ഇന്ത്യയിലെ പ്രേത നഗരങ്ങൾ

ഹംപി

വിജയനഗര സാമ്രജ്യത്തിന്റെ തലസ്ഥാനമായിരന്നും ഹംപി. ഒരുകാലത്തെ പ്രൗഢി വിളിച്ചോതുന്ന ശേഷിപ്പുകളാണ് ഹംപിയെന്ന ചരിത്രനഗരത്തെ നമ്മുടെ വിനോദസഞ്ചാര ഭൂപടത്തില്‍ വ്യത്യസ്തമാക്കുന്നത്. ഹോയ്‌സാല ശൈലിയിലുള്ള വാസ്തുവിദ്യയുടെ പ്രത്യേകതകളും മഹത്വവുമാണ് ഈ പുരാതന നഗരത്തില്‍ കാണാന്‍ കഴിയുക. ശരിക്കും പറഞ്ഞാല്‍ കരിങ്കല്ലുകളില്‍ വിരിഞ്ഞ അത്ഭുതങ്ങളുടെ ലോകമാണ് ഈ പുരാതന നഗരം. എന്നാൽ സുൽത്താൻമാരുടെ ആക്രമണം ‌ഹംപിയെ ക്ഷതമേൽപ്പിച്ചു.

കൽവന്തിൻ ദുർഗ്

ഇന്ത്യയിലെ ഏറ്റവും അപകടകരമായ സ്ഥലമായാണ് ഇത് കണക്കാക്കുന്നത്. തകർക്കപ്പെട്ട ഒരു നഗരം എന്നതിൽ കവിഞ്ഞ് ഭൂതബാധയുള്ള സ്ഥലമായും ആളുകൾ ഇതിനെ കരുതുന്നു. അതിനാൽ ഇവിടേക്ക് യാത്ര ചെയ്ത് പെട്ടന്ന് തന്നെ എല്ലാവരു മടങ്ങിവരാറാണ് പതിവ്. സഹ്യാദ്രി മലനിരകളിലെ മതരേണിലാണ് ഈ സ്ഥലം സ്ഥിതി ചെയ്യുന്നത്.

ചിത്രത്തിന് കടപ്പാട് : Prasad_Nigade

ഭാംഘട്ട്

കൽവന്തിൻദുർഗ് പോലെ തന്നെ ആളുകളെ ഭയപ്പെടുത്തുന്ന മറ്റൊരു സ്ഥലമാണ് ഭാംഘട്ട്. രാജസ്ഥാനിലെ ആൽവാർ ജില്ലയിലാണ് ഈ സ്ഥലം സ്ഥിതി ചെയ്യുന്നത്. പ്രേതബാതയുള്ള സ്ഥലമാണ് ഇതെന്ന വിശ്വാസം ഉള്ളതിനാൽ അസ്തമയത്തിന് ശേഷം ആരു ഇവിടെ പോകാറില്ല.

ഫത്തേപ്പുർ സിക്രി

അക്ബർ ചക്രവർത്തി പണികഴിപ്പിച്ച ഒരു നഗരമാണ് ഇത്. ലോകത്തിലെ തന്നെ ഏറ്റവും സുന്ദരമായ നഗരങ്ങളിൽ ഒന്നാണ് ഇതെന്നാണ് കരുതപ്പെടുന്നത്. പക്ഷെ ജലക്ഷാമത്തെ തുടർന്ന് ആളുകൾ ഈ നഗരത്തിൽ നിന്ന് കുടിയൊഴിഞ്ഞ് പോയി. ഇപ്പോൾ ഈ സ്ഥലം പ്രശസ്തമായ ടൂറിസ്റ്റ് കേന്ദ്രമാണ്.

ചിത്രത്തിന് കടപ്പാട് : Asitjain

റോസ് അയലൻഡ്

ആൻഡമാനിലെ പോർട്ട് ബ്ലയറിന് സമീപത്തായി രണ്ട് കിലോമീറ്റർ അകലെയായി മനോഹരമായ ഒരു തുരുത്താണ് റോസ് അയലൻഡ്. ഇവിടെ ഒരു ക്രിസ്ത്യൻ ദേവാലയവും സ്ഥിതി ചെയ്തിരുന്നു. 1941ൽ നടന്ന വലിയ ഭൂമികുലുക്കത്തിൽ ഈ പള്ളി തകരുകയായിരുന്നു. എന്നാൽ ഇതിന്റെ അവശിഷ്ടങ്ങൾ കാണാൻ നിരവധിപ്പേർ എത്താറുണ്ട്.

ചിത്രത്തിന് കടപ്പാട് : Kotoviski