് ചിത്രീകരിച്ചിരുന്നു. കൊവിഡ് രണ്ടാം തരംഗത്തിന്റെ സമയത്തായിരുന്നു ഇവിടുത്തെ ഷൂട്ടിങ്. കനാലുകൾക്കും അതിലൂടെയുള്ള യാത്രകൾക്കും ആംസ്റ്റർഡാം ലോകപ്രസിദ്ധമാണ്. നോര്ത്തിന്റെ വെനീസ് എന്നും ഇവിടം അറിയപ്പെടുന്നു. വെനീസിനേക്കാൾ അധികം കനാലുകളും പാലങ്ങളും ഇവിടെയുണ്ടന്നാണ് കണക്കുകൾ പറയുന്നത്. ആംസ്റ്റർഡാമിലെ രാത്രി ജീവിതം സഞ്ചാരികൾക്കിടയിൽ പ്രസിദ്ധമാണ്.
സോഫിയ, ബൾഗേറിയ
ആർആർആറിൽ എന്ടിആര് ജൂനിയറിന്റെ ആക്ഷൻ സീനുകൾ ചിത്രീകരിച്ചത് ബൾഗേറിയയുടെ തലസ്ഥാനമായ സോഫിയയിലെ സ്റ്റുഡിയോയിൽ വെച്ചായിരുന്നു. കടുവയുമായുള്ള അദ്ദേഹത്തിന്റെ രംഗങ്ങൾ ചിത്രീകരിച്ചതും ഈ നഗരത്തിൽ വെച്ചായിരുന്നു.
ഒരു കാലത്ത് റോമൻ ഭരണത്തിനു കീഴിലായിരുന്ന നഗരം ചരിത്രപരമായും സാംസ്കാരികപരമായും ഏറെ മുന്നിട്ടുനിൽക്കുന്ന ഇടമാണ്. റോമൻ അവശിഷ്ടങ്ങൾക്കു മുകളിലാണ് ഇന്നത്തെ സോഫിയ ഉയർന്നുവന്നിരിക്കുന്നത്. ഇവിടുത്ത കഫെകളും ബാറുകളും രാത്രി ജീവിതവും സഞ്ചാരികൾക്കിടയിൽ പ്രസിദ്ധമാണ്.
Click it and Unblock the Notifications
.jpg){kind=link}